Jean 14:26 - Mbede Lə Luba Kone Gə Sigi

²⁶ Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Testament ke Siki 1960 (Kabba Laka)

²⁶ Ndjè moso tar, Ndil ke madji toï, nè ke Bòi Allah a koulè ke rim, nè na tòdjousè né toï, ke na kolè mèsè do tar té toï ke ma mpa maresè leo.

Jean 14:26 ပူးပေါင်းရင်းမြစ်များ

Matiye 1:18

Oje kuji Jeju Kirisi le ɗe to to gə be; Məri gə ko̰-ɛje le to njemɔrə lə Jəjəb; ngaa nam ɓa kar-ɛ n-aw kəy ngaw gə ɓe lə Jəjəb ja n-ḭ kɛm ɗəw gə lə Njil Njerɔsangə.

Matiye 1:20

Logə n-aw n-əji m-e gə to gə be ɓi ɗaa, Anji lə Mbayɓe ɗe uru dɔ-ɛ gə gə ni, pa ar-ɛ na: Jəjəb, ngon ka Dabidi, ꞌɓəəl ang ɓo, uwa Məri le gə rɔ-i gə to gə jene lə-i, mba ngon gə to m-e gə əng le ɗe ɗəw gə lə Njil Njerɔsangə,

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Matiye 3:11

ꞌMa m-ɗa-si batɛm mə man gə, ɔji dɔ turu kəji, ngaa dəw gə njekore go-m le singamong-ɛ nday-m, ngaɓa m-asə kɔr sabɔgɔ gɔl-ɛ gə ang. ꞌNe ɓa n-a ɗa si batɛm lə Njil Njerɔsangə gə pər.

Marəke 12:36

Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na: Mbayɓe Luba pa ar Mbayɓe lə-m: Isi dɔ ji kɔl-m gə, Saar gə mba kar-m m-təl ne njeba̰a̰je lə-i mba kar ꞌnja dɔ-je gə.

Marəke 13:11

Logə d-a kaw gə si no ngɔ gangə tar gə nama, ꞌnoje rɔ-si mba tar gə a kaw paje ang, ngaa ye gə d-a kum ta-si gə dɔ kar-ɛ gə əng ja ɓa ꞌpaje, mba to sisəy ɓa a paje tar ang, ngaa to Njil Njerɔsangə.

Lugu 1:15

Cibi, n-a to dəw gə bo no Mbayɓe gə. N-a kay man bḭyə̰ ang nəm, ngaɓa n-a kay kodo gə ḭ ang mag nəm tɔ. Njil Njerɔsangə a ɗusu m-e mə ko̰-ɛje gə ja baa

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 1:41

Logə Jabɛd o ndu Məri le ɗaa, ngon gə m-e gə turu rɔ-ɛ ngaɓa Njil Njerɔsangə kara ɗusu mə Jabɛd tɔ.

Lugu 1:67

Njil Njerɔsangə ɗusu mə bɔ-ɛje Jakari, ɗaa ila mbərə na:

Lugu 11:13

To gə ɓo sisəy gə ꞌtoje dəwje gə kṵra̰y baa ja, ꞌgərəje kar-je ngan si neje gə may-may ngaa ɓədə ɓa Bɔ-sijee Luba gə isi dara a kar Njil Njerɔsangə dəwje gə ꞌdəji-e ang wa?

Lugu 2:25

Cibi jingaw kara isi mə ɓe gə Jerujalɛm, ri-a na Simiyo̰. N-to dəw gə gadə-gadə ngaɓa n-ila kuji dɔ ne gə lə Luba ya̰. N-aw ngəbə nekul mə lə ngan Ijirayɛlje. Njil Njerɔsangə ɗe dɔ Simiyo̰ gə,

Lugu 24:49

Ɗaa, oje, ne gə Bɔy uwa dɔ gɔl-ɛ ɔji dɔ-si le, m-a kula-a dɔ-si gə. Sisəy ɗaa, isije mə ɓe gə nee saar mba kar singamongə gə ḭ taar dəbə dɔ-si gə.

Lugu 3:22

Njil Njerɔsangə un darɔ gə ta naa gə dər kuul be ɗe isi dɔ-ɛ gə. Cibi, ndu ḭ dara ɓar na: ꞋI to Ngon njigi lə-m, ngira rɔləl lə-m.

Jean 1:33

Ngaɓa ꞌma, m-gər-e kede ang, ngaa Luba gə ula-m ar-m m-ɗa batɛm gə man le ja pa na: Dəw gə a ko Njil a kḭ dara ɗisi isi dɔ-ɛ gə ɗaa, ye ɓa to dəw gə a ɗa batɛm gə Njil Njerɔsangə.

Jean 12:16

Dɔngɔr-ɛ le, ngan njenendoje lə-a ꞌgərə ne gə nee le ang baa, ngaa logə Jeju inga riɓar ɗɔdə ɗaa, mə-je ole to gə ne gə nee le ꞌɗa tar-ɛ mə mbede ɔji dɔ-ɛ, ɗaa ꞌɗa neje nee mb-ɛ ꞌne.

