Jean 1:51 - Mbede Lə Luba Kone Gə Sigi

⁵¹ Tar gə tɔgərɔ ja m-pa m-ar-si, a koje ta dara a cɛ̰, ngaɓa anjije lə Luba d-a kal kaw taar gə ɗisi kuru nangə dɔ Ngon lə dəw gə.

Testament ke Siki 1960 (Kabba Laka)

⁵¹ Nè mpa narè, Tokoro, tokoro, ma mpa maresè, sésè a koidjé dara a teï, angedjé lo Allah al ke disi dò Ngon té lo doou.

Jean 1:51 ပူးပေါင်းရင်းမြစ်များ

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 26:24

ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Matiye 3:16

Logə Ja̰ ɗa Jeju batɛm, ngaɓa Jeju aw ce mə man gə gə ɗaga ɗaa kəm dara cɛ̰ bərərə, ar n-o Njil Luba ɗisi to to gə dər kuul be isi dɔ-ɛ gə.

Matiye 4:11

Be ɓa ꞌSɛ̰ngərɛ̰ ɔdə ḭya̰ Jeju, ɗaa anjije ꞌɗe gə nekusa d-ar Jeju.

Matiye 8:20

Jeju pa ar-ɛ na: Njaje gə ꞌto daje baa kara buja lə-je ga̰, ngaɓa əlje gə d-aw dara əng kara kinga lə-je ga̰, ngaa ꞌma gə Ngon lə dəw ja baa ɓa lo kula dɔ-m godo.

Matiye 9:6

Be ɓa, mba kar-si ꞌgərə-je to gə ꞌma gə Ngon lə dəw m-aw gə singamongə dɔ nangə gə nee mba kɔr tar neɗaje gə kṵra̰y dɔ dəwje gə. Jeju pa ar dəw gə rɔ-ɛ uy le na: Ḭ un tuwa lə-i ɓo təl aw kəy lə-i.

Marəke 1:10

Logə Jeju aw ce mə man gə gə ɗaga ɗaa, kəm dara cɛ̰ bərərə ar n-o Njil Luba ɗisi to to gə dər kuul be ɗe isi dɔ-ɛ gə.

Marəke 14:62

Jeju ila kəne na: To ꞌma ja. Ɗaa a ko-mje ꞌma gə Ngon lə dəw gə m-isi dɔ ji kɔl Njesingamongə gə, m-a ɗe dan kil lə nji gə dara.

Lugu 2:13

Njeɗɔje gə dara bula ꞌɗe gə tɔg-ɛ baa d-ɔr-e naa kara baa gə anjije gə dara d-ɔsə gaji Luba, ꞌpa na:

Lugu 2:9

Anji lə Mbayɓe kara ce dɔ-je gə. Ndogo lə Mbayɓe uru dɔ-je gə, ar ɓəəl unda-je bad gangə-je.

Lugu 22:43

Be ɓa anji gə dara kara ce ula njingaw m-e gə.

Lugu 22:69

Ngaa un kud-e ɓogəne le, ꞌma gə Ngon lə dəw m-a kisi dɔ ji kɔl Luba gə njesingamongə gə.

Lugu 24:4

To gə be ɓa, lo tar igi-je sɛl ɔji dɔ nee le, ngaa a oje, gə lo-e gə əng ja dəwje joo d-ula kubu gə ndo̰y mələg-mələg ꞌce dɔ-je gə təsərə.

Lugu 3:21

To gə Ja̰ ɗa dəwje tɔ̰y batɛm le, Jeju kara n-ɗ-ɛ batɛm tɔ. Logə Jeju aw dəji Luba ɗaa, kəm dara cɛ̰,

Jean 1:50

Jeju ila kəne na: Mba m-pa na m-o-i kɔy tungu gə ɓa um mə-i kəne nee ɗaa, a ko neje gə to ɓəəl ya̰ ja ɓi!

Jean 10:1

Tar gə tɔgərɔ, m-pa m-ar-si, dəw gə andə mə kinga gə lə badəmje gə ta ɗəw ang, ngaa al dɔ-ɛ gə lo gə mbɔr kara ɗaa, nj-ɛ nee le to gə nje ɓogo ngaɓa gə gayim nəm tɔ.

Jean 10:7

Jeju təl pa to gə ɗangə cibi na: Tar gə tɔgərɔ ja, m-pa m-ar-si, m-to gə ta ɗəw kandə lə badəmje.

Jean 13:16

Tar gə tɔgərɔ ja m-pa m-ar-si to gə ngon njekula to ɓəəl unda ꞌɓəə-eje ang ngaɓa njeka̰ykula kara to ɓəəl unda nje kula-a ang tɔ.

Jean 13:38

Jeju ila-a kəne na: Kḭya̰ rɔ-i kar yo mba tar lə-m ꞌma! Tar gə tɔgərɔ ja, m-pa m-ar-i, a ma̰y tar gɔl munda na ꞌgərə-m ang ɗɔdə ɓa kura̰ a kila mbərə ɓi.

Jean 14:12

Tar gə tɔgərɔ ja, m-pa m-ar-si, dəw gə ta kagə-m nama ye kara a ɗa kulaje gə ꞌma m-ɗa nee le tɔ; n-a ɗa yeje gə bo ya̰ unda mar-ɛje ja cibi, mba m-aw gə rɔ Bɔy gə.

