Jean 14:6 - Mbede Lə Luba Kone Gə Sigi

⁶ Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Testament ke Siki 1960 (Kabba Laka)

⁶ Jésus pa arè, Mam nto deo, ke tar ke tokoro, ke tébe. Doou kada ao rò Bòi Allah té ang, sè deo té lom ndja.

Jean 14:6 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 1:4

Ɗəw gə lə-a ꞌne ɓa təbə ga̰ ne, ngaɓa təbə le to gə lokarə gə ndogo dɔ dəwje gə tɔ.

Jean 10:28

Ɗaa ꞌma, m-ar-je təbə gə to gə ndɔ gə ndɔ; d-a busu ang saar gə no ngaɓa dəw kara kara a kasə kuwa-je kɔr-je ji-m gə ang tɔ.

Jean 10:7

Jeju təl pa to gə ɗangə cibi na: Tar gə tɔgərɔ ja, m-pa m-ar-si, m-to gə ta ɗəw kandə lə badəmje.

Jean 10:9

M-to gə ta ɗəw, to gə ɓo dəw andə gə ɗəw gə ɓə lə-m nama a kinga təbə, n-a kaw gə n-a təl ɗaa n-a kinga nekusa t-ɛ.

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Jean 15:1

ꞌMa ja m-to gə kagə bḭyə̰ gə tɔgərɔ ɗaa Bɔy ɓa to njendɔ bḭyə̰.

Jean 18:37

Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m.

Jean 5:21

Be ɓa, to gə Bɔ Ngon-je ndol ne nje gə d-uy ngaɓa n-ar-je d-isi kəm baa le, to gə be ja tɔ, Ngon ar na-na kara isi kəm baa to gə m-e ye ja njigi.

Jean 6:33

mba mbə lə Luba le, to ye gə ḭ dara mba kar dəwje gə dɔ nangə gə nee təbə.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Jean 6:57

Cibi, to gə Bɔ dəwje gə isi kəm baa ula-m, ngaɓa to gə ꞌma, m-isi kəm baa ɗəw gə lə Bɔ dəwje le, to gə be ja tɔ, dəw gə usa darɔ-m nama isi kəm baa ɗəw gə lə-m ꞌma tɔ.

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Jean 8:32

A gərəje tar gə tɔgərɔ ɗaa, tar gə tɔgərɔ a kɔr kula ɓərə gɔbə-si gə.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 4:12

Dəw gə ɗangə kara gə kaji a kḭ rɔ-ɛ gə le godo, mba horo dəwje gə dɔ nangə nee le ri dəw kara gə j-a kaji ne godo.

Koula 9:2

n-dəj-e mba kar ɗa mbede un ne ɗəw kar n-aw ne kəy nendo gə Damasə, mba kinga nje gə kɛm, jingawje gə jeneje, gə d-un ɗəw gə əng le, ɓo ꞌga̰ nama tuwa-je tɔ-je ɗe gə je Jerujalɛm.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 5:2

mbɔr dɔ-ɛ ꞌne ɓa gə go takagə ɗaa j-inga ne mənuji gə j-ar kəne njang, ngaɓa j-unda mə-si dɔ rɔnduba gə Luba a kar-si j-inga sə-a gə gə rɔləl.

Romaindjé 5:21

Be ɓa mba, to gə neɗa gə kṵra̰y o̰ ɓe ɗəw gə lə yo le, to gə be ja tɔ ɓa mənuji o̰ ɓe ɗəw gə lə neɗa gə gadə-gadə mba təbə gə gə ndɔ gə ndɔ ɗəw gə lə Mbayɓe lə-sijee Jeju Kirisi tɔ.

1 Corinthiendjé 15:45

Gəl-e gə nee ɓa ꞌɗa ne mə mbede gə na: Dɔngɔr dəw, Adam, təl nekunda gə aw kəm baa. Bo̰ Adam, təl njil gə nje kar təbə.

Ephésiendjé 2:18

Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.

Colossiendjé 2:17

neje gə əng tɔ̰y le to njil neje gə a kaw ɗe ngaa ne gə tɔgərɔ ɗaa to Kirisi.

Colossiendjé 2:9

Mba ꞌne gə n-un lo kun darɔ Luba ja mɔgɔgɔ.

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Ebərəje 9:8

Njil Njerɔsangə un neje tɔji ne to gə be to gə ɓo bal dɔ gə kay mə kəyje dana joo nee le to saar nama ɗəw kandə no ngɔ gə losangə gə le ɔr ang ɓi.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Piyɛr 2:4

ꞌƊəmje gə rɔ-ɛ gə, ꞌne gə n-to kɔr ər gə to kəm baa gə dəwje ꞌmbadə, ngaa n-may ta kəm Luba gə ɓa mbər-e.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Jean 1:8

To gə ɓo j-a pa na neɗa gə kṵra̰y lə-si godo nama, j-ərə rɔ-si baa ngaɓa tar gə tɔgərɔ godo mə-si gə.

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

1 Jean 5:6

To ꞌNe, Jeju Kirisi gə ɗe ɗəw gə lə man gə ɗəw gə lə məsə, n-ɗe gə man baa ang, ngaa n-ɗe gə man ngaɓa gə məsə; to Njil ja pa tar naj-ɛ, mba Njil to tar gə tɔgərɔ,

2 Jean 1:9

Dəw gə ɗa-ɗa ɓa ar əw, cibi ngom nendo lə Kirisi ang nəm nama, Luba godo m-e gə. Dəw gə ngom nendo nama Bɔ je gə Ngon d-isi m-e gə.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 20:15

Na-na ɓa ꞌɗa ri-a mə mbede təbə gə ang ɗaa, d-ɔs-e d-ila-a dang pər gə.

Apocalypse 22:1

Cibi anji le tɔji-m man baa gə kar kaw kəm baa gə ndogo to gə kɔr ər gə ꞌɓar-ɛ kirisətal be, uba ɓula ngəndəng mbay gə lə Luba je gə ngon badəm.

Apocalypse 22:17

Njil je gə jene nje ngaw ꞌpa na: ꞌƊe! May kar dəw gə o tar gə nee nama pa na: ꞌƊe! Dəw gə kunda man tɔl-ɛ nama may kar-ɛ ɗe, dəw gə njigi nama m-a kar-ɛ man təbə baa ja.

Apocalypse 3:14

Ɗa mbede ar anji lə Mbo̰ naa lə njetakagəje gə Lawdise: Be ɓa n-ne gə Oyo, njetar naji gə njetakagə gə tɔgərɔ, Ngira nekundaje lə Luba pa na:

Apocalypse 3:7

ꞌƊa mbede ar anji lə mbo̰ naa lə njetakagəje gə Piladɛləpi ꞌpa na: A o, tar gə njerɔsangə, dəw gə gadə-gadə, Gə uwa ngon lakɛrɛ lə Dabidi ji-a gə, Gə ɔr ta ɗəw nama dəw a kudu ang, Gə udu ta ɗəw nama dəw kɔr ang pa le ɓa nee.