Jean 12:43 - Mbede Lə Luba Kone Gə Sigi

⁴³ Mba ꞌnjigi riɓar gə ḭ rɔ dəwje unda riɓar gə ḭ rɔ Luba gə.

Testament ke Siki 1960 (Kabba Laka)

⁴³ Mbata dèdè ndiki piti lo dooudjé wota piti lo Allah.

Jean 12:43 ပူးပေါင်းရင်းမြစ်များ

Matiye 6:2

Lo gə un ne ar dəw ɗaa, uru ꞌkuwi dɔ-ɛ gə ang, to gə njetar mulaje d-aw ɗa mə kəy nendoje gə lə Jiibije, gə dan ɗəw booje gə, mba kar d-ɔsə ne gaji-je. Tar gə tɔgərɔ ja m-ula-si to gə d-inga kug-ɛ nam ngaa.

Lugu 16:15

Jeju pa ar-je na: Sisəy ꞌtɔjije neɗa gə gadə-gadə lə-si gə ɗaga kəm dəwje gə baa, ngaa Luba gərə tar gə mə-si gə tɔ̰y: mba ne gə dəwje d-o gə ne gə to ɓəəl ya̰ ta kəm-je gə le to ne gə mina ta kəm Luba gə.

Lugu 19:17

ꞌƁəə-eje le pa ar-ɛ na: Yanga, ngon njekula gə may, mba ne gə njɛ̰ ja baa ꞌto ngon kuji kəne nee ɗaa, m-unda-i gə njeko̰ dɔ ɓeboje dɔg ngaa.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 5:41

ꞌMa m-inga riɓar gə ḭ rɔ dəwje gə ang,

Jean 5:44

Sisəy gə ilaje riɓar dɔ naa gə gə yo gə nee ngaɓa ꞌsangəje riɓar gə ḭ rɔ Luba gə ja gə kar-ɛ baa ang nee le, na ban ɓa a taje kagə-m wa?

Jean 7:18

Dəw gə pa tar ɔji go mə njigi lə-a ye nama sangə riɓar lə-a ye ja; ngaa dəw sangə riɓar lə dəw gə nje kula-a le, nj-ɛ nee ja kara baa to dəw gə tɔgərɔ, ngaɓa neɗa gə dɔ buguru ɓar ri-a ang tɔ.

Jean 8:54

Jeju ila kəne na: To gə ɓo ꞌma gə dɔ-m baa ɓa m-ɔsə gaji rɔ-m nama, kɔsə gaji rɔ lə-m le to gə ne ang baa. To Bɔy ja ɓa ila riɓar dɔ-m gə, ꞌne gə sisəy, ꞌpaje tar lə-a na: N-to Luba lə-sijee!

Romaindjé 2:29

ngaa dəw gə to Jiibi le, to Jiibi m-e gə kəy, ngaɓa kunja bərə gə tɔgərɔ le to dɔ ɓəngərə gə, gə go njil ɓo mbede torondu ang baa. Dəw gə to gə be le Luba ja ɔsə gaji-ɛ ɓo dəwje baa ang.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

2 Corinthiendjé 10:18

Mba dəw gə nje kɔsə gaji darɔ-ɛ ye ja ɓa to gə ne ang ngaa dəw gə Mbayɓe ja ɔsə gaji-ɛ ɓa to gə ne.

1 Thessaloniciendjé 2:6

J-a sangə riɓar gə ḭ rɔ dəwje gə ang nəm, rɔ sisəy gə ang nəm ngaɓa rɔ nje gə kɛm gə ang nəm tɔ.

1 Piyɛr 3:4

ngaa may kar ꞌɗaje mandə gə a tuji ang, gə kəji kaw yururu ngaɓa uy bɛm, gə ḭ mə-si gə kəy kɔrɔgə, ye ɓa to ne gə ta kəm Luba ya̰.