Jean 13:8 - Mbede Lə Luba Kone Gə Sigi

⁸ Piyɛr pa ar-ɛ na: A togo gɔl-m ꞌma wɔ̰y! Ɓədə be ang! Jeju ila-a kəne na: To gə ɓo m-togo gɔl-i ang nama a kinga ne kara ji-m gə ang.

Testament ke Siki 1960 (Kabba Laka)

⁸ Pierre pa arè, I a toko gòlem ndò kada ang. Jésus tél pa arè, Tokou mam ntoki ang, i a kinga né lom kada ang.

Jean 13:8 ပူးပေါင်းရင်းမြစ်များ

Matiye 16:22

Piyɛr uwa Jeju ar sə-a nganga̰ ɗaa un kudu kḭ sə-a na: Luba ja ngom-i Mbayɓe! Ne gə nee le a ce dɔ-i gə ang.

Matiye 21:29

N-ila kəne na: M-njigi ang ngaa go-e gə ɗaa n-təl n-turu kəji lə-a, n-ɔdə n-aw ndɔɔ le.

Matiye 26:33

Piyɛr təl un tar pa ar Jeju na: A to jigi tuga koso lə-je tɔ̰y ja ɓa ngaa, a to kar ꞌma ɗɔg ang.

Matiye 26:35

Piyɛr təl ila-a kəne na: Kəm kuy kara kuy ja m-a kuy sə-i ɓo ɗɔg ɓa m-a ma̰y tar mbad-i ne ang. Kɛsə ngan njenendoje tɔ̰y kara ꞌpa to gə be tɔ.

Jean 13:6

Be ɓa n-ce dɔ Simo Piyɛr gə ɗaa pa ar-ɛ na: ꞌI Mbayɓe ɓa kar-i ꞌtogo gɔl-m ꞌma wɔ̰y!

Jean 13:9

Simo Piyɛr pa ar-ɛ na: To gə be nama Mbayɓe, ꞌtogo gɔl-m baa ang, ngaa ji-m nəm ngaɓa dɔ-m nəm tɔ.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 22:16

Ngaa ɓisine ꞌngə̰y mba ɗi cibi wa? Ḭ taar, ɓo ar ꞌɗa-i batɛm ngaɓa ꞌto go neɗaje gə kṵra̰y lə-i gə go ri-a gə a ɓar.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Colossiendjé 2:18

Ar-je dəw unda gusu gə njekula dɔ-ɛ ngulum ila ne tar dɔ-si gə ang ngaɓa lo polo anjije gə nj-ɛ a pa na n-o lokiya gə, n-ɗa gə ne kunda kar baa gə go tar kəjije lə-a gə ɗəw darɔ gə.

Colossiendjé 2:23

tɔgərɔ ja, to nduje gə ta naa gə kəm karə be, gə ɗəw polo ne gə ḭ mə dəw gə, gə may lə-a kara kara godo ngaa gə mba tɔl ne ta ɓo gə darɔ gə ja baa.

Tite 3:5

ɗaa mba kula ɗa-si gə gadə-gadə ɓa n-aji ne si ang, ngaa to gə məmay lə-a gə n-togo-si ne ɗəw kuji gə sigi gə ngaɓa gə go Njil Njerɔsangə gə ar-si təbə gə sigi.

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.