Jean 1:17 - Mbede Lə Luba Kone Gə Sigi

¹⁷ mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Testament ke Siki 1960 (Kabba Laka)

¹⁷ Mbata dare tar ndedji dé leo deo té lo Moïse, tokou mè madji ke tar ke tokoro dé deo té lo Jésus Christ.

Jean 1:17 ပူးပေါင်းရင်းမြစ်များ

Jean 1:14

Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 18:37

Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m.

Jean 5:45

Əjije to gə ꞌma ɓa m-a kila tar dɔ-si gə no gɔl Bɔ dəwje ang: njekila tar dɔ-si gə le, to Moyiji, gə sisəy umje mə-si dɔ-ɛ gə jəb-jəb le.

Jean 7:19

Moyiji ar-sisəy Torondu le ang baa cibi wa? Be ja kara dəw kara gə nje ɗa ne kula godo: Mba ɗi ɓa ꞌsangəje ɗəw mba tɔl-mje wa?

Jean 8:32

A gərəje tar gə tɔgərɔ ɗaa, tar gə tɔgərɔ a kɔr kula ɓərə gɔbə-si gə.

Jean 9:29

J-a gərə to gə Luba pa tar ar Moyiji, ngaa ye gə kən le, sijee ja gərə lo gə ye ḭ kəne ang.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Koula 7:38

Logə ꞌmbo̰ naa mə ndag lo gə le, ꞌne nee ja anji pa sə-a tar dɔ ər gə Sinayi, ngaɓa gə ka ka-sijee, ꞌne gə n-ta tarje uji dɔ təbə n-ar-si.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

2 Corinthiendjé 1:20

Neje tɔ̰y gə Luba uwa dɔ gɔl-ɛ le to oyo ɗəw gə lə-a. Ngaɓa, ɗəw gə lə-a ɓa j-a ɗa ne Luba oyo j-ila ne riɓar dɔ-ɛ gə.

Galatedjé 3:17

Tar gə m-njigi pa ɓa to nee: Luba uwa dɔ gɔl ndu kun ar Abəraham gə maj-ɛ nəm ngaɓa gə dɔ gɔl-ɛ nəm tɔ, asə ɓal tɔl-tɔl sɔɔ gə dɔg munda nam ɓa torondu ɗe ɓi le ja, torondu nee le a tɔji ndu kun gə Luba uwa dɔ gɔl-ɛ wa?

Ebərəje 9:22

Be ɓa məsə togo neje tɔ̰y gə go ndu mba d-a kɔr tar dɔ dəw gə lal kay məsə nangə ang.