Jean 1:14 - Mbede Lə Luba Kone Gə Sigi

¹⁴ Tar le təl rɔ-ɛ gə dəw, cibi ɓa isi horo-si gə mənuji gə tar gə tɔgərɔ ɗusu m-e tub-tub, ngaɓa sijee j-o rɔnduba lə-a, to to gə rɔnduba kar Ngon kara gə inga rɔ Bɔ-ɛje gə.

Testament ke Siki 1960 (Kabba Laka)

¹⁴ Tar ndja dé to rò doou, ke nè nisi horodjè té, tòkou mè madji dousou mèa ke tar ke tokoro tò, djèdjè djo ndokoo la, ndokoo tokou mare lo Ngon kada lo Bò ngondjè.

Jean 1:14 ပူးပေါင်းရင်းမြစ်များ

Matiye 1:16

Jakobo uji Jəjəb gə ngaw Məri-je, Ngaɓa Məri uji Jeju, gə ꞌɓar-ɛ Kirisi.

Lugu 2:11

Ɓogəne, mə ɓe gə lə mbay Dabidi, d-uji njekaji-si, ꞌne gə n-to Kirisi, Mbayɓe.

Lugu 2:7

ɗaa n-uji ngon dər-e gə jingaw. N-ɓiri-e gə ta kubu ngaɓa n-ila-a mə bəgərə kusa ne gə lə mangəje mba lo to godo mə kəy to mbaje gə.

Lugu 9:32

Ɓi tɔl Piyɛr je gə njeba-ɛje lə-a, ꞌləngə ɓi ngaa d-isi kəm baa ɗaa d-o Jeju gə jingawje gə joo gə ndogo gugu dɔ-je.

Jean 1:1

Tar ja ga̰ kede dɔngɔr, Tar le ga̰ kede naa gə kara baa gə Luba, Tar le to gə Luba tɔ.

Jean 11:40

Jeju ila-a kəne na: To gə ɓo ꞌta kagə nama a ko rɔnduba lə Luba ɓa m-pa be m-ar-i ang wa?

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 14:9

Jeju pa ar-ɛ na: Ga̰ gə m-ga̰ gə si ləw baa kuru lo əw nee ja, kar be kara ꞌgərə-m ang ja ɓi wa, Pilibi! Dəw gə o-m ꞌma nama o Bɔy ja tɔ. Ɗa ban ɓa ꞌI cibi ꞌpa na: ꞌTɔji-si rɔ Bɔ dəwje wa?

Jean 17:22

Rɔnduba gə ula dɔ-m gə le, ꞌma kara m-ula dɔ-je gə tɔ gə mba kar ꞌto gə kara baa to sijee ja to gə kara baa tɔ.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Jean 18:37

Pilad pa ar-ɛ na: Ɗaa, ꞌi le, ꞌto mbay ɓa kən wa? Jeju ila kəne na: ꞌI ja ꞌpa, m-to Mbay. O, gəl ne gə d-uji-m ne gə gəl ne gə m-ɗe ne dɔ nangə gə nee le ɓa nee, m-ɗe mba pa tar naji lə tar gə tɔgərɔ. Na-na ɓa to gə nje kar tar gə tɔgərɔ nama o ndu-m.

Jean 2:11

Ye gə nee ɓa to gə kun kudu netɔjije gə Jeju ɗa mə ɓe gə Kana, dɔ nangə gə Galile. Jeju tɔji rɔnduba lə-a gə ɗaga, ɗaa ngan njenendoje lə-a ꞌta ne kag-ɛ.

Jean 3:16

Mba Luba njigi dəwje gə dɔ nangə gə nee ya̰ ɓa un ngon-e gə kara ɗəgədə ula-a mba kar dəw gə ɗa-ɗa ɓa ta kag-ɛ nama, a kuy ang magə, ngaa a kinga təbə gə gə ndɔ gə ndɔ.

Jean 3:18

Dəw gə ta kag-ɛ nama tar uwa dɔ-ɛ ang; ngaa dəw gə mbadə ta kag-ɛ nama tar uwa dɔ-ɛ nam, mba n-mbadə ta kagə gə ri Ngon kara lə Luba.

