Jean 14:13 - Mbede Lə Luba Kone Gə Sigi

¹³ Ne tɔ̰y gə a dəjije gə ri-m le, m-a ɗa mba kar Bɔ dəwje inga rɔnduba ɗəw gə lə Ngon.

Testament ke Siki 1960 (Kabba Laka)

¹³ Né ke sésè a doudjidjé ke rim, ma ma da né nèn, baa ta kare Bòi Allah a kinga piti mè Ngonè té.

Jean 14:13 ပူးပေါင်းရင်းမြစ်များ

Matiye 21:22

Ne tɔ̰y gə a dəjije Luba gə takagə le, a kingaje ja.

Matiye 7:7

ꞌDəjije ne nama d-a kar-si, ꞌsangəje ne nama a kingaje, undaje ta kəy nama d-a kɔr kar-si.

Marəke 11:24

To gə be ɓa, m-pa m-ar-si: Ne tɔ̰y gə ꞌdəjije Luba le ꞌtaje kagə to gə ingaje nam ɗaa, Luba a ɗa kar-si.

Lugu 11:9

ꞌMa ɗaa, m-pa m-ar-si: ꞌDəji-je ne nama d-a kar-si, ꞌsangəje ne nama a kinga-je, unda-je ta kəy nama d-a kɔr kar-si.

Jean 10:30

ꞌMa je gə Bɔy j-a to gə kara baa.

Jean 12:44

Jeju pa tar gə ndu-e gə boy na: Dəw gə ta kagə-m nama, to gə ꞌma ɓa ta kagə-m ang, ngaa dəw gə njekula-m le ɓa ta kag-ɛ kən;

Jean 13:31

Logə Judas ɔsə lo ce ɗɔdə ɗaa, Jeju pa na: Ɓisine d-ula rɔnduba dɔ Ngon lə dəw gə, ngaɓa Luba kara inga rɔnduba ɗəw gə lə-a ꞌne tɔ.

Jean 14:14

To gə ɓo ꞌdəji-mje ne gə ri-m nama m-a ɗa ne ja.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:7

To gə ɓo um-je sə-m naa gə ngaɓa uwaje tar lə-m mə-si gə nama ꞌdəjije ne gə mə-si njigi, ɗaa sisəy a kingaje.

Jean 16:23

Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Jean 16:26

Ndɔ-ɛ gə əng le a dəjije Bɔ dəwje gə ri-m ngaa, ɗaa m-pa m-ar-si to gə ꞌma ɓa m-a dəji Bɔ dəwje mba tar lə-si ang,

Jean 16:7

Ngaa ꞌma le, m-pa tar gə tɔgərɔ ja m-ar-si: To may lə-si mba kar ꞌma m-ɔdə m-aw; mba to gə ɓo m-ɔdə m-aw ang nama Njekuul mə-si a ɗe kinga-si ang; ngaa to gə ɓo m-ɔdə m-aw nama, m-a kula-a kar n-ɗe n-inga-si.

Jean 4:10

Jeju ila-a kəne na: To gə ɓo ꞌgərə nekarə baa lə Luba ose ye gə pa ar-i na ar-m man m-ay le nama, ꞌI ja a to kiigi mba dəji-e man dɔngɔr kay, ɗaa n-a kar-i man gə kar kisi gə təbə ay.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 7:37

Ɗudu ndɔ ɗa nay gə to ndɔ gə bɔy le, Jeju ar taar ɗaa ila ndu-e nangə ɓolong pa ne tar na: To gə ɓo dəw gə kunda tɔl-ɛ nama may kar-ɛ ɗe gə rɔ-m gə ɗe ta man ay.

1 Corinthiendjé 14:13

Be ɓa may kar dəw gə nje pa ndo̰ tar le dəji Luba mba kar ar-ɛ n-gərə kɔr gəl-e tɔ ɓa.

Ephésiendjé 2:18

Be ɓa, mbɔr dɔ-ɛ ꞌne ɗaa, ta ɗəw gə aw gə rɔ Bɔ dəwje gə le to ne tagə bəndəng ɔji dɔ sijee gə yo gə nee ɗəw gə lə Njil gə kara baa nee le ja.

Ephésiendjé 3:12

Mba ɗəw gə lə-a ꞌne, ngaɓa gə go ta gə ja ta kag-e le ɗaa, dɔ-si to ne doy mba ɗəm ne gə rɔ Luba gə gə ɓəəl ang.

Ephésiendjé 3:14

Gəl-e gə nee ɓa m-um ne məkəji-m no Bɔ dəwje gə,

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

Ebərəje 13:15

Ɗəw gə lə-a ja j-a pidi ne Luba jaga-jaga gə nepolo, to tarje gə j-a pa gə ri-a.

Ebərəje 4:15

Mba buba njekapolo lə-si le a kasə kum gə si naa gə dɔ ɗəəm gə lə-si ja, gəl-e gə ne ɓa ꞌne kara nena ce dɔ-ɛ gə ɗəw kara baa to to gə sijee be ja tɔ, ngaa n-ɗa neɗa gə kṵra̰y ang.

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.

1 Jean 5:14

Oje ne gə arə si singa ɓa nee: to gə ɓo j-a dəji-e ne gə go mə njigi lə-a nama, n-o ndu-si.