Jean 14:16

ꞌMa, m-a dəji Bɔ dəwje kar-ɛ ar-si njekuul mə-si gə ɗangə kara, mba kar-ɛ isi gə si gə no.

Jean 14:25

M-pa tarje nee to gə be m-ar-si mba m-isi gə si naa gə ɓi.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 16:7

Ngaa ꞌma le, m-pa tar gə tɔgərɔ ja m-ar-si: To may lə-si mba kar ꞌma m-ɔdə m-aw; mba to gə ɓo m-ɔdə m-aw ang nama Njekuul mə-si a ɗe kinga-si ang; ngaa to gə ɓo m-ɔdə m-aw nama, m-a kula-a kar n-ɗe n-inga-si.

Jean 2:22

Logə Jeju ce mə buwa yo gə ngaɓa mə ngan njenendoje lə-a ole dɔ tar gə nee le ɓa ꞌta ne kagə tar gə mbede pa nəm, gə dɔ tarje gə lə-a gə n-pa nəm tɔ.

Jean 20:22

Go tar gə n-pa to gə be ɗaa, n-to ləl dɔ-je gə pu ɗaa n-pa n-ar-je na: ꞌTaje Njil Njerɔsangə.

Jean 6:45

ꞌƊa mə mbede gə lə pajambərəje na: Dəwje tɔ̰y ja Luba a tɔji-je ne. Na-na ɓa o ndu Bɔ dəwje ngaɓa uwa nendo lə-a m-e gə nama ɗe rɔ-m gə.

Jean 7:39

N-pa tar nee n-ɔji dɔ Njil gə nje ta kag-eje d-a kinga: To to gə be mba d-ula rɔnduba dɔ Jeju gə ang baa ɓi ɗaa Njil godo ɓi tɔ.

Koula 1:2

Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

Koula 1:4

Ndɔ kara n-aw n-usa ne gə ngan njekulaje lə-a le ɗaa n-un ndu n-ar-je na: Awje əw gə ɓebo gə Jerujalɛm ang ngaa ꞌnginaje ne gə Bɔy uwa dɔ gɔl-ɛ, ne gə m-pa tar-ɛ m-ar-si le.

Koula 1:8

Ngaa sisəy a kingaje singa lə Njil Njerɔsangə gə a ɗe dɔ-si gə ɗaa a toje njetar najije lə-m mə ɓe gə Jerujalɛm, gə dɔ nangə gə Jude, mə ɓe gə Samari ngaɓa saar ce ne ko̰ nangə gə njal.

Koula 11:16

Be ɓa mə-m ole dɔ tar gə lə Mbayɓe gə pa na: Ja̰ ɗa dəwje batɛm mə man gə ngaa sisəy ɗaa a kingaje batɛm lə Njil Njerɔsangə.

Koula 13:2

Logə d-aw ꞌpolo Luba ngaɓa ꞌtɔl mə-je ɓo ɗaa Njil Njerɔsangə na: Ɔrəje Barənabas je gə Sɔl undaje-je ɓədə mba kula gə m-ɓar-je mb-ɛ.

Koula 13:4

Barənabas je gə Sɔl le Njil Njerɔsangə ula-je to gə be ɗaa d-aw ꞌce mə ɓebo gə Seləsi ngaɓa d-al to mba kaw dɔ-je gə ɓe gə Sipərə.

Koula 15:28

Njil Njerɔsangə njigi go-e ngaɓa sijee kara j-a njigi kunda nekodo dɔ mar-ɛ gə kar-si ang ye gə asə kəm ɗa ja baa ɗaa, neje gə a kaje rɔ-si kəne ɓa nee:

Koula 15:8

Ngaɓa Luba gə to nje gərə mə dəwje le, tɔji gə ɗaga, ar-je Njil Njerɔsangə to to gə ar-sije tɔ.

Koula 16:6

Dɔ ndɔ-ɛ nee le Njil Njerɔsangə ɔgə-je ɗəw kila mbərə tar dɔ nangə gə Aji. Be ɓa ꞌnday-je ɓeko̰je gə Piriji gə Galasi taar.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Koula 2:4

Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 20:35

Ɗəw neje gə tɔ̰y le, m-tɔji-si to gə kəm kar dəw ɗa kula be ɓa a la ne gə njeɗəmje ngaɓa kole ne mə dɔ tarje gə lə Mbayɓe Jeju gə pa gə t-ɛ ja na: Kar ne dəw to nokarə ya̰ unda ta ne ji dəw gə.

Koula 28:25

Be ɓa d-aw d-ɔdə gə kəji lə-je gə um naa gə tɔ̰y ang le ɗaa, Pɔl ila tar dɔ mar-ɛ gə na: Tar gə Njil Njerɔsangə pa ar ka-sijee gə ndu Pajambərə Ejay le tɔgərɔ ja, tar gə na:

Koula 5:3

Be ɓa Piyɛr pa ar Ananiyas na: Mba ɗi ɓa ꞌSu ta mə-i ar-i ꞌpa tar gə ɗəgərə ar Njil Njerɔsangə ngaɓa ɔr dəbə lar lo le iya gə go ji-i wa?

