Jean 13:5 - Mbede Lə Luba Kone Gə Sigi

⁵ Cibi, n-um man mə ka gə ɗaa n-un kudu togo gɔl ngan njenendoje lə-a, ngaɓa n-bɔr gə ta kubu gə n-tɔ ne ɓər-e le.

Testament ke Siki 1960 (Kabba Laka)

⁵ Gè té, nè nongou man bai té, nè nounkoutou toko gòl ndjè kao gè tédjé, ke nè mbòrou né gòldè ke koubou bòrou rò ke nto berè té.

Jean 13:5 ပူးပေါင်းရင်းမြစ်များ

Lugu 7:38

ngaɓa n-aw n-isi lo gə gɔl Jeju to gə kəne. N-no n-ar man kəm-e yom gɔl Jeju, cibi n-uwa bḭ dɔ-ɛ n-bɔr ne, n-təl n-to pu-pu ngaɓa n-um ubu gə əndə le kəne, n-uwa ne yududu.

Lugu 7:44

Cibi, n-turu kəm-e gə dɔ jene gə ngaɓa n-pa n-ar Simo na: O ne gə jene nee ɗa le ang wa? Logə m-andə kəy lə-i le, ꞌtogo gɔl-m ang, ngaa ꞌne ɓa n-togo gɔl-m gə man kəm-e ngaɓa n-bɔr gə bḭ dɔ-ɛ.

Jean 13:10

Jeju pa ar-ɛ na: Dəw gə ndogo man ɗɔdə le, aw ndoo gə mba kar ndog-e man ang ngaa ɗaa gɔl-ɛ baa ngaɓa kəm togo: rɔ-ɛ arə tɔ̰y nam; ngaa sisəy le, ar-je ngadə, ngaa sisəy tɔ̰y ang baa.

Jean 13:6

Be ɓa n-ce dɔ Simo Piyɛr gə ɗaa pa ar-ɛ na: ꞌI Mbayɓe ɓa kar-i ꞌtogo gɔl-m ꞌma wɔ̰y!

Jean 13:8

Piyɛr pa ar-ɛ na: A togo gɔl-m ꞌma wɔ̰y! Ɓədə be ang! Jeju ila-a kəne na: To gə ɓo m-togo gɔl-i ang nama a kinga ne kara ji-m gə ang.

Jean 19:34

ngaa njeɗɔ kara ɔsə mbo kar-ɛ gə ninga ꞌmbudu ɗaa gə ngɔdə baa məsə gə man ce kəne.

Koula 22:16

Ngaa ɓisine ꞌngə̰y mba ɗi cibi wa? Ḭ taar, ɓo ar ꞌɗa-i batɛm ngaɓa ꞌto go neɗaje gə kṵra̰y lə-i gə go ri-a gə a ɓar.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

1 Timoce 5:10

may kar neɗaje lə-a gə may to ɗaga pay-pay kəm dəwje gə: ɗəw siri ngan-ɛ gə gə maj-ɛ, ɗəw kuwa mbaje gə, ɗəw togo gɔl njetakagəje, ɗəw la gə nje gə d-isi dan nekəmtondoo gə, ɗəw ɗa ne gə may gə lo-e lo-e.

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

1 Jean 5:6

To ꞌNe, Jeju Kirisi gə ɗe ɗəw gə lə man gə ɗəw gə lə məsə, n-ɗe gə man baa ang, ngaa n-ɗe gə man ngaɓa gə məsə; to Njil ja pa tar naj-ɛ, mba Njil to tar gə tɔgərɔ,

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.