Galatedjé 6:16 - Mbede Lə Luba Kone Gə Sigi

¹⁶ Dəwje tɔ̰y gə d-ila kuji gə go ɗəb-e nee le, ɗɛgɛgɛ gə ko kəmtondoo to dɔ-je naa gə kara baa gə ko dəwje lə Luba tɔ̰y.

Testament ke Siki 1960 (Kabba Laka)

¹⁶ A mè woul ke mè madji a dé dò dooudjé té toï ke ndja deo tén, ke do Israël té lo Allah.

Galatedjé 6:16 ပူးပေါင်းရင်းမြစ်များ

Jean 1:47

Logə Jeju a lo o Nataniyɛl gə aw ɗe ɗaa pa na: Oje dəw gə Ijirayɛl gə kuji kəy gə pa tar gə ɗəgərə ang ɓa aw nee.

Jean 14:27

M-ḭya̰ ɗɛgɛgɛ m-ar-si, m-ar-si ɗɛgɛgɛ lə-m. ꞌMa m-ar-si to gə dəwje gə dɔ nangə gə nee d-ar-si ang. Ar-je mə-si ila kasə dɛləm ang ngaɓa ꞌɓəəl-je ang tɔ.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Romaindjé 1:7

m-ɗa mbede nee m-ar-sisəy tɔ̰y gə isije Rɔm, gə Luba njigi-si ya̰, gə ꞌɓar-si kar ꞌtoje gə losang-ɛ le: May kar Bɔ-sijee Luba gə Mbayɓe Jeju Kirisi d-ar-si mənuji gə ɗɛgɛgɛ!

Romaindjé 4:12

ngaɓa n-to ka njekunja bərəje, gə to gə dəwje gə njekunja bərəje go kara baa ang ngaa nja-je dɔ gɔl ka-sijee Abəraham le ɗəw takagə gə kede nam ɓa unja bərə ɓi le.

Galatedjé 1:3

j-a dəji Bɔ-sijee Luba gə Mbayɓe lə-si Jeju Kirisi kar d-ar-si mənuji gə ɗɛgɛgɛ.

Galatedjé 3:29

Cibi, sisəy tɔ̰y ꞌtoje kar Kirisi, ɗaa ꞌtoje gəl kuji Abəraham, nendubaje gə ɗəw ndu kun gə Luba uwa dɔ gɔl-ɛ.

Galatedjé 5:16

Tar gə m-pa m-ar-si ɓa nee: Ḭya̰je Njil Njerɔsangə ar-je tɔji-si ɗəw, ɗaa a ɗaje mə njigi lə darɔ ndɔ kara ang.

Galatedjé 5:25

To gə ɓo Njil ɓa ar-si j-isi kəm baa nama, j-a njaje gə go ɗəw lə-a.

Ephésiendjé 6:23

May kar ɗɛgɛgɛ gə njigi lə Luba gə Bɔ dəwje je gə Mbayɓe Jeju Kirisi nay gə ngan ko̰ naaje gə ɗəw takagə gə.

Philippiendjé 3:16

Ne kara baa le ɗaa may kar ne gə j-um mə-si naa gə kəne le, ye ja j-ar-je ndu-si asə naa kəne gə no kara ngaa.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 4:7

Be ɓa ɗɛgɛgɛ lə Luba gə nday kəjije tɔ̰y le, a ngom mə-si gə kəjije lə-si dɔ Kirisi Jeju gə.

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

Jude 1:2

May kar məmay, gə ɗɛgɛgɛ gə njigi to dɔ-si gə rib-rib.