Jean 1:45 - Mbede Lə Luba Kone Gə Sigi

⁴⁵ Pilibi inga Nataniyɛl ɗaa pa ar-ɛ na: Sijee j-inga dəw gə mbede lə Moyiji gə mbede lə pajambərəje ꞌpa tar lə-a, Jeju gə ɓe gə Najarɛd, gə to ngon lə Jəjəb le.

Testament ke Siki 1960 (Kabba Laka)

⁴⁵ Philippe inga Nathaniel, nè mpa narè, Djèdjè djingè mbä, nè ke Moïse pa tar la mè maketourou tar ndedji té, prophètedjé pa tar la mè maketourou té to, Jésus ke Nazareth, ngon lo Joseph.

Jean 1:45 ပူးပေါင်းရင်းမြစ်များ

Matiye 10:3

Pilibi je gə Batələmi; Toma je gə Matiye gə to njembo̰ lar gədə ɓe; Jagə gə ngon lə Aləpe, gə Tade;

Matiye 13:55

N-to ngon lə njekunja kagə nee ang wa? Ri ko̰-ɛje na Məri ang wa? Ngaɓa, Jagə gə Jəjəb gə Simo gə Jude ꞌto ngan ko̰-ɛ ang wa?

Matiye 2:23

ɗaa ɓe gə ɓar-ɛ Najarɛd ɓa n-aw n-isi kəne, bənəng ɓa gə mba kar tar gə pajambərəje lə Luba ꞌpa le aw ne lo-e gə na: D-a ɓar-ɛ dəw gə Najarɛd.

Matiye 21:11

Bula dəwje d-ila kəne na: To gə Jeju pajambərə gə mə ɓe Najarɛd, dɔ nangə gə Galile.

Marəke 14:67

N-o Piyɛr isi aw njibi pər, n-a-ɛ jii ɗaa n-pa na: ꞌI kara ꞌga̰ gə Jeju gə Najarɛd tɔ lə ma!

Marəke 6:3

ꞌNe le ɓa n-to njekunja kagə, gə ngon lə Məri, gə n-to ngon ko̰ Jagə, gə Jose, gə Jude gə Simo le ang wa? Ngaɓa ko̰ nan-ɛje kara ꞌga̰ horo-si gə nee ang wa? Ɗaa n-təl n-to jigi tuga koso no-je gə.

Lugu 18:37

Dəwje d-ila-a kəne na: To Jeju gə Najarɛd ɓa aw nday.

Lugu 2:4

Jəjəb kara ḭ mə ɓebo gə Najarɛd, dɔ nangə gə Galile, aw dɔ nangə gə Jude mə ɓe gə lə mbay Dabidi gə ri-a na Bɛdəlɛhɛm, mba n-to gə gəl kapolo gə lə mbay Dabidi ngaɓa n-to ngon k-ɛ tɔ,

Lugu 2:48

Logə nje kuj-eje d-o-e ɗaa, lo tar igi-je sɛl, ko̰-ɛje pa ar-ɛ na: Ngon-m, ɗi ɓa ꞌɗa gə si be wa? O, je gə bɔ-ije j-a sang-i gə kar gədə.

Lugu 24:27

Ngaɓa, un kud-e dɔ Moyiji gə, ce ne dɔ pajambərəje gə tɔ̰y le, Jeju ɔr gəl neje gə mbede lə Luba pa tar-ɛ ɔji dɔ-ɛ, ar-je.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Lugu 3:23

Jeju ɗa gə ɓal dɔg mundaje əng be, logə uma kudu kila mbərə Tar gə May. Dəwje d-o-e gə ngon lə Jəjəb, gə to ngon lə Eli,

Lugu 4:22

Dəwje tɔ̰y ꞌpa tar naji lə-a ngaɓa lo tar igi-je sɛl ɔji dɔ tar mənuji gə ce t-ɛ gə. Ɗaa, ꞌpa na: Dəw nee le, se n-to ngon lə Jəjəb ang ja wa?

Jean 1:44

Pilibi gə Andəre je gə Piyɛr le, ɓe lə-je kara baa Bɛdəsayida.

Jean 12:21

D-inga Pilibi ngon njeɓe gə Bɛdəsayida dɔ nangə gə Galile gə ɗaa, ꞌdəji-e na: Bɔy, j-a njigi mba ko Jeju.

Jean 14:8

Pilibi pa ar-ɛ na: Mbayɓe, ꞌtɔji-si rɔ Bɔ dəwje ɗaa ye ja asə-si mbagə.

Jean 18:5

D-ila-a kəne na: Jeju, ngon njeɓe gə Najarɛd. N-ila-je kəne na: ꞌMa ja m-ar nee. Judas gə njekun dɔ-ɛ le kara ar gə je naa gə tɔ.

Jean 18:7

N-təl n-dəji-je to gə ɗangə cibi na: ꞌSangəje na wa? Ɗaa n-pa na: Jeju ngon njeɓe gə Najarɛd.

Jean 19:19

Pilad ar ꞌɗa bəgərə d-unda taar kagə dəsə gə, d-unja ne kəne na: Jeju gə Najarɛd, mbay lə Jiibije.

Jean 21:2

Simo Piyɛr, Toma gə ɓar-ɛ Ndunga, Nataniyɛl ngon njeɓe gə Kana dɔ nangə gə Galile, nganje lə Jebede ngaɓa ngan njenendoje lə-a gə ɗangə joo ꞌga̰ naa gə kara baa tɔ.

Jean 6:42

Ɗaa ꞌpa na: Ngon lə Jəjəb, gə sijee, j-a gərə ko̰-ɛje gə bɔ-ɛje som, ꞌne gə nee le ɓa n-to Jeju le ang wa? Na ban cibi ɓa ɓisine n-pa na: ꞌMa m-ḭ dara wa?

Jean 6:5

Jeju un kəm-e gə taar ɗaa o bula dəwje d-aw ɗe gə rɔ-ɛ gə. N-pa n-ar Pilibi na: Lo gə ɗa ɓa j-a ndogo mbə kəne mba kar dəwje nee d-usa wa?

Jean 6:7

Pilibi ila-a kəne na: Le ꞌndogo mbə kəm mbɛl ka tɔl joo ja kara a kasə mba kar d-inga dɔ dum-e kara-kara tɔ̰y ang baa.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 2:22

Dəwje gə Ijirayɛl, oje tar gə nee: Jeju gə Najarɛd le to dəw gə Luba ɔr-ɛ, ngaɓa ɗa nemisi, gə neje dang-dang gə kəm dəw o ndɔ kara ang, gə netɔjije ɗəw gə lə-a horo-si gə ar ꞌgərəje.

Koula 22:8

M-ila kəne na: ꞌTo na wa, Mbayɓe. Ngaɓa n-ila-m kəne na: ꞌMa, m-to Jeju gə Najarɛd gə ꞌi ula kəm-m ndoo.

Koula 26:9

ꞌMa le ja ɓa m-əji to gə tɔsə kəm ri Jeju gə Najarɛd le to ne gə may, a m-ɗa gə singa-m ja.

Koula 3:6

Ngaa Piyɛr pa ar-ɛ na: Lar ose maa kara godo ji-m gə, ngaa ne gə to ji-m gə nee ja m-ar-i, gə ri Jeju Kirisi gə Najarɛd, ḭ taar ɓo ꞌnja.