Jean 16:19 - Mbede Lə Luba Kone Gə Sigi

¹⁹ Jeju gərə to gə ꞌnjigi mba dəji-e tar ɗaa, ye pa ar-je na: ꞌDəjije naa tar horo-si gə ɔji dɔ tar gə m-pa na: Ɓəl be ɗaa a ko-mje ta kəm-si gə ang magə, cibi ngaɓa ɓəəl be ɗaa a ko-mje.

Testament ke Siki 1960 (Kabba Laka)

¹⁹ Jésus geré dèdè ndiki ta doudjè, bana nè mpa naredè, Sésè ao doudjidjé gel tar nèn horosè té, mbata ma mpana, nai ngadji, sésè a komdjé ang, a gè té ngadji sésè a komdjé wa?

Jean 16:19 ပူးပေါင်းရင်းမြစ်များ

Matiye 6:8

ꞌNdəjije kəm-je ang, mba Bɔ-sijee Luba gərə ne gə sisəy awje ndoo-e le kede nam ɓa ꞌdəj-eje ɓi.

Matiye 9:4

Be ɓa, Jeju gə gərə kəji lə-je le təl pa ar-je na: Mba ɗi ɓa aw-je gə kəji tar gə kṵra̰y be mə-si gə wa?

Marəke 9:32

Ngan njenendoje gərə mə tar gə nee le ang, ngaa ꞌɓəəl mba dəji-e.

Jean 13:33

Ngan-m gə gɔ-gɔ, m-isi gə si naa gə waga ɓəəl ɓi. Sisəy a sangə-mje to gə m-pa ne tar-ɛ m-ar Jiibije na: Lo gə ꞌma m-aw gə kəne le, sisəy a kasəje mba kawje kəne ang. Sisəy kara m-pa to gə be m-ar-si ɓisine tɔ.

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Jean 16:16

Ɓəəl be cibi ɗaa a ko-mje ang magə; cibi ngaɓa ɓəəl be ɗaa a ko-mje.

Jean 16:18

Ɓəəl be gə əng le, m-e na ɗi ngaa kən wa? Ja gərə tar gə n-njigi pa le ang baa.

Jean 16:23

Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Jean 16:26

Ndɔ-ɛ gə əng le a dəjije Bɔ dəwje gə ri-m ngaa, ɗaa m-pa m-ar-si to gə ꞌma ɓa m-a dəji Bɔ dəwje mba tar lə-si ang,

Jean 16:30

ɓisine ɗaa ja gərə to gə ꞌI le, ꞌgərə neje tɔ̰y ɗaa aw ndoo mba kar dəw kara dəji tar ang. Be ɓa, ja ta kag-i to gə ḭ rɔ Luba gə.

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Jean 6:61

Ngaɓa, Jeju gərə m-e gə to gə ngan njenendoje lə-a d-aw ꞌyṵrṵ tar ɔji dɔ tar gə nee le ɗaa, pa ar-je na: Tar gə nee le to jigi tuga gɔl si wa?

Jean 7:33

Jeju pa na: M-ga̰ gə si ɓəəl ɓi ɗaa, m-a təl kaw rɔ njekula-m gə.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.