Jean 15:1 - Mbede Lə Luba Kone Gə Sigi

¹ ꞌMa ja m-to gə kagə bḭyə̰ gə tɔgərɔ ɗaa Bɔy ɓa to njendɔ bḭyə̰.

Testament ke Siki 1960 (Kabba Laka)

¹ Mam nto kake ndouou ke tokoro, Bòi to ndjè ngem kake ndouou.

Jean 15:1 ပူးပေါင်းရင်းမြစ်များ

Matiye 15:13

Jeju ila-je kəne na: Kagə gə ɗa-ɗa ɓa ɓo to kagə gə Bɔ-mje gə dara ɓa maa ang nama d-a kɔr gə ngira-a mɔgɔgɔ.

Matiye 20:1

Be ɓa, ɓeko̰ gə dara le to asə naa gə dəw gə njekəy gə ce gə ndɔɔ-sḭ baa mba kodo njekulaje kar d-aw mə ndɔ bḭyə̰ gə lə-a.

Matiye 21:33

Oje gusutar gə ɗangə ɓi: Jingaw njekəy kara maa kagə gə ri-a na bḭyə̰. N-ula kinga n-ay ne ngang-ɛje mbugu, n-uru buwa kar ndəy man bḭyə̰ cibi n-ɗa kəy lo t-ɛ gə; ngaɓa n-iya̰ ji njeɗa kula bḭyə̰je gə ɗaa n-ɔdə n-aw mbaa gə.

Marəke 12:1

Jeju un kudu pa tar kar dəwje gə gusutarje na: Ndɔ kara be, dəw kara maa kagə gə ri-a na bḭyə̰. N-ula kinga n-ay ne ngang-ɛje mbugu, n-uru buwa kar ndəy man bḭyə̰, cibi n-ɗa kəy lo t-ɛ gə; ngaɓa n-ḭya̰ ji njeɗa kula bḭyə̰je gə ɗaa n-ɔdə n-aw mba gə.

Lugu 13:6

Jeju pa gusutar ja cibi na: Jingaw kara ꞌmaa kagə tungu mə ndɔ gə lə-a. Logə n-ɗe mba ko se kand-e to wa? Ɗaa n-inga ang.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 1:9

Lokarə le to gə lokarə gə tɔgərɔ gə ɗe ndogo dɔ nangə gə nee, mba kar dəw gə ɗa-ɗa kara o ne lo.

Jean 15:2

Bar kəm kagə bḭyə̰ gə ɗa-ɗa gə uba kar-m gə ɓa ɓo andə ang ɗaa n-tuga-a gə ɗangə; ngaɓa bar kəm kagə bḭyə̰ gə andə ɗaa n-ndər dɔ-ɛ mba kar-ɛ andə gə kede-kede.

Jean 6:32

Be ɓa, Jeju pa ar-je na: Tar gə tɔgərɔ ja, m-pa m-ar-si, to gə Moyiji ɓa ar-si mbə gə ḭ dara ang ngaa Bɔy ɓa ar-si mbə gə tɔgərɔ gə ḭ dara,

Jean 6:55

Mba darɔ-m to nekusa gə tɔgərɔ ngaɓa məsə-m to nekay gə tɔgərɔ tɔ.

Romaindjé 11:17

Ngaa to gə ɓo ꞌndər bar kəm-ɛje gə kɛm, ngaɓa ꞌi gə kagə olibiye gə muu baa, d-un-i ꞌnam-i toro-je gə, ngaɓa uba may dɔ ngira gə, gə dɔ bodo kagə olibiye gə to kede le nama,

1 Corinthiendjé 3:9

Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.

1 Jean 2:8

Cibi, m-ɗa ndu gə sigi mə mbede gə m-ar-si, ndu nee le to ndu gə tɔgərɔ ɔji dɔ-ɛ nəm ngaɓa ɔji dɔ sisəy tɔ; mba cil ciməri nday ar lokarə gə tɔgərɔ arə nam ngaa.