Jean 1:34 - Mbede Lə Luba Kone Gə Sigi

³⁴ Be ɓa, ꞌma m-o gə kəm-m ɗaa m-ɗa tar naj-ɛ to gə ꞌne ja n-to Ngon lə Luba.

Testament ke Siki 1960 (Kabba Laka)

³⁴ Ma mo, ke ma mpa tar nadji mba, nè nèn nto Ngon lo Allah.

Jean 1:34 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Matiye 16:16

Simo Piyɛr ila kəne na: ꞌI ꞌto Kirisi, Ngon lə Luba gə Nje kisi kəm baa.

Matiye 17:5

Logə Piyɛr aw pa tar be ja ɓi ɗaa, kil lə nji gə kasə rogo-rogo ɗe dəbə dɔ-je gə rigim. Ɗaa ndu dəw ɓar mə kil lə nji gə le na: ꞌNe gə nee le n-to Ngon njigi lə-m, gə n-to ngira rɔləl lə-m, oje tar t-ɛ gə.

Matiye 26:63

Jeju ar t-ɛ munduru. Ɗaa buba njekapolo le pa ar-ɛ na: M-un ndu-m m-ar-i gə ri Luba gə nje kisi kəm baa ja, mba kar-i ꞌpa ar-si j-o, ꞌto Kirisi, Ngon lə Luba wa?

Matiye 27:40

ꞌpa na: ꞋI gə na a cḭ kəy lə Luba, ɗaa ndɔ munda baa ja a təl kunda gugu le, aji darɔ-i ngaa ləma! To gə ɓo ꞌto ngon lə Luba ja nama, ḭ kagə dəsə gə ꞌɗisi nangə!

Matiye 27:43

N-unda m-e dɔ Luba gə le ɗaa, may kar Luba le t-ɛ ta yo ngaa, to gə ɓo Luba njigi-e. Mba n-pa na: N-to ngon lə Luba.

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Matiye 3:17

Cibi, ndu ḭ dara pa tar na: ꞌNe gə nee le, to Ngon njigi lə-m, gə to ngira rɔləl lə-m.

Matiye 4:3

Nje kərə dəwje le ɗe inga-a ɗaa pa ar-ɛ na: To gə ɓo ꞌto Ngon lə Luba nama, un ndu-i ar kɔr ərje gə nee le ꞌtəl mbə d-ar-i usa.

Matiye 4:6

ngaɓa pa ar-ɛ na: To gə ɓo ꞌi to ngon lə Luba nama, ḭ taar ꞌce oso nangə, mba ꞌɗa mə mbede gə na: Luba a kun ndu kar anjije lə-a mba-i; Ɗaa d-a kunda ji-je ta-i nee, Mba kar gɔl-i dar ər ang.

Matiye 8:29

D-uru ꞌkuwi na: Ngon lə Luba, ɗi ɓa aw njigi ji-si gə wa? ꞋI ɗe mba bɛ̰ ta-si kede nam ɓa kar ndɔ gangə tar gə Luba ɔji asə wa?

Marəke 1:1

Tar gə May lə Kirisi Jeju, Ngon lə Luba le uma kud-e to gə be.

Marəke 1:11

Cibi, ndu ḭ dara pa tar na: ꞋI to Ngon njigi lə-m, ngira rɔləl lə-m.

Lugu 1:35

Anji le ila-a kəne na: Njil Njerɔsangə a ɗe dɔ-i gə, ngaɓa singamongə gə dara a dəbə-i gə njil. Gəl-e gə nee ɓa, ngon gə a kuj-e le a to ngon gə Njerɔsangə, d-a ɓar-ɛ Ngon lə Luba.

Lugu 3:22

Njil Njerɔsangə un darɔ gə ta naa gə dər kuul be ɗe isi dɔ-ɛ gə. Cibi, ndu ḭ dara ɓar na: ꞋI to Ngon njigi lə-m, ngira rɔləl lə-m.

