Jacques 5:16 - Mbede Lə Luba Kone Gə Sigi

¹⁶ ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.

Testament ke Siki 1960 (Kabba Laka)

¹⁶ Tokou ban, epaidjé né ke madjang losè ke daka horosè té, ke edoudjidjé Allah mbata maredjé horosè té, baa ta kare sésè a déidjé madii. Doudjou Allah ngeng lo doou ke gaté gaté éh ke singa ta da né nya.

Jacques 5:16 ပူးပေါင်းရင်းမြစ်များ

Matiye 21:22

Ne tɔ̰y gə a dəjije Luba gə takagə le, a kingaje ja.

Matiye 3:6

ɗaa ꞌce gəl rɔ-je dɔ neɗa gə kṵra̰y gə lə-je gə ɗaga ngaɓa Ja̰ ɗa-je batɛm mə babo gə Jurədɛ̰ gə.

Marəke 1:5

Dəwje gə dɔ nangə gə Jude tɔ̰y, ngaɓa dəw mə ɓeje gə Jerujalɛm ɗe rɔ-ɛ gə, ɗaa ꞌce gəl rɔ-je dɔ neɗa gə kṵra̰y gə lə-je gə ɗaga, ngaɓa Ja̰ ɗa-je batɛm mə babo gə Jurədɛ̰.

Lugu 9:6

Be ɓa, ngan njenendoje le d-ɔdə d-aw gə ɓe-ɓe, d-ila mbərə Tar gə May d-ar dəwje ngaɓa d-aji njerɔko̰je tɔ.

Jean 9:31

J-a gərə to gə Luba o ndu no lə njeneɗaje gə kṵra̰y ang; ngaa to gə ɓo dəw ndɔy Luba ngaɓa ɗa mə njigi lə-a nama, nj-ɛ nee le, Luba o ndu no lə-a ja.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Koula 19:18

Dəwje bula gə ꞌta kagə ꞌɗe ꞌce gəl rɔ-je ngaɓa d-ɔr gəl pa ɗa mbɛ̰ lə-je kɔdɛ-kɔdɛ.

Koula 8:24

Simo təl ila kəne na: Sisəy ja ꞌdəjije Mbayɓe mba-m mba kar neje gə ꞌpaje nee le ce dɔ-m gə ang.

Romaindjé 3:10

Gə go p-ɛ gə ꞌpa mə mbede gə na: Dəw gə gadə-gadə godo, Kara baa be kara godo;

Romaindjé 5:19

Mba to gə kal tar lə dəw kara baa ja ɗa ar dəwje bula ꞌto ne njeneɗaje gə kṵra̰y le, ɗəw kara baa kila kuji lə dəw kara baa ja ɗa ar dəwje bula d-a təl to ne dəwje gə gadə-gadə.

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

1 Thessaloniciendjé 5:17

Əwje rɔ-si dəji Luba ang

1 Thessaloniciendjé 5:23

May kar Luba gə nje gəl ɗɛgɛgɛ gə darɔ-ɛ ja unda-si gə losang-ɛ, may kar lo kunda rɔ lə-si tɔ̰y, gə njil-si, kəm gə darɔ le ꞌto gə lo-e mɔgɔgɔ kar tar uwa ne dɔ-je ndɔ ɗe gə lə Mbayɓe lə-si Jeju Kirisi ang!

1 Thessaloniciendjé 5:25

Ngan ko̰-mje, ꞌdəjije Luba mba sijee tɔ.

Ebərəje 11:4

Ɗəw gə lə takagə ɓa Abɛl un ne nepolo gə to ɓəəl may unda kar Ka̰yi ar Luba; gə go ɗəb-e nee ja d-o-e ne gə dəw gə gadə-gadə, ar Luba ja kara pa tar naji dɔ nenuji gə lə-a ngaɓa ɗəw gə kara baa ne ja n-uy ja ngaa gə go takagə lə-a ɗaa, n-aw n-pa tar ja ɓi.

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

Ebərəje 12:13

May kar-si ꞌnjaje ɗəw gə dana njururu mba kar gɔl gə aw məndə jɔgə rɔ-ɛ ang, ngaa kar-ɛ aji.

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Jean 3:22

Ne gə ɗa-ɗa ɓa gə j-a dəji nama, j-a kinga ji-a gə, mba sijee ja ngom ndu-e ngaɓa j-a ɗa ne gə may ta kəm-e gə.