Jean 10:1 - Mbede Lə Luba Kone Gə Sigi

¹ Tar gə tɔgərɔ, m-pa m-ar-si, dəw gə andə mə kinga gə lə badəmje gə ta ɗəw ang, ngaa al dɔ-ɛ gə lo gə mbɔr kara ɗaa, nj-ɛ nee le to gə nje ɓogo ngaɓa gə gayim nəm tɔ.

Testament ke Siki 1960 (Kabba Laka)

¹ Tokoro, tokoro, ma mpa maresè, doou ke ande mè ndooko té lo batidjé ke tè ang, a nande mè té ke mare deo ke dang, doou nèn to ndjè boukou ke ndjè to ndjè boukou ke bel ang.

Jean 10:1 ပူးပေါင်းရင်းမြစ်များ

Matiye 7:15

Aje rɔ-si rɔ pajambərəje gə gə mbɔr-ɛ baa. ꞌƊa rɔ-je to gə badəmje be ngaa ꞌto njagəmanjɛrje njekusa da dɔngɔr gə je dɔ ɓəngərə-je gə.

Jean 10:7

Jeju təl pa to gə ɗangə cibi na: Tar gə tɔgərɔ ja, m-pa m-ar-si, m-to gə ta ɗəw kandə lə badəmje.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Romaindjé 10:15

Ngaɓa to gə ɓo d-ula-je ang le njepatar-ɛje d-a ga̰ to gə ban wa? Gə go tar gə ꞌɗa mə mbede gə na: To ne rɔləl ya̰ mba ko njekila mbərə Tar gə Mayje le Lo ɗe gə lə-je.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

Tite 1:11

Be ɓa may kar ɔgə-je lo-e. ꞌTuji-je takagə lə njenujije gə mə kəy kəy gə neje gə kəm tɔji ang ja mba kinga ne ne dɔ ji gə to ne rɔ kul.

Ebərəje 5:4

To tar lə dəw mba kar ɗɔy darɔ-ɛ gə buba njekapolo nee le ang, may kar Luba ja ɓar-ɛ, to to gə ɓar ne Aro̰ be ɓa.

1 Piyɛr 1:10

Pajambərəje gə d-ila mbərə tar mənuji gə d-uwa dɔ gɔl-ɛ mba-si le, d-un rɔ-je ꞌsangə gəl-e ngaɓa d-uru ngira nəm tɔ.

2 Piyɛr 2:1

Be ɓa kede ləw kara pajambərəje gə gə mbɔr-ɛ ꞌga̰ horo dəw mə ɓeje gə, ɗəw kara baa, horo-sisəy gə kara njenetɔjije gə gə mbɔr-ɛ ꞌtɔji neje gə baa gə kar kuba tuji ngaɓa ꞌturu gir-je d-ar Mbayɓe gə ndogo-je, mba kar tuji uba-je ne nangə bus.

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.