Jean 1:18

Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Jean 1:49

Nataniyɛl təl pa na: Njenetɔji, ꞌI le ɓa ꞌto gə ngon lə Luba, ꞌI le ɓa ꞌto gə mbay gə Ijirayɛl.

Jean 10:30

ꞌMa je gə Bɔy j-a to gə kara baa.

Jean 10:36

Dəw gə Bɔ dəwje ɔr-ɛ unda-a gə losang-ɛ ngaɓa ula-a dɔ nangə gə nee le, sisəy, ꞌpaje ar-ɛje na: ꞌTaji Luba, mba m-pa na: M-to gə Ngon lə Luba.

Jean 11:27

N-ila-a kəne na: Oyo, Mbayɓe, ꞌma le, m-ta kagə to gə ꞌI ꞌto gə Kirisi, Ngon lə Luba, ye gə ɗe dɔ nangə gə nee le.

Jean 19:7

Jiibije d-ila-a kəne ne: Sijee le, torondu lə-si ga̰ kəne əng, ngaɓa gə go torondu nee le ɗaa, kuy ja baa n-a kuy, mba ꞌne ja gə dɔ-ɛ baa n-ɗa rɔ-ɛ gə ngon lə Luba.

Jean 20:28

Toma ila kəne ɗaa pa ar-ɛ na: Mbayɓe lə-m, ngaɓa Luba lə-m!

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 6:69

Sijee le, j-a ta kagə ngaɓa j-a gərə to gə ꞌI ja ꞌto Kirisi, Njerɔsangə lə Luba.

Romaindjé 1:4

ngaɓa, ꞌɓar-ɛ Ngon lə Luba ɗəw singamongə gə lə Njil Njerɔsangə Jeju Kirisi to Mbayɓe lə-sijee go kuy gə uy ɓa ndol horo nje gə d-uy gə;

2 Corinthiendjé 1:19

Be ɓa, Ngon lə Luba Kirisi Jeju gə ꞌma, gə Silibɛ̰ gə Timoce j-ila mbərə lə-a horo-si gə le to oyo gə ə̰ə̰ə̰ ang baa, ngaa n-to oyo ja kara baa.

Ebərəje 7:3

N-to dəw gə bɔ-ɛje godo, ko̰-eje godo, gəl kuji lə-a godo; ndɔ kuj-e godo, ndɔ kuy lə-a kara godo nəm tɔ. N-to to gə ngon lə Luba be, n-to njekapolo ja gə dɔbo̰.

1 Jean 2:23

Dəw gə ɗa-ɗa ɓa mbadə Ngon nama mbadə Bɔ dəwje, dəw gə gərə Ngon nama gərə Bɔ dəwje tɔ.

1 Jean 3:8

Dəw gə nje ɗa neɗa gə kṵra̰y le to nje kar ꞌSɛ̰ngərɛ̰, mba ꞌSɛ̰ngərɛ̰ ɗa neɗa gə kṵra̰y ləw baa lo kuma kudu neje gə, Ngon lə Luba ɗe mba tuji kula ɗa lə ꞌSɛ̰ngərɛ̰.

1 Jean 4:9

Oje ɗəw gə Luba kila ne njigi lə-a ar-si ɓa nee: Luba ula Ngon-e gə kara baa dɔ nangə gə nee mba kar j-inga təbə ɗəw lə-a.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.

2 Jean 1:9

Dəw gə ɗa-ɗa ɓa ar əw, cibi ngom nendo lə Kirisi ang nəm nama, Luba godo m-e gə. Dəw gə ngom nendo nama Bɔ je gə Ngon d-isi m-e gə.

Apocalypse 2:18

ꞌƊa mbede ar Anji lə Mbo̰ naa lə njetakagəje gə Tiyatir: A o, tar gə Ngon lə Luba, ye gə kəm-e ta naa gə ndo̰ pər gə o̰ bilim-bilim, gə gɔl-ɛ ta naa gə lar kasə pa le ɓa na nee: