Jean 12:49 - Mbede Lə Luba Kone Gə Sigi

⁴⁹ Mba ꞌma m-pa tar gə dɔ-m baa ang, ngaa Bɔ dəwje gə ula-m le ngaɓa unda tar ta-m kar-m pa le ye ja m-pa ɗaa m-pa.

Testament ke Siki 1960 (Kabba Laka)

⁴⁹ Mbata ma mpa tar ke mem té ndja ang, Bòi Allah ke oulam, nè mpa tar narem, tar ke nè ndiki ta karem mpa, ke tar ke ma mase ta pa.

Jean 12:49 ပူးပေါင်းရင်းမြစ်များ

Jean 14:10

ꞌTa kagə to gə ꞌma m-to mə Bɔy gə ngaɓa Bɔy kara to mə-m ꞌma gə ang wa? Tarje gə ꞌma m-pa m-ar-si le, m-pa gə dɔ-m baa ang; Ngaa, to gə Bɔy gə nje kisi mə-m gə le ja ɓa ɗa kulaje lə-a gə ɔji dɔ-ɛ ye ja.

Jean 14:24

Dəw gə njigi-m ang nama ngom tarje lə-m ang tɔ, be ɓa, tar gə sisəy oje nee le to gə tar lə-m ꞌma ang ngaa to gə tar lə Bɔy gə ula-m.

Jean 14:31

ngaa, to to gə be mba kar dəwje d-a gərə ne to gə m-njigi Bɔ dəwje ngaɓa m-ɗa ne m-ila ne kɔji dɔ ne gə n-un ndu-e kəne n-ar-m. Ḭje taar! Ar-je j-ɔdə lo gə nee gə gə ɗangə.

Jean 15:15

M-ɓar-si ngan njekulaje ang ja saar gə dɔbo̰, mba ngon njekula gərə ne gə ꞌɓəə-eje ɗa ang; m-ɓar-si njekuraje lə-m mba tarje tɔ̰y gə m-o ta Bɔy gə le, m-pa m-ar-sisəy ꞌgərəje tɔ.

Jean 17:8

mba tarje gə ꞌpa ar-m le m-pa m-ar-je ɗaa ꞌta ja tɔ. ꞌGərə tɔgərɔ to gə m-ḭ rɔ-i gə, ngaɓa ꞌta kagə to gə ꞋI ja ɓa ula-m tɔ.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 3:32

ne gə n-o gə mbi-a gə kəm-e le ɓa n-pa tar naj-ɛ, ngaa dəwje ꞌta tar naji lə-a ang.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 5:30

ꞌMa m-asə ɗa ne kara gə dɔ-m baa ang: ne gə m-o gə mbi-m ja ɓa m-gangə ne tar, ngaɓa tar gangə lə-m le to dana gadə mba mə njigi lə-m ꞌma ɓa m-sangə ang, ngaa mə njigi lə dəw gə nje kula-m.

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Jean 7:16

Jeju ila-je kəne na: Netɔji lə-m ꞌma le ḭ rɔ-m ꞌma gə ang, ngaa ḭ rɔ dəw gə njekula-m gə.

Jean 8:26

Tarje to ya̰ ɔji dɔ si mba kar-m m-pa nəm, gə mba kar-m m-ila kagə dɔ-ɛ gə nəm tɔ; ngaa ye gə ula-m le, to dəw gə dana gadə, ɗaa, ꞌma le, tar gə m-o t-ɛ gə le ja ɓa m-pa m-ar dəwje gə dɔ nangə gə ɓi.

Jean 8:28

Be ɓa Jeju pa ar-je na: Ndɔ gə a kunje Ngon lə dəw kunda-aje taar ndode ɓa a gərəje to gə m-ga̰ ngaɓa m-ɗa ne gə dɔ-m baa ang: Ne gə Bɔ dəwje tɔji-m ja ɓa m-pa tar-ɛ.

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,