Jean 1:18 - Mbede Lə Luba Kone Gə Sigi

¹⁸ Dəw kara gə o Luba gə kəm-e le godo; ngaa, Ngon kara gə to Luba gə ga̰ naa gə kara baa gə bɔ-ɛje ɓa ɗe riba dɔ-ɛ ar-si ja gər-e.

Testament ke Siki 1960 (Kabba Laka)

¹⁸ Doou kada nai wo Allah ang bai ndò kada ang. Ngon kada ke éh kare Bèdjè té, nè ntòdjou Allah ke daka.

Jean 1:18 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Lugu 10:22

Bɔy ḭya̰ neje tɔ̰y ja mə ji-m gə, ngaɓa dəw kara gə gərə-m ꞌma gə Ngon ang, Bɔy ja ɓa, ngaɓa dəw kara gərə Bɔy godo, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 12:41

Tar gə nee le Ejay pa to gə be mba ꞌne n-o rɔnduba lə-a ngaɓa n-pa tar gə ɔji dɔ-ɛ tɔ.

Jean 13:23

Kara lə ngan njenendoje, ye gə Jeju njigi-e le, nduna rɔ-ɛ kar Jeju gə ta ka nekusa gə.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 17:26

M-kila dɔ ri-i m-ar-je ꞌgərə ɗaa m-a kila kar-je gərə ja ɓi mba kar njigi gə ꞌnjigi-m le to mə-je gə ngaɓa mba kar ꞌma kara m-ga̰ ne mə-je gə tɔ.

Jean 17:6

Dəwje tɔ̰y gə ꞌtɔr-je dɔ nangə gə nee um-je mə ji-m gə le m-kila dɔ ri-i gə ɗaga m-ar-je. ꞌTo gə nje kar-ije, ꞌI um-je mə ji-m gə, ɗaa ꞌngom tar lə-i tɔ.

Jean 3:11

Tar gə tɔgərɔ, tɔgərɔ ja m-pa m-ar-i to gə, ne gə j-a gərə nəm, gə j-o gə kəm-si nəm ɓa ja pa tar naj-ɛ, ɗaa sisəy njigi-je tar naji lə-sijee ang.

Jean 6:46

Dəw kara kara o Bɔ dəwje gə kəm-e ang, be ang nama, ye gə nje kḭ Luba gə le ja baa. ꞌNe gə nee le ɓa n-o Bɔ dəwje gə kəm-e.

2 Corinthiendjé 4:4

ngaɓa ɔji dɔ nje məkədərəje gə magə gə dɔ nangə nee rɛ̰ kəji negərə lə-je badə mba kar d-o ndogo lə Tar gə May kar riɓar lə Kirisi gə ta naa gə Luba le ang.

Colossiendjé 1:15

N-to ndaji Luba gə kəm dəw o-e ang, ngaɓa n-to dər nekundaje tɔ̰y.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 6:16

ꞌNe gə kar-e baa n-to Njekuy ang, ꞌNe gə n-isi dan ndogo gə dəw ila gɔl-ɛ kəne ang. Lo gə dəw o ang ngaɓa dəw a kasə ko ang nəm. Riɓar gə singamongə gə ndɔ gə ndɔ to gə k-ɛ. Oyo.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.

1 Jean 4:20

To gə dəw pa na: M-njigi Luba, ɓa n-njigi ngon ko̰-ɛ ang gə kɔrɔ nama, n-to nje ɗəgərə, mba dəw gə o ngon ko̰-ɛ nda̰ ɓa njigi-e ang, ngaa a njigi Luba gə o-e ang na ban wa?

1 Jean 4:9

Oje ɗəw gə Luba kila ne njigi lə-a ar-si ɓa nee: Luba ula Ngon-e gə kara baa dɔ nangə gə nee mba kar j-inga təbə ɗəw lə-a.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.