Galatedjé 6:8 - Mbede Lə Luba Kone Gə Sigi

⁸ Dəw gə dubu ne gə kəji lə darɔ ḭ m-e gə ɗaa, a kunja ne gə ndum mbudugu ɗəw darɔ gə. Ngaa ɓo, dəw gə dubu ne gə gə kar Njil nama, a kunja kisi kəm baa gə ndɔ gə ndɔ ɗəw Njil ja tɔ.

Testament ke Siki 1960 (Kabba Laka)

⁸ Mbata nè ke ndoubou né mbata da rè ndja, nè na kinga né ke toudjou dji da rò té, a nè ke ndoubou né mbata Ndil, nè na kinga tébe ke ke ndò ke ndò dji Ndil té.

Galatedjé 6:8 ပူးပေါင်းရင်းမြစ်များ

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 25:46

Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.

Lugu 18:30

a kinga mar-ɛ bula dɔ-ɛ gə mə ndɔ gə ɓogəne ngaɓa a kinga təbə gə a to gə ndɔ gə ndɔ mə ndɔ gə bara.

Jean 4:14

ngaa dəw gə a kay man gə m-a kar-ɛ le, kunda a tɔl-ɛ ang saar gə no-ɛ, ngaɓa man gə m-a kar-ɛ le a təl to gə ngira man rɔ-ɛ gə, ɗaa ngira man gə nee le a kar-ɛ təbə gə gə ndɔ gə ndɔ.

Jean 4:36

njekunja ko inga lar dɔ ji-a ngaɓa mbo̰ kandə ko ndɔ dɔ naa gə mba təbə gə gə ndɔ gə ndɔ, mba kar Njedubu koje gə njekunja-a ꞌɗa ne rɔləl naa gə kara baa tɔ.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Romaindjé 6:13

Uwaje bar kəm rɔ-sijee ꞌɗa-je ne neɗa gə kṵra̰y ang, gə ne ɗɔ gə kar neɗa gə dɔ buguru ang; ngaa unje darɔ-sisəy ja ar-je Luba, to gə nje gə d-uy ɓa ꞌtəl d-isi kəm baa be, unje bar kəm rɔ-sijee ar-je Luba, gə ne ɗɔ kar neɗa gə gadə-gadə.

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

Romaindjé 8:13

To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa,

Romaindjé 8:6

Nja gə go ɓo neje gə darɔ gə to yo, nja gə go ɓo neje lə Njil le to gə təbə, gə ɗɛgɛgɛ.

1 Corinthiendjé 15:42

Be ɓa, ndol lə nje gə d-uy kara to to gə be ja tɔ. ꞌDubu ne gə a ndum, ngaa a ce gə ne gə a ndum ang.

Galatedjé 6:7

Ərəje rɔ-si ang: Dəw unda Luba kogo ne ang, mba ne gə dəw dubu ja ɓa a kunja tɔ.

1 Timoce 1:16

Ngaa Ye gə be ɓa, Luba ɗa sə-m məmay mba kar ꞌma gə to dəw gə dɔngɔr le, Jeju Kirisi tɔji kore mə ndəng lə-a dɔ-m gə. Ye ɓa a to ne kɔji mar-ɛ kar nje gə d-a ta kag-ɛ mba kinga nee təbə gə gə ndɔ gə ndɔ.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Jacques 3:18

Njekunda ko ɗɛgɛgɛje le, ꞌdubu kandə neɗa gə dana gadə-gadə mba kar ɗɛgɛgɛ ta ne lo.

2 Piyɛr 2:12

Ngaa ꞌjejee nee le, ꞌto to gə gə daje gə kəji lə-je godo be, gə ꞌto kar tuwa-je gə tɔl-je, be ɓa ꞌtaji ne ne gə ꞌgərə ang, ɗaa d-a busu to gə daje busu ne be tɔ,

2 Piyɛr 2:19

ꞌJejee nee ja kara kəji neɗa gə kṵra̰y uwa-je ɓərə gə, mba na-na ja kara to ɓərə lə ne gə o̰ ɓe dɔ-ɛ gə, ngaa ꞌpa d-ar nje gə əng, na d-a kar-je d-inga dɔ to dɔy.

Jude 1:21

Iyaje rɔ-si mə njigi gə lə Luba, nginaje ne məmay lə Mbayɓe lə-si Jeju Kirisi gə ar-si təbə gə gə ndɔ gə ndɔ.

Apocalypse 22:11

Dəw gə to nje ɗa ne gadə-gadə nama may kar-ɛ uwa ne gadə-gadə le gaa, dəw gə nje ɗa ne gə mina nama may kar-ɛ uwa gaa tɔ, ngaa dəw gə nje ɗa ne gə dɔ naj-ɛ nama may kar uwa neɗa lə-a gə gə dɔ naj-ɛ kɛgə ngaɓa may kar njerɔsangə uwa rɔsangə lə-a kɛgə tɔ.