Jean 15:8 - Mbede Lə Luba Kone Gə Sigi

⁸ Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

Testament ke Siki 1960 (Kabba Laka)

⁸ Deo té ke Bòi a kinga né piti, tokou sésè anidjé nya, tokou ban sésè a déidjé to ndjè kao gom tédjé.

Jean 15:8 ပူးပေါင်းရင်းမြစ်များ

Matiye 5:16

Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Matiye 9:8

Logə bula dəwje d-o be ɗaa, lo tar igi-je sɛl, ar d-ɔsə ne gaji Luba gə nje kar dəwje singamongə gə to gə be.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 13:35

To gə ɓo ꞌnjigije naa gə yo gə nee nama, dəwje tɔ̰y d-a gərə to gə ꞌtoje gə ngan njenendoje lə-m.

Jean 15:5

M-to gə kagə bḭyə̰, sisəy ꞌtoje gə bar kəm kagə bḭyə̰: dəw gə to mə-m gə ɗəw kara baa to gə ꞌma m-to m-e gə ɗaa nj-ɛ nee le kand-e to ya̰. Mba, to gə ɓo ɔsəje rɔ-si ngərəng rɔ-m gə nama ne kara kara a kasə ɗaje ang tɔ.

Jean 8:31

Be ɓa Jeju pa ar Jiibije gə ꞌta kag-ɛ na: To gə ɓo ar-je dɔ tar gə lə-m njang nama ꞌtoje gə ngan njenendoje lə-m to gə tɔgərɔ ja.

1 Corinthiendjé 10:31

Be ɓa, le usaje ne ne, le ayje ne ne, ngaɓa le ɗi-ɗi ɓa ꞌɗaje kara, ꞌɗaje ne tɔ̰y mba rɔnduba lə Luba.

1 Corinthiendjé 6:20

Mba ꞌndogo-si gə ne ndogo gə gad-e al dɔ lo. Ɗaa may kar unje darɔ-si ulaje ne rɔnduba dɔ Luba gə.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Tite 2:5

kar d-a gərə kila ubu dɔ tar gə, kar d-ar ne ngadə, kar d-a to jeneje gə may gə ɗəw gərə ɗa ne kula mə kəy gə lə-je, ngaɓa kar d-ula ne dɔ-je ngulum no ngaw-jeje gə nəm, be ɓa dəwje d-a ndɔl ne tar lə Luba ang.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.