Jean 14:20 - Mbede Lə Luba Kone Gə Sigi

²⁰ Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Testament ke Siki 1960 (Kabba Laka)

²⁰ Ndè té nou, sésè a geridjé ma méh mè Bòi té, ke sésè éhdjé mem té, ke ma méh mèsè té.

Jean 14:20 ပူးပေါင်းရင်းမြစ်များ

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 14:10

ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Jean 14:11

ꞌTaje kagə-m, m-to mə Bɔ dəwje ngaɓa Bɔ dəwje kara to mə-m ꞌma gə tɔ; be ang kara ꞌtaje kagə mba kulaje nee le.

Jean 16:23

Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Jean 16:26

Ndɔ-ɛ gə əng le a dəjije Bɔ dəwje gə ri-m ngaa, ɗaa m-pa m-ar-si to gə ꞌma ɓa m-a dəji Bɔ dəwje mba tar lə-si ang,

Jean 17:11

Uma kud-e nee ɗaa m-ga̰ dɔ nangə gə nee ang ngaa; ꞌjejee ɗaa ꞌga̰ dɔ nangə gə nee, ngaa ꞌma ɗaa m-aw gə ɓə lə-i. Bɔy gə njerɔsangə, ri-i gə unda dɔ-m gə le ye ja ꞌngom neje mba kar ꞌto dəwje gə kara baa to gə sijee sə-i ja to gə kara baa be tɔ.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 17:7

Ɓisine ɗaa ꞌjejee ꞌgərə to gə ne tɔ̰y gə ꞌI ar-m le ḭ rɔ-i gə,

Jean 6:56

Dəw gə usa darɔ-m gə ay məsə-m nama isi mə-m gə, to gə ꞌma kara m-isi m-e gə tɔ.

Romaindjé 16:7

Oje Andoronikus je gə Juniyas ar-mje, ꞌjejee gə to njenujije lə-m ngaɓa ꞌto njebakuwaje lə-m, gə ꞌto njeriɓarje gə may horo njeka̰ykulaje gə, ngaɓa ꞌto nje kar Kirisije kede no-m ꞌma gə.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

2 Corinthiendjé 12:2

M-gərə dəw kara gə to njetakagə Kirisi, gə asə ɓal dɔg gə gir-e gə sɔɔ ja ngaa, d-un-e d-aw sə-a saar mə dara gə njekum gə munda gə, d-un-e gə darɔ-ɛ ja ose to gə njil-e ɓa d-un kara, Luba ɓa gərə.

2 Corinthiendjé 13:5

May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

2 Corinthiendjé 5:17

To gə ɓo dəw un rɔ-ɛ ar Kirisi nama, to nekunda gə sigi. Neje gə ləw nday, neje tɔ̰y təl to neje gə sigi.

2 Corinthiendjé 5:19

Mba Luba um naa gə gə dəwje tɔ̰y ɗəw gə lə Kirisi, n-a tura ne go kal tar lə-je ang, ɗaa n-um tar kum naa gə ta-sijee gə.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Ephésiendjé 2:10

Mba ja to neɗa ji Luba gə unda-si ɗəw gə lə Kirisi Jeju gə mba kar-si ja ɗa neje gə may, gə n-gɔl gə dɔ gɔl-ɛ kede ləw baa mba kar-si ja ɗa.

Colossiendjé 1:19

Mba Luba njigi kar n-un darɔ-ɛ ye ja mɔgɔgɔ,

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

Colossiendjé 2:9

Mba ꞌne gə n-un lo kun darɔ Luba ja mɔgɔgɔ.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.