Jean 12:16 - Mbede Lə Luba Kone Gə Sigi

¹⁶ Dɔngɔr-ɛ le, ngan njenendoje lə-a ꞌgərə ne gə nee le ang baa, ngaa logə Jeju inga riɓar ɗɔdə ɗaa, mə-je ole to gə ne gə nee le ꞌɗa tar-ɛ mə mbede ɔji dɔ-ɛ, ɗaa ꞌɗa neje nee mb-ɛ ꞌne.

Testament ke Siki 1960 (Kabba Laka)

¹⁶ Ndjè kao gè tédjé wo gel tar nèn dongor ang, a tokou Jésus inga piti mbä, tokou ban mèdè olè do tar té ke maketourou pa ke ria, ke dooudjé da né nèn sa mbä.

Jean 12:16 ပူးပေါင်းရင်းမြစ်များ

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Marəke 9:32

Ngan njenendoje gərə mə tar gə nee le ang, ngaa ꞌɓəəl mba dəji-e.

Lugu 18:34

Ngaa ngan njenendoje lə-a ꞌgərə ne kara kara kəne ang. Tar nee le iya rɔ-ɛ sərərə ta kəm-je gə ɗaa ꞌgərə mə tar gə Jeju njigi pa le ang.

Lugu 24:25

Ɗaa, Jeju pa ar-je na: Ɓəy! Sisəy ɛbɛ dəwje gə ꞌtoje gə dəwje gə mə-si kədərə, gə lo takagə neje tɔ̰y gə pajambərəje lə Luba ꞌpa le o̰ gə si ya̰!

Lugu 24:45

Be ɓa n-cɛ̰ kəji negərə lə-je borong mba kar ꞌgərə ne Mbede lə Luba.

Lugu 9:45

Ngaa ngan njenendoje ꞌgərə mə tar nee le ang, ɗaa tar le iya rɔ-ɛ kəm-je gə gə kiya, mba kar ꞌgərə gəl-e ang; ɗaa ꞌɓəəl mba dəji-e gəl-e.

Jean 12:23

Jeju ila-je kəne na: Dɔ kar asə mba kar d-ila riɓar dɔ Ngon lə dəw gə.

Jean 14:26

Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Jean 16:4

M-pa tar nee to gə be m-ar-si mba kar to gə ɓo ndɔ-ɛ asə nama mə-si ole ne dɔ tar gə m-pa m-ar-si. M-pa tar nee le m-ar-si lo kuma kud-e gə ang mba m-ga̰ gə si ɓi.

Jean 17:5

Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Jean 2:22

Logə Jeju ce mə buwa yo gə ngaɓa mə ngan njenendoje lə-a ole dɔ tar gə nee le ɓa ꞌta ne kagə tar gə mbede pa nəm, gə dɔ tarje gə lə-a gə n-pa nəm tɔ.

Jean 7:39

N-pa tar nee n-ɔji dɔ Njil gə nje ta kag-eje d-a kinga: To to gə be mba d-ula rɔnduba dɔ Jeju gə ang baa ɓi ɗaa Njil godo ɓi tɔ.

Koula 2:33

Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Koula 2:36

May kar dəwje gə Ijirayɛl tɔ̰y ꞌgərə gə maj-ɛ to gə Jeju gə ꞌɓərə-eje kagə dəsə gə le, Luba unda-a gə Mbayɓe ngaɓa gə Kirisi tɔ.

Koula 3:13

Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar.

Ebərəje 12:2

kəm-si gə dɔ Jeju gə, gə ye ja to ngira takagə lə-si le, mba kar-ɛ gədə-si saar tɔl t-ɛ. N-gərə rɔləl gə to ngina-a ɗaa, n-o ko̰ kagə dəsə gə, n-o rɔ kul gə ne ang, be ɓa n-isi ne dɔ ji kɔl Luba gə.

Ebərəje 8:1

Tar gə to ɓəəl ya̰ gə j-a pa ɓa nee: Buba njekapolo lə-si isi dɔ ji kɔl ngəndəng mbay gə lə Yejeje dɔ dara gə taar.