Jean 11:47 - Mbede Lə Luba Kone Gə Sigi

⁴⁷ Ye əng ngaa, buba njekapoloje gə Parijiyɛ̰je d-uwa dɔ naa no ngɔ gangə tar gə lə Jiibije ɗaa ꞌpa na: Ɗi ngaa j-a ɗa wa? Mba dəw gə nee le ɗa netɔjije bula ya̰ ngaa.

Testament ke Siki 1960 (Kabba Laka)

⁴⁷ Tokou ban tokou ndjè kòrdjé ke Pharisiendjé ndedjina, mpana, Di a dja da wa? Mbata doou nèn ao da né mori nya.

Jean 11:47 ပူးပေါင်းရင်းမြစ်များ

Matiye 26:3

Be ɓa buba njekapoloje gə buba ɓeje ꞌmbo̰ naa ndogo lə Buba njekapolo gə ri-a na Kayip

Matiye 5:22

Ngaa ꞌma, m-a pa kar-si: Dəw gə wungu to-e dɔ ngon ko̰-ɛ gə nama tar a kuwa dɔ-ɛ. Ngaɓa dəw gə taji ngon ko̰-ɛ na to mbə nama d-a kaw sə-a no nje gə no ngɔ gangə tar gə lə Jiibije. Dəw gə ɓar ngon ko̰-ɛ ɛbɛ nama d-a kila kəm pər gə.

Marəke 14:1

Ndɔ ɗa Pagə je gə ndɔ ɗa nay mbə gə guway kodo godo kəne nay joo gə kede ɓi. Ɗaa buba njekapoloje gə njekɔr gəl toronduje ꞌsangə gusu gə d-a kuwa ne Jeju tɔl-ɛ.

Lugu 22:2

Buba njekapoloje gə njekɔr gəl toronduje ꞌsangə gusu gə d-a tɔl ne Jeju ngaa ꞌɓəəl dəw mə ɓeje.

Jean 11:57

Buba njekapoloje gə Parijiyɛ̰je d-un nduje na: Dəw gə ɗa-ɗa gə o lo gə ga̰ kəne nama may kar un dɔ-ɛ mba kar d-uwa-a.

Jean 12:19

Be ɓa Parijiyɛ̰je ꞌpa d-ar naa gə yo gə nee na: Oje to gə ne kara gə a kasə ɗaje kəne godo baa: oje, dəwje tɔ̰y ꞌndole go-e.

Jean 2:11

Ye gə nee ɓa to gə kun kudu netɔjije gə Jeju ɗa mə ɓe gə Kana, dɔ nangə gə Galile. Jeju tɔji rɔnduba lə-a gə ɗaga, ɗaa ngan njenendoje lə-a ꞌta ne kag-ɛ.

Jean 6:2

Bula dəwje d-uwa go-e mba d-o netɔjije gə n-ɗa dɔ njerɔko̰je gə.

Jean 7:32

Parijiyɛ̰je d-uru mbi-je d-o ne tar gə bula dəwje ꞌyṵrṵ ɔji dɔ Jeju, ɗaa buba njekapoloje gə Parijiyɛ̰je d-ula njengəm loje kar d-aw d-uwa-a.

Jean 7:45

Be ɓa njengəm loje ꞌtəl ꞌɗe d-inga buba njekapoloje gə Parijiyɛ̰je gə ɗaa ꞌdəji-je na: Mba ɗi ɓa uwa-aje ꞌɗeje sə-a ang wa?

Koula 5:21

Go tar gə d-o-je le ɗaa ꞌɗe gə ndɔɔ-sḭ baa ja d-andə mə kəy gə lə Luba, d-ar d-aw ꞌtɔji ne dəwje. Ɗaa buba njekapolo je gə nje gə ꞌga̰ sə-a le ꞌɗe, ɗaa ꞌɓar nje gə no ngɔ gangə tar gə lə Jiibije ngaɓa mbo̰ naa lə buba ɓeje lə ngan Ijirayɛlje ngaɓa d-ula ꞌɓar njeka̰ykulaje gə to kəy kula gə le.

Koula 5:24

Logə d-o tarje gə nee le ɗaa, njekɔr no nje ka dɔ kəy lə Lubaje gə buba njekapoloje d-əji pḭ ɗaa ꞌdəji rɔ-je tar na: A ɗi ngaa ja ɗa wa?