Jean 12:26 - Mbede Lə Luba Kone Gə Sigi

²⁶ To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Testament ke Siki 1960 (Kabba Laka)

²⁶ Tokou doou da sem, ase kare nè ndja gom té, ke loou ke méh kendé, ngonlokisi lom a kéh té to. Tokou doou da sem, Bòi Allah a pitè.

Jean 12:26 ပူးပေါင်းရင်းမြစ်များ

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Marəke 8:34

Cibi, n-ɓar bula dəwje gə ngan njenendoje lə-a ɗaa n-pa n-ar-je na: To gə dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Lugu 12:37

Nokarə to kar ngan njekulaje gə ꞌɓəə-jeje ɗe inga-je kəm baa. Tar gə tɔgərɔ, m-pa m-ar-si, njekəy a təl rɔ-ɛ gə ngon njekula, n-a kar-je d-isi nangə gə maj-ɛ ɓa, n-a ɗe gə nekusa kar-je ɓi.

Lugu 6:46

Mba ɗi ɓa ꞌɓar-mje: Mbayɓe, Mbayɓe ngaa, ꞌɗaje ne gə m-pa m-ar-si ang wa?

Lugu 9:23

Cibi, n-pa n-ar-je tɔ̰y ja na: To gə dəw gə njigi kuwa go-m nama, to may kar mbadə darɔ-ɛ, odo kagə dəsə lə-a gə ndɔ-ndɔ, ɗaa uwa ne go-m.

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 13:16

Tar gə tɔgərɔ ja m-pa m-ar-si to gə ngon njekula to ɓəəl unda ꞌɓəə-eje ang ngaɓa njeka̰ykula kara to ɓəəl unda nje kula-a ang tɔ.

Jean 14:15

To gə ɓo ꞌnjigi-mje nama a ngomje ndu-mje.

Jean 14:3

Logə m-a kaw, ngaɓa m-a gɔl lo lə-si tɔ̰y nam ɗaa, m-a təl ɗe kodo-si dɔ-m gə, mba kar lo gə ꞌma m-a kisi kəne nama sisəy kara a kisije kəne tɔ.

Jean 15:20

Ar-je mə-si ole dɔ tar gə ꞌma m-pa m-ar-si: Ngon njekula to ɓəəl ya̰ unda ꞌɓəə-eje ang; to gə ɓo d-ula kəm-m ndoo nama sisəy kara d-a kula kəm-si ndoo tɔ; to gə ɓo ꞌngom tar lə-m ꞌma nama d-a ngom tar lə-sisəy tɔ.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Jean 21:22

Jeju pa ar-ɛ na: To gə ɓo m-njigi mba kar n-aw kəm baa saar kar-m m-təl m-ɗe ngaa se ɗi ɓa ɔs-i kəne wa? Uwa go-m,

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 14:18

Dəw gə ɗa kula lə Kirisi to gə be le ta kəm Luba nəm ngaɓa may ta kəm dəwje nəm tɔ.

2 Corinthiendjé 4:5

Bənəng ang baa, mbərə tar gə j-ila le ɔji dɔ sijee ang, ngaa Jeju kirisi gə to Mbayɓe ɓa j-ila mbər-e. Ngaɓa sijee j-o rɔ-sijee gə ɓərəje lə-sisəy mba Kirisi.

2 Corinthiendjé 5:8

Tɔgərɔ, j-unda singa-si dɔ rɔ-si gə ja, ngaa ja njigi ya̰ mba kuba darɔ nee le kḭya̰, mba kaw kisi naa gə gə Mbayɓe.

Galatedjé 1:10

Ɗaa ɓisine, se əjije to gə m-aw sangə kar dəwje ɓa d-ila tar kudu-m gə ose Luba wa? Se dəwje ɓa m-sangə mba may ta kəm-je gə wa? Kara be ang! To gə ɓo m-sangə mba may ta kəm dəwje gə nama m-a to ɓərə lə Kirisi ang.

Philippiendjé 1:23

M-ndəbə ɓe joo kɛm: m-njigi ya̰ mba kɔdə kaw kisi gə Kirisi, mba ye ja ɓa may unda neje tɔ̰y;

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

Colossiendjé 4:12

Epapəras gə to nje baa ɓe lə-si kara na m-o-si m-ar ꞌne tɔ. N-to njekula lə Kirisi Jeju, n-ɗa ɗɔ mba tar lə-si ngɔɔgɔ-ngɔɔgɔ ɗəw dəji gə, mba kar uwaje ne gədərə ꞌmayje ne pɛdə ꞌɗaje ne ne gə mə Luba njigi ja tɔ̰y.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

1 Jean 5:3

Be ɓa, njigi lə Luba le to ngom ndu-eje. Cibi ndu-eje le ɔyi ang,

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.

Apocalypse 14:4

To gə nje gə ꞌrɔgə rɔ-je yoro gə ɔji dɔ sangə jeneje ang, ꞌgərə jene ang ɓi. Nje gə kən le d-um mə-je dɔ Jeju gə jəb-jəb dɔ ɗəw nja gə lə-a. Nje gə kən le d-uga dɔ-je horo dəwje gə asə naa gə kandə neje gə dɔngɔr gə ɔji dɔ Luba ngaɓa ɔji dɔ ngon badəm tɔ.