Jean 15:16 - Mbede Lə Luba Kone Gə Sigi

¹⁶ To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Testament ke Siki 1960 (Kabba Laka)

¹⁶ Sésè mberemdjé ang, a mam mberesè, ke ma mmarsè ke daka mbä, mbata sésè asidjé kao ta kan, baa kandé losè a to. Mbata né ke sésè a doudjidjé Bòi Allah ke rim, nè na kase ta karesè.

Jean 15:16 ပူးပေါင်းရင်းမြစ်များ

Matiye 21:22

Ne tɔ̰y gə a dəjije Luba gə takagə le, a kingaje ja.

Matiye 7:7

ꞌDəjije ne nama d-a kar-si, ꞌsangəje ne nama a kingaje, undaje ta kəy nama d-a kɔr kar-si.

Lugu 6:13

Logə lo ar ɗaa, n-mbərə ngan njenendoje lə-a. ꞌTɔrə-je dɔg gə gir-je gə joo, cibi n-unda ri dɔ-je na njeka̰ykulaje.

Jean 13:18

M-pa tar gə nee ɔji dɔ sisəy tɔ̰y ang baa; nje gə m-mbərə-je. Ngaa may kar Tar gə ꞌɗa mə mbede gə le aw ne lo-e gə: Dəw gə usa sə-m ne mə ka gə kara ja ɔr gɔl-ɛ tuga ne tamas-m.

Jean 15:19

To gə ɓo ꞌtoje gə dɔ nangə gə nee nama dɔ nangə le ne gə to gə k-ɛ ye ɓa njigi. To gə ɓo dɔ nangə ndɔɔl-si nama, mba sisəy ꞌtoje gə njeka-ɛje ang, ngaɓa ꞌma ɓa m-mbərə-si mə dɔ nangə gə tɔ.

Jean 15:5

M-to gə kagə bḭyə̰, sisəy ꞌtoje gə bar kəm kagə bḭyə̰: dəw gə to mə-m gə ɗəw kara baa to gə ꞌma m-to m-e gə ɗaa nj-ɛ nee le kand-e to ya̰. Mba, to gə ɓo ɔsəje rɔ-si ngərəng rɔ-m gə nama ne kara kara a kasə ɗaje ang tɔ.

Jean 6:70

Jeju ila-je kəne na: Sisəy gə dɔg gə gir-si gə joo le, ꞌma ja ɓa m-mbərə-si ang wa? Ngaa dəw kara horo-si gə to ꞌSɛ̰ngərɛ̰.

Koula 1:24

Ɗaa ꞌdəji Luba to gə be: Mbayɓe, ꞌi gə ꞌgərə mə-si tɔ̰y, ɔsə ji-i dɔ dəwje gə joo nee se na ɓa ꞌmbər-e,

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 10:41

n-ar dəw mə ɓeje tɔ̰y ang ngaa n-ar njetar najije gə Luba mbərə-je kede ləw baa, sijee gə j-usa gə j-ay sə-a j-o-e go ce buwa yo gə lə-a.

Koula 22:14

Ananiyas le təl pa na: Luba lə ka-sijee ɔr-i kede nam mba kar-i ꞌgərə mə njigi lə-a, mba kar-i o ne dəw gə gadə-gadə ngaɓa mba ko ne tarje gə t-ɛ gə;

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 1:13

Ngan ko̰-m, m-njigi kar-si ꞌgərəje to gə taar-taar ja m-gɔl mba kaw ɓə lə-si, mba kaw ɗa kula kinga ne dəwje kar Kirisi to to gə m-ɗa ne horo nje gə kɛm gə to Jiibije ang, ngaa saar ɓogəne kara m-inga ɗəw ang ja ɓi.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 15:4

Be ɓa neje gə ꞌɗa mbede gə kede ləw le, ꞌɗa mba tɔji-si ne ne, mba kar ɗəw gə lə kuwa gədərə gə kul-mə gə mbede lə Luba a tɔji-si le, j-a kisi nee gə məkunda.

Romaindjé 9:21

Nje kuba jo le to ꞌɓəə ənji, ɗaa ənji gə njekara gə n-mbo̰y nee ja, n-asə kuba ne bay ɗɔy dəwje ngaɓa kar ɗa ne kulaje gə baa nəm ang wa?

1 Corinthiendjé 10:11

Neje gə əng le ꞌɗe gə nekɔji mar-ɛ ngaɓa ꞌɗa mə mbede gə mba ndəji ne sijee gə j-isi dɔ ɗudu ndɔ gə.

Galatedjé 1:15

Ngaa, logə Luba mbərə-m mə ko̰-mje gə, gə go ɗəw mənuji lə-a ɗaa ɓar-m.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

2 Timoce 1:11

Mba Tar gə May nee le ɓa Luba unda-m ne gə nje pa tar lə-a nəm, gə njeka̰ykula ngaɓa gə nje tɔji ne nəm tɔ.

2 Timoce 2:2

Ngaɓa ne gə o ta-m gə nje tar naj-ɛje bula le, um mə ji dəwje gə gadə-gadə gə, d-a kasə mba tɔji nje gə kɛm tɔ.

Tite 1:5

ꞌMa m-iya̰-i mə ɓe gə Kərɛd mba kar-i ꞌgɔl kɛsə kulaje gə nay, cibi gə go ndu-m gə m-un m-ar-i le ɗaa kar-i ꞌmbərə dəwje unda-je gə ngatɔgəje mə ɓeboje gə kara kara,

Ebərəje 11:4

Ɗəw gə lə takagə ɓa Abɛl un ne nepolo gə to ɓəəl may unda kar Ka̰yi ar Luba; gə go ɗəb-e nee ja d-o-e ne gə dəw gə gadə-gadə, ar Luba ja kara pa tar naji dɔ nenuji gə lə-a ngaɓa ɗəw gə kara baa ne ja n-uy ja ngaa gə go takagə lə-a ɗaa, n-aw n-pa tar ja ɓi.

Jacques 3:18

Njekunda ko ɗɛgɛgɛje le, ꞌdubu kandə neɗa gə dana gadə-gadə mba kar ɗɛgɛgɛ ta ne lo.

1 Piyɛr 3:15

Ngaa ꞌsangəje dɔ ɓəngərə-si mba Kirisi, may kar isije kəgəgə mba pa tar dɔ rɔ-si kar dəw gə ɗa-ɗa gə dəji tar ne kunda mə gə lə-si,

1 Piyɛr 3:2

logə d-o pa nja-si gə arə ngadə gə kila kuji.

1 Jean 4:10

Ɗəw njigi gə Luba njigi-si le, to gə sijee ɓa j-a njigi-e kede ang baa, ngaa ꞌne ja ɓa n-njigi-si dɔngɔr ngaɓa n-ula Ngon-e to gə nekuga dɔ neɗa gə kṵra̰y lə-si.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.