Jean 12:37 - Mbede Lə Luba Kone Gə Sigi

³⁷ Gə go netɔjije tɔ̰y gə Jeju ɗa ta kəm dəwje gə nee ja kara, ꞌta kag-ɛ ang.

Testament ke Siki 1960 (Kabba Laka)

³⁷ Yèn ka nè nda né mori nya nodè té, dèdè nai do mèdè té sa ang.

Jean 12:37 ပူးပေါင်းရင်းမြစ်များ

Matiye 11:20

Ɗaa Jeju təl pa tar gə mong-e ndangə ne ɓeboje gə ɗa nemisi kəne bula ja ngaa, dəwje gə kəne ꞌmbadə turu kəji lə-je.

Lugu 16:31

Abəraham pa ar-ɛ na: To gə ɓo d-o torondu lə Moyiji ang nəm, gə pajambərəje ang nama, to gə ɓo dəw ḭ jabaw nee ja ɓa aw pa ar-je kara d-a turu kəji lə-je ang.

Jean 1:11

N-ɗe horo njeka-ɛje gə ja, ngaa njeka-ɛje d-uwa-a gə rɔ-je gə ang.

Jean 11:42

Kar-m ꞌma le ɗaa, m-gərə to gə o ndu-m ja jaga-jaga, ngaa m-pa ɔji dɔ bula dəwje gə d-ar lo gə nee gə mba kar ꞌta kagə to gə ꞌI ja ɓa ula-m.

Jean 12:36

Dɔ kar gə lokarə ga̰ gə sisəy ɓi le, ꞌtaje kag-ɛ mba kar-si ꞌtəlje ne gə ngan lokarəje. Jeju pa tar neje gə nee ɗaa, ɔdə aw iya rɔ-ɛ əw ta kəm-je.

Jean 12:38

To to gə be mba kar tar gə pajambərə Ejay pa le aw ne lo-e gə yɛrɛrɛ na: Mbayɓe, tar gə j-a pa j-ar d-o le, na ɓa ta kag-ɛ wa? Ngaɓa na ɓa singamongə Mbayɓe kila rɔ-ɛ gə ɗaga ar-ɛ wa?

Jean 15:24

To gə ɓo kulaje gə dəw gə ɗangə kara asə ɗa ang nee le m-ɗa horo-je gə ang nama tar neɗa gə kṵra̰y a kuwa dɔ-je ang; ne ɓisine gə d-o gə kəm-je nda̰-nda̰ nee ja cibi ɓa d-aw ꞌndɔɔl-m ꞌma je gə bɔy dɔ-je gə kede-kede.

Jean 2:11

Ye gə nee ɓa to gə kun kudu netɔjije gə Jeju ɗa mə ɓe gə Kana, dɔ nangə gə Galile. Jeju tɔji rɔnduba lə-a gə ɗaga, ɗaa ngan njenendoje lə-a ꞌta ne kag-ɛ.

Jean 6:2

Bula dəwje d-uwa go-e mba d-o netɔjije gə n-ɗa dɔ njerɔko̰je gə.