Jean 13:34 - Mbede Lə Luba Kone Gə Sigi

³⁴ M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Testament ke Siki 1960 (Kabba Laka)

³⁴ Ma mpa maresè ta ke to ke siki, sésè ndikidjéna horosè té, deo kadaba tokou mam ndikisè mbä, ase kare sésè ndikidjéna horosè té to.

Jean 13:34 ပူးပေါင်းရင်းမြစ်များ

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Jean 15:17

Ne gə m-un ndu-m kəne m-ar-si le, mba kar-si ꞌnjigije naa gə yo gə nee.

Jean 17:21

May kar ꞌto gə kara baa, to gə ꞌI Bɔy ꞌga̰ mə-m gə ngaɓa ꞌma kara m-ga̰ mə-i gə tɔ, may kar ꞌjejee kara ꞌga̰ mə-sijee gə mba kar dɔ nangə ta ne kagə-m to gə ꞌI ja ula-m.

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Romaindjé 13:10

Sangə may lə njemar-i ja ɓa to njigi, mba njigi le to tɔl ta torondu.

Romaindjé 13:8

Ar-je ɓangə lə dəw to dɔ-si gə ang, njigi ja baa ꞌnjigi-je naa gə yo gə nee; mba dəw gə njigi ngan mar-ɛje nama tɔl ta torondu.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Galatedjé 6:2

ꞌLaje gə naa dan neje gə kədərə gə ce dɔ-si gə yo gə nee, be ɓa, a ꞌɗaje ne torondu Kirisi.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Colossiendjé 1:4

Logə tar ta gə ꞌtaje kagə Kirisi Jeju ngaɓa njigi gə ꞌnjigije njerɔsangəje tɔ̰y oso mbi-sijee gə,

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

Ebərəje 13:1

May kar uwaje gə naa nuji kəm-si gə kede.

Jacques 2:8

Tɔgərɔ ja, to gə ɓo sisəy ilaje kuji dɔ torondu gə ur dɔ mar-ɛje tɔ̰y, gə go tar gə Mbede pa na: ꞌNjigi njemar-i to gə darɔ-i be nama, ꞌɗaje gə dɔ gɔl-ɛ ja.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

2 Piyɛr 1:7

nuji gə kuwa gə horo ngan ko̰ naaje gə ɔsə kudu kila kuji dɔ ne gə lə Luba, njigi naa ɔsə kudu nuji gə kuwa horo ngan ko̰ naaje gə.

1 Jean 3:11

Be ɓa, tar gə oje kede ləw baa lo kuma kudu neje gə le ɓa nee: J-a njigije naa gə yo gə nee;

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

1 Jean 4:21

Ndu gə j-inga ji-a gə ɓa nee: Dəw gə njigi Luba nama a njigi ngon ko̰-ɛ tɔ.

2 Jean 1:5

Nembaje, ɓisine nee le, m-dəji-i kar j-a njigije naa gə yo gə nee, ɗaa to ndu gə sigi ang baa, ngaa to ye gə to ji-si gə lo kuma kud-e gə dɔngɔr.