Jacques 1:22 - Mbede Lə Luba Kone Gə Sigi

²² Tar gə oje le, ꞌɗaje kul-ɛ ɓa, ɓo ꞌtaje ꞌpaje ne tar kəm karə lə-si baa ang.

Testament ke Siki 1960 (Kabba Laka)

²² Ase kare edaidjé né ke tar ndja tòdjousè, woidjé ba ang ke ta kere né ròsè.

Jacques 1:22 ပူးပေါင်းရင်းမြစ်များ

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Lugu 11:28

Ngaa Jeju ila kəne na: Nje gə d-o tar lə Luba gə ngom le, ꞌto njenokarəje!

Jean 13:17

To gə ɓo ꞌgərəje gəl ne gə kən le gə maj-ɛ ngaɓa ꞌɗaje ne kula nama a toje gə njenokarəje.

Romaindjé 2:13

Mba dəwje gə ꞌtuga mbi-je d-o ne torondu ɓa to dəwje gə gadə-gadə ta kəm Luba gə ang ngaa nje gə ꞌɗa ne kula ɓa d-o-je gə dəwje gə gadə-gadə.

1 Corinthiendjé 15:33

Ərəje rɔ-si ang: Riya gə adə le unda mar-ɛje gə may mə jo gə.

1 Corinthiendjé 3:18

May kar dəw ərə rɔ-ɛ ang. To gə ɓo dəw kara horo-si gə o rɔ-ɛ gə nje kəm karə gə dɔ ndɔ gə ɓogəne nama may kar-e təl mbə ɓa mba təl to nje kəm karə ɓi.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

Galatedjé 6:3

Be ɓa to gə ɓo dəw gə o rɔ-ɛ gə dəw gə to ɓəəl ya̰, ngaa to ne ang nama, ərə rɔ-ɛ ye ja baa.

Galatedjé 6:7

Ərəje rɔ-si ang: Dəw unda Luba kogo ne ang, mba ne gə dəw dubu ja ɓa a kunja tɔ.

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

2 Timoce 3:13

Ngaa njeməngo̰yje gə njekunja liba kəm-je gə je le, ꞌSu a kərə-je ɗaa neɗaje gə kṵra̰y a kɔsə dɔ mar-ɛ gə kede-kede ngaɓa d-a kərə ne nje gə kɛm gə d-a kərə ne darɔ-je nəm tɔ.

Tite 3:3

Mba kede ləw le sijee ja kara j-a gərə ne kara ang. J-a mbadə koso kul no Luba gə nəm, j-a ndəəm nəm, j-a to ɓərəje lə ɓoje gə darɔ gə gə mal neje dang-dang. Ja to gə njeməngo̰yje, gə nje ɗa məje, kəm njigi-si ang ngaɓa ja njigi naa ang gə yo gə nee tɔ.

Jacques 1:26

To gə ɓo dəw o rɔ-ɛ gə njepolo ne, ɓa ɓo ngom t-ɛ ang nama, dəb-e nee le ərə rɔ-ɛ gə kərə baa. Nepolo lə dəw nee le to nepolo gə baa dɔro.

Jacques 4:11

Ngan ko̰-mje, ꞌpaje tar gə kṵra̰y dɔ naa gə ang. Dəw gə pa tar gə kṵra̰y dɔ ngon ko̰-e gə ose gangə tar dɔ-ɛ nama pa tar gə kṵra̰y dɔ torondu ngaɓa gangə tar dɔ torondu gə tɔ. A to gə ɓo, ꞌgangə tar dɔ torondu gə nama, ꞌto nje ɗa kula gə torondu ang, ngaa to gə nje gangə tar dɔ-ɛ gə.

Jacques 4:17

Dəw gə gərə ɗa ne gə may, ɓa bo ɗa ang nama, ye ɗa neɗa gə kṵra̰y.

2 Piyɛr 2:13

d-a kinga kuga neɗa gə dɔ buguru. ꞌTɔl ta ɓo neje gə uwa-je ɓərə gə dan kara. ꞌƊa nerɔkul ngaɓa ꞌto gə jigi tuga gɔl, d-usa gə si ne naa gə gə rɔləl d-ərə ne kəm-si.

1 Jean 1:8

To gə ɓo j-a pa na neɗa gə kṵra̰y lə-si godo nama, j-ərə rɔ-si baa ngaɓa tar gə tɔgərɔ godo mə-si gə.

1 Jean 2:3

Be ɓa, to gə ɓo j-a ngom nduje lə-a gə maj-ɛ nama, ye ɓa a tɔji to gə j-a gər-e tɔ.

1 Jean 3:7

Ngan-m gə gɔgɔ, ar-je dəw ərə-si ang, dəw gə to nje ɗa ne gə gadə-gadə le to dəw gə gadə-gadə ja tɔ, to gə ꞌne kara n-to dəw gə gadə-gadə.

3 Jean 1:11

Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.

Apocalypse 12:9

D-ɔs-ɛ d-ila-a dɔ nangə gə nee, da kɔb gə boy, gə to li gə kede ləw, ꞌne gə d-unda ri-a na ꞌSɛ̰ngərɛ̰ gə ꞌSu, ꞌne gə n-ɗa n-ar dəwje gə d-isi dɔ nangə tɔ̰y ꞌndəəm, d-ɔs-e d-ila-a nangə, ngaɓa anjije lə-a kara d-ɔsə-je d-umje sə-a tɔ.

Apocalypse 22:7

A o, m-aw m-ɗe ɓisine baa. Nokarə to kar dəw gə ngom tarje lə Luba gə pajambərə ɗa mə mbede gə nee le.