Jean 16:20

Tar gə tɔgərɔ ja m-pa m-ar-si, a suumje ngaɓa a noje rɔ-si, ngaa dɔ nangə ɗaa a ɗa rɔləl; kəm-si a ɗa ndoo, ngaa kəm ndoo lə-si a təl to gə rɔləl.

Jean 16:23

Be ɓa, dɔ ndɔ-ɛ gə əng le a dəji-mje tar ɔji dɔ ne kara ang ngaa. Tar gə tɔgərɔ ja, m-pa m-ar-si, ne gə ꞌdəjije Bɔy gə ri-m nama, n-a kar-si ne le ja.

Jean 21:18

Tar gə tɔgərɔ ja, m-pa m-ar-i, logə ꞌI ꞌnay basa̰ baa ɓi le ꞌI ja uwa ɓərə-i gə gagəra, ngaɓa lo gə mə-i njigi ja ɗaa aw kəne, ngaa logə a ɓuga ɗaa a kum ji-i yaw ɗaa dəw gə ɗangə ɓa a tɔ gagəra lə-i ɓərə-i gə mba kaw sə-i lo gə ꞌI a njigi ang baa.

Jean 3:3

Jeju ila-a kəne na: Tar gə tɔgərɔ ja, m-pa m-ar-i, to gə ɓo d-uji dəw to gə sigi ang nama a kasə ko ɓeko̰ lə Luba ang.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Jean 5:19

Be ɓa, Jeju ila-je kəne na: Tar gə tɔgərɔ ja, m-pa m-ar-si, Ngon asə ɗa ne kara gə dɔ rɔ-ɛ baa ang, be ang nama, ne gə n-o bɔ-ɛje lo ɗ-ɛ gə ja ɓa; ne gə Bɔ ɗa nama, Ngon kara ɗa ja tɔ.

Jean 5:27

Ngaɓa n-ar-ɛ singamongə mba kar n-gangə ne tar, mba n-to Ngon lə dəw.

Jean 6:26

Jeju ila-je kəne na: Tar gə tɔgərɔ ja, m-pa m-ar-si, ꞌsangə-mje mba netɔjije gə oje ang, ngaa mba mbə gə usaje ar-je mə-si ci tub-tub.

Jean 6:32

Be ɓa, Jeju pa ar-je na: Tar gə tɔgərɔ ja, m-pa m-ar-si, to gə Moyiji ɓa ar-si mbə gə ḭ dara ang ngaa Bɔy ɓa ar-si mbə gə tɔgərɔ gə ḭ dara,

Jean 6:47

Tar gə tɔgərɔ ja, m-pa m-ar-si, dəw gə ta kagə nama inga təbə gə to gə no.

Jean 6:53

Jeju pa ar-je na: Tar gə tɔgərɔ ja, m-pa m-ar-si, to gə ɓo usaje darɔ Ngon lə dəw ang nəm ngaɓa ayje məs-e ang nama təbə godo mə-si gə.

Jean 8:34

Jeju ila-je kəne na: Tar gə tɔgərɔ ja, m-pa m-ar-si, dəw gə ɗa neɗa gə kṵra̰y nama to ɓərə lə neɗa gə kṵra̰y.

Jean 8:51

Tar gə tɔgərɔ ja, m-pa m-ar-si, to gə ɓo dəw um m-e dɔ tar gə lə-m jəb-jəb nama, a ko yo gə kəm-e ang ja saar gə no.

Jean 8:58

Jeju pa ar-je na: Tar gə tɔgərɔ ja, m-pa m-ar-si, kede nam ɓa kar d-uji Abəraham le, ꞌma m-ga̰.

Koula 10:11

N-o kəm dara cɛ̰ ngaɓa n-o ne kara to to gə ta kubu gə tadə be, d-uwa kel-e gə sɔɔ rad-rad ngaɓa ɗisi gə nangə nee.

Koula 7:56

N-təl pa na: O-je, m-o kəm dara cɛ̰ ɗaa m-a lo m-o, Ngon lə dəw ar taar dɔ ji kɔl Luba gə.

2 Thessaloniciendjé 1:7

Ngaɓa sisəy nje ko ꞌməsərəje, n-a kar-si lo kuwa kɔr naa gə kara baa gə sijee, logə Mbayɓe Jeju a kḭ dara gə anjije lə-a gə to njesingaje,

2 Thessaloniciendjé 1:9

Ngaɓa, dəwje gə nee le, d-a ko ko̰, ɗaa d-a tuji gə dɔbo̰, d-a ko kəm Mbayɓe ang nəm, cibi d-a ko riɓar singamongə lə-a ang nəm tɔ,

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Jude 1:14

Cibi, Enɔgə gə to gəl ka Adam gə njekum gə siri pa ne ɔji dɔ dəwje nee na: Oje, Mbayɓe a ɗe gə njerɔsangəje lə-a bula-bula,

Apocalypse 19:11

Be ɓa m-o kəm dara cɛ̰, ɗa kunda gə nda ɔsə lo ce. Dəw gə al-ɛ ri-a na Nje to ngon kuji gə Nje ɗa ne gə tɔgərɔ, n-gangə tar ngaɓa n-ɗa ɗɔ gə gadə-gadə tɔ.

Apocalypse 4:1

Go-e gə gugu ɗaa m-o ta ɗəw cɛ̰ mə dara gə, ɗaa ndu gə dɔngɔr gə pa sə-m tar gə ur mbi-m gə le ɓar to gə kuul be, pa na: Ɔdə gə nee, ɗa m-a tɔji ne gə a nday mə ndɔ gə aw ɗe gə kede əng.