Jean 13:3 - Mbede Lə Luba Kone Gə Sigi

³ Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Testament ke Siki 1960 (Kabba Laka)

³ Jésus, mbata nè ngeré Bòi Allah ongou né dja té toï mbä, mbata nè nï rò Allah té ke nè nao ntél ke rò Allah té,

Jean 13:3 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 13:1

Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Jean 17:2

To gə ꞌI ar-ɛ singamongə ko̰ dɔ dəwje gə tɔ̰y le ɗaa, dəwje tɔ̰y gə um-je mə ji-a gə le, n-ar-je təbə gə to gə ndɔ gə ndɔ le tɔ.

Jean 3:13

Dəw kara be gə ḭ nangə nee aw dara o lo gə kəne le godo, ngaa Ngon lə dəw gə ḭ dara ɗe dɔ nangə gə nee le, ye ja gə kar-ɛ baa.

Jean 3:35

Luba gə Bɔ le njigi Ngon-e ya̰ ngaɓa ḭya̰ neje tɔ̰y mə ji-a gə.

Jean 7:29

ꞌMa le m-gər-e, mba m-ḭ rɔ-ɛ gə, ngaɓa ꞌne ja ɓa n-ula-m tɔ.

Jean 7:33

Jeju pa na: M-ga̰ gə si ɓəəl ɓi ɗaa, m-a təl kaw rɔ njekula-m gə.

Jean 8:14

Jeju ila-je kəne na: ꞌMa ja m-ɗa tar naji lə-m to gə tɔgərɔ ngaa, tar naji lə-m le to arə ngadə, mba m-gərə lo gə m-ḭ kəne ngaɓa lo gə m-aw gə kəne nəm tɔ. Kar-sisəy le, ꞌgərəje lo gə m-ḭ kəne ang nəm, lo gə m-aw gə kəne kara ꞌgərəje ang nəm tɔ.

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

1 Corinthiendjé 15:27

Mba n-um ne tɔ̰y gəl gɔl-ɛ gə. Neje tɔ̰y d-oso kul no-ɛ gə. Ngaa logə n-pa na neje tɔ̰y d-oso kul no ꞌne gə le, n-pa n-ɔr ne kəm ye gə nje kar neje tɔ̰y d-oso kul no-ɛ gə le.

Ebərəje 1:2

ngaa dɔ ɗudu ndɔje gə nee ɗaa n-pa gə si tar gə ndu ngon-e. N-unda-a gə njekuwa nduba neje tɔ̰y, ngaɓa n-unda neje tɔ̰y ɗəw gə lə-a.