Jean 14:23 - Mbede Lə Luba Kone Gə Sigi

²³ Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Testament ke Siki 1960 (Kabba Laka)

²³ Jésus tél pa arè, Tokou doou ndikim, nè na ngem tar lom, Bòi a ndikè, ke djèdjè dja dé da loou kisi lodjè mèa té.

Jean 14:23 ပူးပေါင်းရင်းမြစ်များ

Jean 10:30

ꞌMa je gə Bɔy j-a to gə kara baa.

Jean 14:15

To gə ɓo ꞌnjigi-mje nama a ngomje ndu-mje.

Jean 14:17

Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Jean 14:21

Dəw gə njigi-m nama, nj-ɛ nee le uwa torondu-m kɛgə um m-e dɔ-ɛ gə jəb-jəb. Be ɓa dəw gə njigi-m nama Bɔy kara a njigi-e tɔ. Ɗaa ꞌma kara ꞌma njigi-e ngaɓa m-a tɔji rɔ-m kar-ɛ gərə-m tɔ.

Jean 14:24

Dəw gə njigi-m ang nama ngom tarje lə-m ang tɔ, be ɓa, tar gə sisəy oje nee le to gə tar lə-m ꞌma ang ngaa to gə tar lə Bɔy gə ula-m.

Jean 15:10

To gə ɓo ꞌngom-je ndu-m nama sisəy um-je sə-m naa gə dɔ njigi gə lə-m ɗəw kara to gə ꞌma m-ngom ndu Bɔy le ɗaa m-um ne sə-a naa gə dɔ njigi gə lə-a tɔ.

Jean 16:27

mba Bɔ dəwje gə darɔ-ɛ ja njigi-si mba ꞌnjigi-mje ɗaa ꞌtaje kagə-m to gə m-ḭ rɔ Luba gə.

Jean 6:56

Dəw gə usa darɔ-m gə ay məsə-m nama isi mə-m gə, to gə ꞌma kara m-isi m-e gə tɔ.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Jean 8:52

Be ɓa Jiibije ꞌpa d-ar-ɛ na: Ɓisine j-a gərə to gə njil gə kṵra̰y ula gərəng mə-i gə. Abəraham uy ngaɓa pajambərəje kara nəm tɔ, ɗaa ꞌI, ꞌpa na: To gə ɓo dəw um m-e dɔ-m gə nama a ko yo gə kəm-e ang ja saar!

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Ephésiendjé 3:17

May kar Kirisi ɗa ɓe mə-si gə kəy kɔrɔgə ɗəw takagə gə, ngaɓa may kar njigi ula ngira-a mə-si gə pə̰y-pə̰y nəm, ar-je dan-ɛ gə dana badagə nəm tɔ.

1 Jean 2:24

Gəl-e gə nee ɓa, tar gə sisəy oje kede dɔngɔr le, may kar uwaje Ngon gə Bɔ dəwje mə-si gə tɔ.

1 Jean 2:5

Ngaa dəw gə ngom tar lə-a nama, nj-ɛ nee le njigi Luba to gə tɔgərɔ gə mə gə kara baa. Ye ɓa ar j-a gərə to gə j-a ga̰ sə-a kara baa.

1 Jean 4:4

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

1 Jean 5:3

Be ɓa, njigi lə Luba le to ngom ndu-eje. Cibi ndu-eje le ɔyi ang,

2 Jean 1:6

Oje ne gə to njigi le, mba kar j-a nja go ndu gə lə-a. Ye ɓa to ndu gə a ꞌnja-je kəne to gə oje nee tar-ɛ lo kuma kud-e gə dɔngɔr le.

Apocalypse 21:22

Mə ɓebo gə nee le m-o kəy lə Luba kəne ang, mba Mbayɓe Luba gə njesingamongə je gə ngon badəm ja ꞌto gə kəy gə kəne.

Apocalypse 21:3

M-o ndu ḭ ngəndəng mbay gə ɓar to gə boy wəəl na: Lo kisi lə Luba gə ga̰ horo dəwje lə-a le ɓa ye a nee. N-a kisi gə je. D-a to gə dəw mə ɓeje lə-a ɗaa ꞌne n-a to Luba gə ga̰ gə je naa gə.

Apocalypse 22:3

Nekugu tɔ̰y a godo saar gə no. Ngəndəng mbay le Luba je gə ngon badəm a ga̰ mə ɓebo gə le. Ɗaa, ngan njekulaje lə Luba d-a pol-e;