Koula 7:51

Etiyɛn təl pa ar nje gə no ngɔ gangə tar le na: ꞌtoje dəwje gə nje dɔ ngangəje, mə-si kədərə nəm ɓa mbi-si kara uduje jigi dɔ tar gə lə Luba. Ngaɓa ilaje karəw gə Njil Njerɔsangə ja jaga-jaga to to gə ka ka-sijee le ja ɓi.

Koula 7:55

Ngaa Njil Njerɔsangə ɗusu mə Etiyɛn ɗaa un kəm-e a lo gə dara, o rɔnduba lə Luba cibi o Jeju ar taar dɔ ji kɔl Luba gə.

Romaindjé 14:17

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

Romaindjé 5:5

ngaɓa, kunda mə ɗa nerɔkul ang, mba Njil Njerɔsangə gə d-ar-si le, ar njigi lə Luba ta mə-si ya̰-ya̰.

1 Corinthiendjé 12:3

Gəl-e gə nee ɓa m-pa m-ar-si dəw gə Njil lə Luba nay sə-a a kasə pa na: Kugu uwa Jeju, a pa be ang, ngaɓa dəw gə Njil Njerɔsangə nay sə-a ja ɓa a pa na: Jeju to Mbayɓe.

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

2 Corinthiendjé 6:6

ɗəw karə ngadə gə, ɗəw negərə gə, ɗəw kila mə dɔ mar-ɛ gə, ɗəw məmay, ɗəw gə lə Njil Njerɔsangə, ɗəw njigi gə lal tar mula,

Ephésiendjé 1:13

Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

Ephésiendjé 4:30

May kar-si ꞌtuji-je mə Njil Njerɔsangə lə Luba ang, gə ɗəw lə-a ɓa bəngə ji to ne rɔ-si gə ɔji ne dɔ ndɔ ce ɓe ɓərə gə lə neɗa gə kṵra̰y.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

2 Timoce 1:14

Ne gə may le ngom gə go singa Njil Njerɔsangə gə to mə-si gə.

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Ebərəje 10:15

Tar gə nee le Njil Njerɔsangə kara pa ar-si tɔ. Mba logə n-pa na:

Ebərəje 2:4

Luba ore kudu tar naji lə-je gə netɔjije, gə nemisije ngaɓa neje dang-dang gə kəm dəw o ndɔ kara ang, gə gusu-eje gə n-ar-je ɗəw gə lə Njil Njerɔsangə to gə m-e njigi.

Ebərəje 3:7

Gəl-e gə nee ɓa, gə go tar gə Njil Njerɔsangə pa na: To gə ɓo oje ndu-e ɓogəne nama,

Ebərəje 9:8

Njil Njerɔsangə un neje tɔji ne to gə be to gə ɓo bal dɔ gə kay mə kəyje dana joo nee le to saar nama ɗəw kandə no ngɔ gə losangə gə le ɔr ang ɓi.

1 Piyɛr 1:12

Be ɓa ꞌkila gəl-e d-ar-je to gə neje nee le ɔji dɔ ꞌjejee ang, ngaa ɔji dɔ sisəy, ɓa ꞌto ne nje kula-ɛje. Ɓisine ɗaa nje gə d-aw d-ila mbərə Tar gə May ꞌpa tar neje nee le d-ar-si ɗəw gə lə Njil Njerɔsangə gə ḭ dara ngaɓa anjije ja kara ꞌsangə mba gərə tɔ.

2 Piyɛr 1:21

mba tar gə pajambərəje ꞌpa le, ɗe gə go kəm karə lə dəw kara ang, ngaa Njil Njerɔsangə ɓa ar-je singamongə ꞌpa ne tar gə ndu Luba.

1 Jean 2:20

Kar-sisəy le ɗaa, Njerɔsangə uwa dɔ-si gə ubu, ngaɓa ingaje ne negərə.

1 Jean 2:27

Sisəy le ɗaa, Njerɔsangə uwa dɔ-si gə ubu le nam, ɓo dəw a tɔji-si ne ang ngaa; ngaa mba ubu gə n-uwa ne dɔ-si le tɔji neje tɔ̰y, to gə n-to ne tar gə tɔgərɔ ja ɓo tar gə ɗəgərə ang, ɗaa umje sə-a naa gə to gə n-tɔji le.

1 Jean 5:7

mba njetar naj-ɛje d-ḭ munda:

Jude 1:20

Ngaa sisəy gə m-njigi-si ya̰ le, ꞌtɔsəje kəm-si dɔ takagə lə-si gə to losang-ɛ. ꞌDəjije Luba ɗəw gə lə Njil Njerɔsangə.

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.