Jean 15:2 - Mbede Lə Luba Kone Gə Sigi

² Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Testament ke Siki 1960 (Kabba Laka)

² Barkem kake kada kada ke mem té ke an ang, a ngangè, barkem kake kada kada ke an, nè noudja bo né, baa a kan baya wota.

Jean 15:2 ပူးပေါင်းရင်းမြစ်များ

Matiye 13:12

mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə.

Matiye 13:33

Jeju pa gusutar gə ɗangə ja cibi ar-je na: Ɓeko̰ gə dara ta naa gə guway kodo gə jene un um mə nduji gə d-ɔji ngo munda mba mbo̰y ne saar kar ḭ tɔ̰y.

Matiye 15:13

Jeju ila-je kəne na: Kagə gə ɗa-ɗa ɓa ɓo to kagə gə Bɔ-mje gə dara ɓa maa ang nama d-a kɔr gə ngira-a mɔgɔgɔ.

Matiye 21:19

N-o kagə tungu kara mbɔr ɗəw boo, n-gangə n-aw gəl-e gə ɗaa n-inga kam-ɛ ja baa to pɔ-pɔ ɗaa n-pa na: A kandə ang gə dɔbo̰ ja! Logə n-pa t-ɛ gə be ja tungu le tudu wɔ.

Matiye 25:29

Mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə.

Matiye 3:10

Tina to gəl kagəje gə nam: kagə gə ɗa-ɗa gə andə ɓa kand-e may ang nama d-a tuga gangə kila pədə.

Matiye 3:12

N-ar ta ɓalaa gə gir lə-a ji-a gə, n-to ne waa lə-a mba kodo kum mə dam gə, ngaɓa n-a təl kula pər gə a kuy ang tisa gə.

Matiye 7:19

Kagə gə ɗa-ɗa ja ɓa kand-e kṵra̰y nama d-a tuga kula pədə.

Marəke 4:20

Kandə kər gə um dɔ nangə gə may gə le to dəwje gə ꞌtuga mbi-je d-o ne tar le ngaɓa njigi go-e gə. Ɗaa kand-e gə kara andə dɔg munda, ye gə ɗangə dɔg misa̰, ngaɓa ye gə ɗangə andə tɔl.

Lugu 8:13

Kandə kər gə um dɔ ranga gə le to to gə dəwje gə d-o tar, ɗaa ꞌta tar le gə tɔg-ɛ ɓa gə rɔləl, ngaa tar le ula ngira-a mə-je gə gə maj-ɛ ang; logə ꞌta kagə ɓa ɓo nena inga-je nama ꞌmbadə takagə lə-je.

Jean 15:1

ꞌMa ja m-to gə kagə bḭyə̰ gə tɔgərɔ ɗaa Bɔy ɓa to njendɔ bḭyə̰.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:3

Sisəy le, ar-je ngadə nam, mba tar gə m-pa m-ar-si.

Jean 15:6

Dəw gə um sə-m naa gə ang nama d-ɔs-ɛ d-ila-a ɗaga asə naa gə bar kəm kagə bḭyə̰, n-tudu kurum ɗaa d-un-e d-ila-a pədə ɗaa pər o̰.

Jean 15:8

Ɗəw gə Bɔy a kinga ne riɓar le ɓa to nee: kar-sisəy andəje mbənji-mbənji ngaɓa kar ꞌtoje gə ngan njenendoje lə-m tɔ.

Jean 17:12

Logə m-ga̰ gə je le, ri-i gə unda dɔ-m gə le ja ɓa m-ngom neje; m-a dɔ-je kər-kər ɗaa dəw kara kara igi horo-je ang, ngaa ngon lə nje tuji ja gə kar-ɛ baa, mba kar tar lə Luba gə Mbede gə le, aw ne lo-e gə ja yɛrɛrɛ.

Romaindjé 11:17

Ngaa to gə ɓo ꞌndər bar kəm-ɛje gə kɛm, ngaɓa ꞌi gə kagə olibiye gə muu baa, d-un-i ꞌnam-i toro-je gə, ngaɓa uba may dɔ ngira gə, gə dɔ bodo kagə olibiye gə to kede le nama,

Romaindjé 11:22

May kar o məmay lə Luba gə mongə lə-a, ngaɓa mongə lə-a gə ɔji dɔ nje gə d-oso, ɗaa n-ɗa sə-i məmay, ngaa to gə ɓo isi dan məmay gə nee le dɔ-i gə kede ang nama ꞌi kara d-a kɔr-i gə gugu tɔ.

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

1 Corinthiendjé 13:1

To gə ɓo m-gərə pa ndo̰ tar lə dəwje ngaɓa lə anjije ja ɓa, to gə ɓo njigi godo mə-m gə nama, m-to to gə ngaw lar gə ɓar be ose m-to to gə kɔr nekɛmje gə ɓar be.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

1 Jean 2:19

Nje kəm tarje lə Kirisi le ꞌce horo-sijee gə ja ɓa d-aw, ngaa ꞌto kar-sijee ang ngaa; mba to gə ɓo ꞌto dəwje lə-si nama d-a kisi gə si; ngaa, to arə ngadə to gə ꞌjejee tɔ̰y ja ꞌto dəwje lə-si ang.

Apocalypse 3:19

Dəwje tɔ̰y gə ꞌma m-njigi-je le, m-ndangə-je gə m-siri-je. Ḭ nja̰y ɓo ꞌturu kəji lə-i.