Jean 10:30 - Mbede Lə Luba Kone Gə Sigi

³⁰ ꞌMa je gə Bɔy j-a to gə kara baa.

Testament ke Siki 1960 (Kabba Laka)

³⁰ Ma djéh ke Bòi Allah kadaba.

Jean 10:30 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Jean 10:29

Ne gə Bɔy gə ar-m le, to ɓəəl unda neje tɔ̰y ngaɓa dəw kara kara singamong-ɛ asə kɔr ne kara mə ji Bɔy gə ce ne ang.

Jean 10:36

Dəw gə Bɔ dəwje ɔr-ɛ unda-a gə losang-ɛ ngaɓa ula-a dɔ nangə gə nee le, sisəy, ꞌpaje ar-ɛje na: ꞌTaji Luba, mba m-pa na: M-to gə Ngon lə Luba.

Jean 14:23

Jeju ila-a kəne na: To gə ɓo dəw njigi-m nama a ngom tar lə-m ɗaa Bɔy a njigi-e. Ngaɓa j-a ɗe ɓə lə-a mba ɗa ɓe m-e gə mba kisi kəne.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 16:15

Neje lə Bɔ dəwje tɔ̰y to kar-m ꞌma; Gəl-e gə nee ɓa m-pa ne to gə tar gə n-a ko ta-m ꞌma gə ja ɓa n-a pa kar-si ɓi.

Jean 17:10

ngaɓa ne tɔ̰y gə to gə kar-m ꞌma le to gə kar ꞌI, ne tɔ̰y gə to gə kar ꞌI le to gə kar-m ꞌma tɔ, ngaɓa m-inga riɓar ɗəw gə lə-je.

Jean 5:17

Ngaa Jeju ila-je kəne na: Saar ɓisine, Bɔy ar ta kula gə ja ɓi, ngaɓa ꞌma kara m-ar ta kula ja ɓi tɔ.

Jean 5:23

Mba kar dəwje tɔ̰y ja d-ila ne kɔji dɔ Ngon gə to to gə d-ila ne kɔji dɔ Bɔ gə be tɔ. Dəw gə ila kuji dɔ Ngon gə ang nama ila kuji dɔ Bɔ-ɛje gə ula-a le ang tɔ.

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

1 Jean 5:7

mba njetar naj-ɛje d-ḭ munda: