Jean 14:17 - Mbede Lə Luba Kone Gə Sigi

¹⁷ Njil tar gə tɔgərɔ gə dəwje gə dɔ nangə gə nee d-a kasə kinga ang, mba d-o-e ang ngaɓa ꞌgər-e ang nəm tɔ. Sisəy ꞌgər-eje mba n-isi gə si gə naa gə, ngaɓa n-a kisi mə-si gə tɔ.

Testament ke Siki 1960 (Kabba Laka)

¹⁷ Nè nto Ndil tar ke tokoro, ke dooudjé ke nange nèn ase ta tèè ang, mbata dèdè doè aséh ngerè ang. Sésè egerèdjé, mbata nè nisi kesè a na kéh mèsè té.

Jean 14:17 ပူးပေါင်းရင်းမြစ်များ

Matiye 10:20

Mba to sisəy ɓa a paje tar ang, ngaa Njil Bɔ-sijee Luba ɓa a kuwa ta-si pa ne tar.

Jean 14:16

ꞌMa, m-a dəji Bɔ dəwje kar-ɛ ar-si njekuul mə-si gə ɗangə kara, mba kar-ɛ isi gə si gə no.

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 16:13

Logə Njil gə njetar gə tɔgərɔ a ɗe ɗaa, a kɔr no-si ɗəw tar gə tɔgərɔ gə ja tɔ̰y. Mba n-a pa tar gə dɔ rɔ-ɛ baa ang, nga tarje tɔ̰y gə n-a ko le ja ɓa n-a pa ɓi, ngaɓa neje tɔ̰y gə a ɗe le, n-a pa tar-ɛ kar-sisəy tɔ.

Jean 6:40

Mə njigi lə Bɔy le ja ɓi ɓa nee: kar na-na ɓa o Ngon ngaɓa ta kag-ɛ nama inga təbə gə to gə no, ɗaa ꞌma m-a ndol-e dɔ ɗudu ndɔ gə.

1 Corinthiendjé 14:15

Ɗi ɓa m-a ɗa wa? M-a dəji Luba ɗəw Njil gə ja, ngaa m-a dəji gə kəji negərə; m-a kɔsə pa ɗəw Njil gə ja, ngaa m-a kɔsə gə kəji negərə.

1 Corinthiendjé 2:14

Ngaa dəw gə kəji lə-a to kəji gə darɔ gə le njigi neje gə ɗe ɗəw Njil lə Luba ang, mba n-o gə ne mbə baa ta kəm-e gə; n-asə gərə ang mba ɗəw Njil gə lə ɓa dəw a kɔr kəm ne neje gə nee le.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

2 Corinthiendjé 13:5

May kar ꞌtənje mə-sisəy ja so-so oje, se uwaje takagə gədərə ja wa? ꞌNaje darɔ-sisəy ja oje. ꞌGərəje to gə Jeju Kirisi ga̰ mə-si gə ang wa? Ose na mə lə-sisəy le tɔji ne gə baa wa?

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Galatedjé 4:6

Ne gə tɔji to gə ꞌtoje nganje lə Luba le ɓa nee, Luba ula Njil Ngon-e mə-si gə. Njil ɓar ne wəəl na: Aba! Bɔy!

Ephésiendjé 2:22

Ɗəw gə lə Jeju le ja tɔ ɓa, sisəy kara, d-unda si ne naa gə kara baa gə kəy mba kar-si ꞌtoje ne gə kəy kisi Luba ɗəw Njil gə tɔ.

Ephésiendjé 3:17

May kar Kirisi ɗa ɓe mə-si gə kəy kɔrɔgə ɗəw takagə gə, ngaɓa may kar njigi ula ngira-a mə-si gə pə̰y-pə̰y nəm, ar-je dan-ɛ gə dana badagə nəm tɔ.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

2 Timoce 1:14

Ne gə may le ngom gə go singa Njil Njerɔsangə gə to mə-si gə.

1 Jean 2:27

Sisəy le ɗaa, Njerɔsangə uwa dɔ-si gə ubu le nam, ɓo dəw a tɔji-si ne ang ngaa; ngaa mba ubu gə n-uwa ne dɔ-si le tɔji neje tɔ̰y, to gə n-to ne tar gə tɔgərɔ ja ɓo tar gə ɗəgərə ang, ɗaa umje sə-a naa gə to gə n-tɔji le.

1 Jean 3:24

Dəw gə ar dɔ ndu-e gə le, um naa gə gə Luba ngaɓa Luba kara um sə-a naa gə tɔ, ye ɓa sijee ja gərə ne to gə n-um gə si naa gə, ɗəw gə lə Njil gə n-ar-si.

1 Jean 4:4

Ngan-m gə gɔgɔ, sisəy le ꞌtoje kar Luba, ngaɓa ꞌcɛdəje ɗɔ pajambərəje gə mbɔr-ɛ, mba ye gə isi mə-si gə le to ɓəəl unda nje kisi dɔ nangə gə nee.

1 Jean 4:6

Sijee le, j-a to dəwje lə Luba, nje gə gərə Luba ɓa d-o tar lə-si, dəw gə to dəw lə Luba ang le a ko tar lə-si ang; ɗəw gə nee ɓa j-a gərə ne Njil tar gə tɔgərɔ gə njil tar gə baa.

1 Jean 5:7

mba njetar naj-ɛje d-ḭ munda:

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.