Jean 10:25 - Mbede Lə Luba Kone Gə Sigi

²⁵ Jeju ila-je kəne na: M-pa m-ar-si ja ɗaa sisəy ꞌta-je kagə-m ang. Kulaje gə m-ɗa gə ri Bɔy le ja pa tar naji lə-m.

Testament ke Siki 1960 (Kabba Laka)

²⁵ Jésus tél pa aredè, Ma mpa maresè kao, ke woidjé ang, koula ke mao nda ke ri Bòi, koula nèn a pa tar nadji lom.

Jean 10:25 ပူးပေါင်းရင်းမြစ်များ

Jean 10:32

Jeju təl pa ar-je na: M-tɔji-si neje gə may-may gə ḭ rɔ Bɔy gə bula ya̰. Ngaa ye gə ɗa ɓa ꞌnjigije gə mba cila-mje ne gə kɔr ər mb-ɛ wa?

Jean 10:37

To gə ɓo m-ɗa kulaje lə Bɔy ang ɗaa, ꞌtaje kagə-m ang!

Jean 10:38

Ngaa to gə ɓo m-ɗa nama, le ꞌtaje kagə-m ang kara, ꞌtaje kagə kulaje nee gə mba kar ꞌgərəje ne unja-si ngadə to gə Bɔy isi mə-m gə ngaɓa ꞌma kara m-isi mə Bɔy gə tɔ.

Jean 11:47

Ye əng ngaa, buba njekapoloje gə Parijiyɛ̰je d-uwa dɔ naa no ngɔ gangə tar gə lə Jiibije ɗaa ꞌpa na: Ɗi ngaa j-a ɗa wa? Mba dəw gə nee le ɗa netɔjije bula ya̰ ngaa.

Jean 12:37

Gə go netɔjije tɔ̰y gə Jeju ɗa ta kəm dəwje gə nee ja kara, ꞌta kag-ɛ ang.

Jean 14:11

ꞌTaje kagə-m, m-to mə Bɔ dəwje ngaɓa Bɔ dəwje kara to mə-m ꞌma gə tɔ; be ang kara ꞌtaje kagə mba kulaje nee le.

Jean 20:30

Be ɓa, Jeju ɗa netɔjije gə ɗangə bula no ngan njenendoje gə lə-a, gə ꞌɗa mə mbede gə nee ang!

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Jean 7:31

Dəwje ya̰ dan bula dəwje gə ꞌta kag-ɛ ɗaa ꞌpa na: Logə Kirisi a ɗe le se, ye a ɗa netɔjije ya̰ kunda kar dəw gə nee ja cibi wa?

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Jean 8:24

Gəl-e gə nee ɓa, m-pa m-ar-si to gə a kuyje dan neɗaje gə kṵra̰y lə-si; to gə ɓo ꞌta-je kagə to gə, ꞌma, m-ga̰ ang nama, a kuyje dan neɗaje gə kṵra̰y gə lə-si.

Jean 8:56

Ka-sisəy Abəraham inga rɔləl unda ne m-e gə mba ko ndɔ ɗe lə-m: N-o ndɔ-ɛ le tɔ ɗaa, rɔ-ɛ ndɔɔ saw-saw.

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 2:22

Dəwje gə Ijirayɛl, oje tar gə nee: Jeju gə Najarɛd le to dəw gə Luba ɔr-ɛ, ngaɓa ɗa nemisi, gə neje dang-dang gə kəm dəw o ndɔ kara ang, gə netɔjije ɗəw gə lə-a horo-si gə ar ꞌgərəje.

Ebərəje 2:3

ngaa sijee, to gə ɓo j-a dabə kaji gə boy dasəra le, j-a kuba tuji ang to gə ban wa? Kaji nee le Mbayɓe ila mbər-e dɔngɔr, ngaɓa nje gə d-o t-ɛ gə kara d-ila mbər-e tɔ,