Jean 13:18 - Mbede Lə Luba Kone Gə Sigi

¹⁸ M-pa tar gə nee ɔji dɔ sisəy tɔ̰y ang baa; nje gə m-mbərə-je. Ngaa may kar Tar gə ꞌɗa mə mbede gə le aw ne lo-e gə: Dəw gə usa sə-m ne mə ka gə kara ja ɔr gɔl-ɛ tuga ne tamas-m.

Testament ke Siki 1960 (Kabba Laka)

¹⁸ Ma mpa tar losè toï ang, mam ngeré dèdè ke ma mberedè, a ta kare tar maketourou lo Allah ase ta dé to tar ke tokoro, Nè ke nön sem mourou, Nè ke nòrou gòlè ta koubam né.

Jean 13:18 ပူးပေါင်းရင်းမြစ်များ

Matiye 10:36

Ngaɓa dəw gə ɗa-ɗa kara nje gə kəy lə-a ja d-a təl to njeba̰a̰je lə-a.

Matiye 26:21

Logə d-aw d-usa ne ɗaa, n-un tar n-pa n-ar-je na: Tar gə tɔgərɔ ja, m-pa m-ar-si to gə dəw kara horo-si gə a kun dɔ-m.

Matiye 26:23

Ɗaa Jeju ila kəne na: Dəw gə ula ji-a sə-m naa gə kara baa mə ka gə nee ja, a kun dɔ-m.

Marəke 14:17

Kar kumatagə ɗaa, n-ɗe gə ngan njenendoje gə dɔg gə gir-je gə joo.

Marəke 14:18

Logə d-isi ta ka nekusa gə d-aw d-usa ne ɗaa, Jeju pa na: Tar gə tɔgərɔ ja, m-pa m-ar-si to gə, dəw kara horo-si gə nee gə usa sə-m ne ja a kun dɔ-m.

Marəke 14:20

Jeju ila-je kəne na: Dəw kara horo-sisəy gə dɔg gə gir-si gə joo, gə ula ji-a sə-m naa gə kara baa mə ka gə nee ja.

Lugu 22:21

Ngaa oje: Dəw gə njekun dɔ-m le, usa sə-m ne naa gə mə ka gə kara baa nee.

Jean 13:21

Logə Jeju pa tar to gə be ɗaa, njil-e ce kərəng ɗaa pa na: Tar gə tɔgərɔ ja, m-pa m-ar-si, dəw kara horo-si gə nee a kun dɔ-m.

Jean 13:22

Ngan njenendoje d-a kəm naa gə yo gə nee, ɗaa ꞌdəji naa tar horo naa gə ɔji dɔ dəw gə n-pa tar lə-a.

Jean 13:26

Jeju ila-a kəne na: Dəw gə m-a cɛdə mbə kɔsə ne man nay kar-ɛ ɗaa to gə nj-ɛ ja kən. Ye əng ngaa Jeju cɛdə mbə ɔsə ne man nay ila ji Judas gə ngon lə Simo Isikariyɔdə.

Jean 15:16

To gə sisəy ɓa ꞌmbərə-mje ang, to ꞌma ɓa m-mbərə-si m-unda-si mba kar-si awje ɓo andəje ngaɓa kar kandə-si to saar gə no; mba kar neje tɔ̰y gə a dəjije Bɔ dəwje gə ri-m nama kar-ɛ n-un n-ar-si.

Jean 15:19

To gə ɓo ꞌtoje gə dɔ nangə gə nee nama dɔ nangə le ne gə to gə k-ɛ ye ɓa njigi. To gə ɓo dɔ nangə ndɔɔl-si nama, mba sisəy ꞌtoje gə njeka-ɛje ang, ngaɓa ꞌma ɓa m-mbərə-si mə dɔ nangə gə tɔ.

Jean 15:25

Ngaa to to gə be mba kar tar gə ꞌɗa torondu gə lə-je oso ne ba̰a̰ mar-ɛ gə paragə: njigi-m ang gə kɔrɔ baa ja be.

Jean 17:12

Logə m-ga̰ gə je le, ri-i gə unda dɔ-m gə le ja ɓa m-ngom neje; m-a dɔ-je kər-kər ɗaa dəw kara kara igi horo-je ang, ngaa ngon lə nje tuji ja gə kar-ɛ baa, mba kar tar lə Luba gə Mbede gə le, aw ne lo-e gə ja yɛrɛrɛ.

Jean 18:32

To to gə be gə mba kar tar gə Jeju pa le aw ne lo-e gə yɛrɛrɛ, mba tɔji ne pa kuy gə n-a kuy.

Jean 19:24

Ɗa ꞌpa tar horo-je gə na: Ja cirje kubu le ang, ngaa ja ɗaje ꞌya̰a̰ se na ɓa a to gə k-ɛ wa? To to gə be mba kar tar gə Mbede pa aw ne lo-e gə ja yɛrɛrɛ: Kay naa kubu lə-m Ngaɓa kubu lə-m gə boy yul kara ꞌɗa ꞌya̰a̰ d-ɔji ne dɔ-ɛ tɔ. Ne gə njeɗɔje ꞌɗa le ɓa kən.

Jean 19:36

Ne gə nee le ɗe to to gə be mba kar Tar lə Luba le aw ne lo-e gə yɛrɛrɛ: Singa rɔ-ɛ kara be kara a guru ang.

Jean 21:17

N-pa n-ar-ɛ gə njekum gə gɔl munda na: Simo, ngon lə Ja̰, ꞌNjigi-m wa? Kəm Piyɛr ɗa ndoo mba pa gə Jeju pa ar-ɛ gə njekum gə gɔl munda na: ꞌNjigi-m wa? Ɗaa n-pa n-ar-ɛ na: Mbayɓe! ꞌI le, ꞌgərə ne tɔ̰y! ꞌI le, ꞌgərə som to gə, ꞌma le, m-njigi-i ja! Jeju pa ar-ɛ na: Uul badəmje lə-m.

Jean 6:70

Jeju ila-je kəne na: Sisəy gə dɔg gə gir-si gə joo le, ꞌma ja ɓa m-mbərə-si ang wa? Ngaa dəw kara horo-si gə to ꞌSɛ̰ngərɛ̰.

Koula 1:16

Ngan ko̰-mje, may kar tar gə mbede pa kede nam le aw lo-e gə: Njil Njerɔsangə pa gə ndu Dabidi ɔji dɔ Judas, mba Judas ja təl to njekɔr no nje gə d-aw d-uwa Jeju.

Koula 1:2

Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

2 Corinthiendjé 4:5

Bənəng ang baa, mbərə tar gə j-ila le ɔji dɔ sijee ang, ngaa Jeju kirisi gə to Mbayɓe ɓa j-ila mbər-e. Ngaɓa sijee j-o rɔ-sijee gə ɓərəje lə-sisəy mba Kirisi.

Ebərəje 4:13

Ɓa nekunda kara gə iya rɔ-ɛ ta kəm-e gə godo: Dəw gə ja tura go ne no-ɛ gə le, ne tɔ̰y ja to gadəmagay gə ngaɓa to təgəsə ta kəm-e gə.

Apocalypse 2:23

Ngan-ɛ le, m-a kar-je d-uy, ɗaa mbo̰ naa lə njetakagəje tɔ̰y d-a gərə to gə ꞌma m-to gə dəw gə nje gərə mə dəwje gə dɔ ɓəngərə-je, ɗa m-a kuga dɔ ji si, na-na nama ɔji dɔ kula ɗ-ɛje.