Jean 12:48 - Mbede Lə Luba Kone Gə Sigi

⁴⁸ Dəw gə mbadə-m ngaɓa ta tar lə-m ang nama nje gangə tar dɔ-ɛ gə ga̰ kəne əng: tar gə m-pa nee le ja a gangə tar dɔ-ɛ gə dɔ ɗudu ndɔ gə.

Testament ke Siki 1960 (Kabba Laka)

⁴⁸ Doou ke mbetem, a wo tar lom ang, kada to nèn a gange saria la. Tar ke ma mpa leo, tar nèn a gange saria la ndò té ke goukou.

Jean 12:48 ပူးပေါင်းရင်းမြစ်များ

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Matiye 21:42

Jeju təl pa ar-je na: ꞌTuraje mə mbede gə lə Luba ang ja tɔgərɔ wa? Tar gə na: Ər gə njekunda kəyje ꞌmbadə le Təl to gə ngaw dan-ɛ, ye ja to kil kəy gə To kula ɗa lə Mbayɓe Luba, Ɗaa to ne gə karə kar dəw uwa ne pa̰y ta kəm-je gə ja!

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Marəke 12:10

ꞌTuraje tar gə nee mə mbede gə ang wa: Ər gə njekunda kəyje ꞌmbadə le təl to ər gə mongə, gə kil kəy gə;

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Marəke 8:31

Ɗaa n-un kudu kila mbi-je gə to gə kəm kar ꞌma gə Ngon lə dəw, m-o ꞌməsərə ya̰. Buba ɓeje, buba njekapoloje je gə njekɔr gəl toronduje d-a mbadə-m, ngaɓa d-a tɔl-m ɗaa ndɔ gə njekum gə munda nama m-a təl ndol.

Lugu 10:16

Jeju təl pa na: Dəw gə o tar lə-si nama, ꞌma ja nj-ɛ o tar ta-m gə əng; dəw gə mbadə si nama, ꞌma ja nj-ɛ mbadə-m, ngaɓa dəw gə mbadə-m nama, nj-ɛ mbadə dəw gə ula-m tɔ.

Lugu 17:25

Ngaa kede nam ɓa nama, may kar n-o ꞌməsərə ya̰ ngaɓa kar dəwje gə ɓogəne d-a mbad-ɛ.

Lugu 20:17

Ngaa Jeju aje ji ɗa pa na: Tar gə to mə mbede gə nee le pa na ɗi wa? Ər gə njekunda kəyje ꞌmbadə le ye ja təl to ər kunda kil kəy.

Lugu 7:30

Parijiyɛ̰je je gə njekɔr gəl toronduje ꞌmbadə ne gə Luba njigi ɗa mba tar lə-je, ɗaa njigi kar Ja̰ ɗa-je batɛm ang.

Lugu 9:22

Be ɓa, Jeju təl pa ja cibi: To may kar ꞌma gə Ngon lə dəw, m-o ꞌməsərə ya̰. Buba ɓeje, buba njekapoloje je gə njekɔr gəl toronduje d-a mbadə-m, ngaɓa d-a tɔl-m ɗaa ndɔ gə njekum gə munda m-a təl ndol.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Jean 11:24

Madə ila-a kəne na: M-gərə to gə dɔ ɗudu ndɔ nama n-a ndol ndɔ ndol gə lə nje gə d-uy.

Jean 5:45

Əjije to gə ꞌma ɓa m-a kila tar dɔ-si gə no gɔl Bɔ dəwje ang: njekila tar dɔ-si gə le, to Moyiji, gə sisəy umje mə-si dɔ-ɛ gə jəb-jəb le.

Jean 6:39

Ɗaa, mə njigi lə dəw gə njekula-m le ɓa nee: Dəwje gə n-um-je mə ji-m gə le, m-ar dəw kara kara igi horo-je gə ang, ngaa kar-m m-ndol-e dɔ ɗudu ndɔ gə.

Jean 8:47

Dəw gə to nje kar Luba nama o tarje lə Luba; to gə ɓo sisəy, mbi-si o tar ang nama, mba to gə ꞌtoje dəwje lə Luba ang.

Koula 17:31

mba n-ɔr ndɔ kara n-unda doy, gə n-a gangə ne tar gə ɗəw gə gadə-gadə dɔ dəwje tɔ̰y gə dɔ nangə gə nee. N-ɔr dəw kara n-unda-a kar ye ɓa a ɗa tar nee le, uy ɓa təl ce mə buwa yo gə kəm kar dəwje ꞌta kag-ɛ.

Koula 3:23

Ngaa dəw gə ɓo mbadə ko ndu pajambərə le nama d-a tuj-e pugudu horo-si gə.

Romaindjé 2:16

Ye ɓa to ne gə a ce dɔ ndɔ gə go Tar gə May gə m-ila mbər-e ɗəw gə lə Jeju Kirisi le, Luba a gangə ne tar dɔ neje gə dəwje ꞌɗa lo kiya gə.

2 Corinthiendjé 4:3

Ngaa, to gə ɓo Tar gə May lə-sijee iya rɔ-ɛ nama, iya rɔ-ɛ ɔji dɔ nje gə d-igi,

2 Thessaloniciendjé 1:8

n-a ɗe mə pər gə a ko̰ bilim-bilim, mba bɛ̰ ta dəwje gə gərə Luba ang, gə dəwje gə d-ila kuji dɔ Tar gə May gə lə Mbayɓe lə-si Jeju ang.

Ebərəje 10:25

J-ubaje mbo̰ naa lə-si j-ḭya̰-je to to gə nje gə kɛm d-aw ꞌɗa ne be ang, ngaa ar-si j-ula-je jingaw mə naa gə gə yo gə nee, mba oje to gə dɔ ndɔ nay əw ang baa.

Ebərəje 12:25

Oje ɓa, dəw gə nje pa tar kar-si le, ɔs-eje ngərəng ang. Mba nje gə d-ɔsə nje ndəjije-je dɔ nangə nee ngərəng le, ꞌlal kuba tuji ang baa, ngaa ɓədə ɓa sijee gə dəw ḭ dara ja ɗe ndəji-si a ɓo j-a mbadə tar t-ɛ gə le se, j-a kuba tuji ang wa?

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,

Ebərəje 4:12

Mba tar lə Luba le to kəm baa ngaɓa mii, adə unda kiya bayi gə t-ɛ ɓe joo gə adə pəm-pəm; n-andə mə kəm gə kɔrɔgə, n-andə mə njil gə kɔrɔgə, n-asə gangə lokurugo̰je gə kandə dan ubu gə mə singa gə; n-təgə ɓo neje gə tar kəjije gə to mə dəw gə n-um ɗaga.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

2 Piyɛr 3:3

May kar-si ꞌgərəje kede nam to gə, dɔ ɗudu ndɔ nama, njekogo dəwje d-a ɗe kunda-si kogo ne, ɗaa d-a nja gə go ɓo neje gə o̰ dɔ-je,

2 Piyɛr 3:7

ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.