Jean 14:10 - Mbede Lə Luba Kone Gə Sigi

¹⁰ ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Testament ke Siki 1960 (Kabba Laka)

¹⁰ I wo ang ke ma méh mè Bòi Allah té, ke Bòi Allah éh mem té wa? Tar ka ma mpa maresè, ma mpa tar ke mem té ndja ang, Bòi ke éh mem té nè nda koula la.

Jean 14:10 ပူးပေါင်းရင်းမြစ်များ

Jean 10:30

ꞌMa je gə Bɔy j-a to gə kara baa.

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 11:26

Cibi dəw gə aw kəm baa ngaɓa ta kagə-m nama a kuy ang saar gə no. ꞌTa kagə tar gə nee le ja wa?

Jean 12:49

Mba ꞌma m-pa tar gə dɔ-m baa ang, ngaa Bɔ dəwje gə ula-m le ngaɓa unda tar ta-m kar-m pa le ye ja m-pa ɗaa m-pa.

Jean 14:11

ꞌTaje kagə-m, m-to mə Bɔ dəwje ngaɓa Bɔ dəwje kara to mə-m ꞌma gə tɔ; be ang kara ꞌtaje kagə mba kulaje nee le.

Jean 14:20

Dɔ ndɔ-ɛ gə əng le, a gərəje to gə m-ga̰ mə Bɔy gə, ngaɓa sisəy ꞌtoje mə-m ꞌma ngaɓa ꞌma m-to mə-sisəy gə tɔ.

Jean 14:24

Dəw gə njigi-m ang nama ngom tarje lə-m ang tɔ, be ɓa, tar gə sisəy oje nee le to gə tar lə-m ꞌma ang ngaa to gə tar lə Bɔy gə ula-m.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Jean 5:17

Ngaa Jeju ila-je kəne na: Saar ɓisine, Bɔy ar ta kula gə ja ɓi, ngaɓa ꞌma kara m-ar ta kula ja ɓi tɔ.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 7:16

Jeju ila-je kəne na: Netɔji lə-m ꞌma le ḭ rɔ-m ꞌma gə ang, ngaa ḭ rɔ dəw gə njekula-m gə.

Jean 8:28

Be ɓa Jeju pa ar-je na: Ndɔ gə a kunje Ngon lə dəw kunda-aje taar ndode ɓa a gərəje to gə m-ga̰ ngaɓa m-ɗa ne gə dɔ-m baa ang: Ne gə Bɔ dəwje tɔji-m ja ɓa m-pa tar-ɛ.

Jean 8:38

ꞌMa le, ne gə m-o gə kəm rɔ Bɔ dəwje gə ɓa m-pa tar-ɛ, sisəy kara, ꞌɗaje neje gə ꞌtugaje mbi-si oje ne ta bɔ-sijee gə tɔ.

Jean 8:40

Ngaa ɓisine ɗaa sisəy ꞌsangəje ɗəw gə mba tɔl-m, ꞌma dəw gə m-o tar gə tɔgərɔ ta Luba gə ɓa m-pa m-ar-si. Ne gə kən le, Abəraham ɗa ang baa.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

2 Corinthiendjé 5:19

Mba Luba um naa gə gə dəwje tɔ̰y ɗəw gə lə Kirisi, n-a tura ne go kal tar lə-je ang, ɗaa n-um tar kum naa gə ta-sijee gə.

Colossiendjé 1:19

Mba Luba njigi kar n-un darɔ-ɛ ye ja mɔgɔgɔ,

Colossiendjé 2:9

Mba ꞌne gə n-un lo kun darɔ Luba ja mɔgɔgɔ.

1 Jean 5:7

mba njetar naj-ɛje d-ḭ munda: