Jean 15:12 - Mbede Lə Luba Kone Gə Sigi

¹² Ndu kun lə-m ꞌma le ɓa to nee: ꞌNjigije naa gə yo gə nee ɗəw kara baa to gə ꞌma kara m-ɓol-si be tɔ.

Testament ke Siki 1960 (Kabba Laka)

¹² Yèn to tar ke ma mpa, sésè ndikidjéna horosè té, deo kadaba tokou mam ndikisè mbä.

Jean 15:12 ပူးပေါင်းရင်းမြစ်များ

Jean 13:34

M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Jean 15:17

Ne gə m-un ndu-m kəne m-ar-si le, mba kar-si ꞌnjigije naa gə yo gə nee.

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

1 Thessaloniciendjé 4:9

Tar gə ɔji dɔ nuji kuwa gə horo-si gə le, sisəy a kaw-je ndoo-e kar dəw ɗa ne mbede ar-si ang, mba sisəy ja kara Luba tɔji-si kar-si ꞌnjigije naa gə yo gə nee.

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 4:8

Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

1 Jean 4:21

Ndu gə j-inga ji-a gə ɓa nee: Dəw gə njigi Luba nama a njigi ngon ko̰-ɛ tɔ.

2 Jean 1:5

Nembaje, ɓisine nee le, m-dəji-i kar j-a njigije naa gə yo gə nee, ɗaa to ndu gə sigi ang baa, ngaa to ye gə to ji-si gə lo kuma kud-e gə dɔngɔr.