Jean 13:1 - Mbede Lə Luba Kone Gə Sigi

¹ Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Testament ke Siki 1960 (Kabba Laka)

¹ Ke dongor baa ndò Pâque ke bo, Jésus geré ndò la ta kïya nange nèn ta tél ke rò Bòi Allah té dé mbä. Mbata nè ndiki dooudjé la ke nange nèn, nè ndikidè sar ndò ke goukou toï.

Jean 13:1 ပူးပေါင်းရင်းမြစ်များ

Matiye 26:45

Ngaɓa n-təl n-ɗe n-inga ngan njenendoje lə-a ɗaa n-pa n-ar-je na: Aw ꞌCibije gə uwaje kɔr-si ja dɔro ɓi əng mə! Kar nay dəb baa ngaa; oje ꞌma gə Ngon lə dəw le d-a kila-m mə ji njeneɗaje gə kṵra̰y gə.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Lugu 22:53

ꞌMa le m-ga̰ gə si gə ndɔje tɔ̰y mə kəy gə lə Luba, ngaa uwa-mje ang. Ɓisine ɗaa, to kar lə-si nəm, to singamongə lə cil ciməri tɔ.

Lugu 9:51

Logə kar gə Jeju a kuba ne dɔ nangə nee kḭya̰ nay dəb ɗaa, Jeju un kəm-e tim-tim mba kaw mə ɓe gə Jerujalɛm.

Jean 11:55

Ndɔ ɗa nay Pagə lə Jiibije nay dəb baa ɗaa, dəwje bula ya̰ d-ḭ gə ko ɓeje, d-ḭya̰ ndɔ kara gə kede baa, d-uba naa mbura-mbura gə Jerujalɛm gə mba kɔr rɔ-je togo rɔ-je ɔji dɔ neɗa gə kṵra̰y.

Jean 12:23

Jeju ila-je kəne na: Dɔ kar asə mba kar d-ila riɓar dɔ Ngon lə dəw gə.

Jean 13:29

Mba Judas to njengom ɓɔl le ɗaa, nje gə naaje dəji to gə Jeju pa ar-ɛ mba kar n-ndogo ne gə d-aw ndo-e mba ɗa ne nay ose gə mba kar n-ar njendooje ne.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 13:34

M-un ndu gə sigi m-ar-si: ꞌNjigije naa gə yo gə nee. Ɗəw kara baa to gə ꞌma m-njigi-si le, sisəy kara ꞌnjigije naa gə yo gə nee.

Jean 14:28

Tar gə m-pa gə oje gə mbi-si gə m-pa na: M-aw mba təl ɗe kinga-si ɓi. To gə ɓo ꞌnjigi-mje nama a ɗaje rɔləl mba kaw gə m-aw gə rɔ Bɔ dəwje gə nee, mba Bɔ dəwje to ɓəəl ya̰ unda-m ꞌma ja ɓi.

Jean 14:31

ngaa, to to gə be mba kar dəwje d-a gərə ne to gə m-njigi Bɔ dəwje ngaɓa m-ɗa ne m-ila ne kɔji dɔ ne gə n-un ndu-e kəne n-ar-m. Ḭje taar! Ar-je j-ɔdə lo gə nee gə gə ɗangə.

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 17:1

Go tar gə n-pa to gə be ɗaa, Jeju un kəm-e gə dara ɗaa pa na: Bɔ dəwje, kar asə ngaa, ila riɓar dɔ Ngon-i gə mba kar Ngon-i ila riɓar dɔ-i gə tɔ.

Jean 17:16

ꞌToje gə dɔ nangə gə nee ang, ɗəw kara baa to gə ꞌma kara m-to gə dɔ nangə gə nee ang tɔ.

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 17:5

Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Jean 18:4

Jeju gərə neje tɔ̰y gə a ce dɔ-ɛ gə le ɗaa, ɔdə gə kede ɗaa dəji-je tar na: ꞌSangəje na wa?

Jean 19:28

Go-e gə gugu, mba kar tar lə Luba aw ne lo-e gə yɛrɛrɛ le ɗaa, logə Jeju o to gə neje uwa ta naa bɛm ɗaa, pa na: Kunda ɔr-m.

Jean 2:13

Ndɔ Pagə lə Jiibije nay dəb ɗaa, Jeju ɔdə aw mə ɓe gə Jerujalɛm.

Jean 6:4

Ndɔ ɗa nay lə Jiibije gə ꞌɓar-ɛ Pagə le nay dəb baa.

Jean 7:30

Be ɓa ꞌsangə ɗəw mba kuwa-a, ngaa dəw kara kara asə kuwa-a ang, mba kar lə-a asə ang ɓi.

Jean 7:6

Jeju pa ar-je na: Dɔ kar nəm asə ang ɓi; ngaa sisəy le ɗaa dɔ kar tɔ̰y to kar-si.

Jean 8:20

Jeju ar lo gə d-unda ka nenuji kəne ɓa pa tarje nee le, netɔji le n-tɔji mə kəy gə lə Luba ja ngaa dəw kara kara uwa-a ang, mba kar lə-a asə ang ɓi.

Romaindjé 8:37

Ngaa dan neje gə nee tɔ̰y le, sijee j-a to njecɛdə ɗɔje gə to ɓəəl ɗəw gə lə nje njigi-si.

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 6:11

Ngaa sijee j-a njigi ya̰ mba kar na-na kara uwa gədərə dɔ kula gə nee le, mba kar ne kunda mə lə-a ɔr ne sṵra̰ njal,

1 Piyɛr 1:13

Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.

1 Jean 4:19

Ye gə ɔji dɔ sijee ɗaa, njigi to mə-si gə mba ꞌne ja n-njigi-si dɔngɔr.

Apocalypse 1:5

gə rɔ Jeju Kirisi gə nje pa tar naji lə Luba gə gədə, ꞌne n-to ngon dəər, gə dəw gə dɔngɔr gə ndol horo nje gə d-uy gə, gə dəw dɔ mbayje tɔ̰y gə dɔ nangə nee! ꞌNe gə n-njigi sijee gə ꞌne gə mbɔr dɔ məs-e ɓa n-ɔr ne sijee dan neɗa gə kṵra̰y gə,