Jean 6:51

ꞌMa le, m-to mbə gə to kəm baa gə ḭ dara. To gə ɓo dəw usa mbə gə nee le nama a kaw kəm baa gə ndɔ gə ndɔ; ngaɓa mbə gə ꞌma m-a kar le, to gə darɔ-m gə m-ar mba təbə lə dəwje gə dɔ nangə gə nee.

Jean 8:32

A gərəje tar gə tɔgərɔ ɗaa, tar gə tɔgərɔ a kɔr kula ɓərə gɔbə-si gə.

Koula 13:33

Luba tɔl ta ndu kun lə-a mba sijee gə ja to nganje ɓa ar Jeju ce ne mə buwa yo gə to to gə ꞌɗa ne mə Paje gə njekum gə joo gə na: ꞋI ꞌto Ngon-m, ꞌMa ja m-uji ɓogəne.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Romaindjé 9:5

gə bɔ-sijee-je, ngaɓa ɗəw gə lə-je gə darɔ gə ɓa Kirisi gə to dəw dɔ neje tɔ̰y ɗe ne, may kar ndu tɔr to dɔ Luba gə gə ndɔ gə ndɔ. Oyo!

1 Corinthiendjé 15:47

Dɔngɔr dəw gə d-ɔr-ɛ nangə le, to dəw gə nangə nee. Njekum gə joo le ḭ dara.

2 Corinthiendjé 12:9

ngaa n-ila-m kəne na: Mənuji lə-m ja as-i mbagə, mba ɗəw tɔgə godo gə ja ɓa m-tɔji ne singamongə-m. Be ɓa tɔgə godo ja ɓa m-a kɔsə ne rɔ-m, mba kar singamongə Kirisi dəbə ne dɔ-m gə.

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Colossiendjé 1:19

Mba Luba njigi kar n-un darɔ-ɛ ye ja mɔgɔgɔ,

Colossiendjé 2:3

ꞌne le ɓa nekingaje tɔ̰y gə to gə kəm karə gə negərə d-iya rɔ-je rɔ-ɛ gə.

Colossiendjé 2:9

Mba ꞌne gə n-un lo kun darɔ Luba ja mɔgɔgɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 1:5

Anji gə ɗa ɓa Luba pa tar gə nee ar-ɛ ndɔ kara wa? Tar gə na: ꞌTo ngon-m, ꞌMa ja m-uji-i ɓogəne. Cibi ꞌMa ja m-a to Bɔ-ɛje, Ɗaa ꞌne n-a to ngon-m.

Ebərəje 10:5

Gəl-e gə nee ɓa logə Kirisi a kaw ɗe dɔ nangə gə nee le pa na: Nepolo ta kəm-i ang nəm, nenuji ta kəm-i ang nəm; Ngaa ꞌi unda darɔ-m.

Ebərəje 2:11

Mba ꞌne ja ɓa n-togo-je n-ar d-ar ngadə ngaɓa ꞌjejee gə d-ar ngadə le, ngira-je kara baa ja. Gəl-e gə nee ɓa n-ɓar-je ngan ko̰-e nama rɔ kul uwa-a ang,

Ebərəje 5:5

Be ɓa Kirisi ja kara ila riɓar dɔ darɔ-ɛ gə təl to ne buba njekapolo ang, ngaa dəw gə nje pa kar-ɛ na: ꞌI ꞌto ngon-m, ꞌma ja m-uji-i ɓogəne;

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

1 Jean 4:9

Oje ɗəw gə Luba kila ne njigi lə-a ar-si ɓa nee: Luba ula Ngon-e gə kara baa dɔ nangə gə nee mba kar j-inga təbə ɗəw lə-a.

2 Jean 1:7

Be ɓa, nje kərə dəwje bula ꞌce dɔ nangə nee, ꞌjejee gə ꞌpa na Jeju Kirisi ɗe ɗəw darɔ ang. Oje dəw gə pa ta gə bənəng le to nje kərə dəwje, nje kəm tar lə Kirisi.

Apocalypse 19:13

D-ula-a kubu gə uwa məsə ndor-ndor, ɗaa ri-a na Tar lə Luba.

Apocalypse 21:3

M-o ndu ḭ ngəndəng mbay gə ɓar to gə boy wəəl na: Lo kisi lə Luba gə ga̰ horo dəwje lə-a le ɓa ye a nee. N-a kisi gə je. D-a to gə dəw mə ɓeje lə-a ɗaa ꞌne n-a to Luba gə ga̰ gə je naa gə.