Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galatedjé 6:12 - Mbede Lə Luba Kone Gə Sigi

12 Dəwje gə ꞌnjigi kuwa-si gə singa kar unjaje bərə-si le, ꞌto dəwje ꞌnjigi tɔji rɔ-je ɗəw darɔ to gə ꞌto dəwje gə ꞌto ɓəəl ya̰ ta kəm dəwje gə. ꞌƊa bənəng mba kar d-ula ne kəm-je ndoo ɔji dɔ Kirisi gə ꞌɓər-e kagə dəsə gə ang ja baa.

အခန်းကိုကြည့်ပါ။ ကော်ပီ

Testament ke Siki 1960 (Kabba Laka)

12 To dooudjé ke ndiki ta dé madji deo da rò té ke mpa kesè ngeng ta koudja ta motesè, mbata dèdè ndiki ta kaïn ngätar ke dé deo kake dèse té lo Christ.

အခန်းကိုကြည့်ပါ။ ကော်ပီ




Galatedjé 6:12
22 ပူးပေါင်းရင်းမြစ်များ  

Nekəmandoo to kar-sisəy njekɔr gəl toronduje gə Parijiyɛ̰je gə njetar mulaje! Mba ꞌta-je naa gə dɔbarə gə d-ɔr pɔr kəne gə to pə̰ ɗaga nee baa ngaa kinga nje gə d-uy ɗusu m-e njḭ ngaɓa ne gə ndum mbudugu ja tɔ̰y nəm tɔ.


To gə be ɓa sisəy kara undaje rɔ-si gadə-gadə kəm dəwje gə ɗaga baa ja ngaa tar mula gə ɗa ne dɔ buguru ja ɗusu mə-si njḭ-njḭ.


ꞌƊa kulaje lə-je tɔ̰y mba tɔji ne rɔ-je kar dəwje d-o neje. To gə be ɓa d-um ngon ku ndaar gə bo ꞌtɔ ɓida noje ose kagə ji-je gə, cibi ꞌɗaje ta njəbə kubuje lə-je d-ar-ɛ tadə.


Nokarə to kar nje gə d-ula kəm-je ndoo mba neɗa gə gadə-gadə, Mba ɓeko̰ gə dara a to karə-je!


Logə ꞌtɔlje mə-si ɓo ɗaa, ꞌɗaje kəm-si to ndoo ang, to gə njetar mulaje gə ɗa kəm-je to ndoo ɓa gə mba tɔji ne dəwje to gə ꞌtɔl mə-je ɓo. Tɔgərɔ ja, m-pa m-ar-si to gə d-inga nekuga dɔ ji-je nam.


Lo gə un ne ar dəw ɗaa, uru ꞌkuwi dɔ-ɛ gə ang, to gə njetar mulaje d-aw ɗa mə kəy nendoje gə lə Jiibije, gə dan ɗəw booje gə, mba kar d-ɔsə ne gaji-je. Tar gə tɔgərɔ ja m-ula-si to gə d-inga kug-ɛ nam ngaa.


Logə aw dəji-je Luba nama, əwje rɔ-si ɗaje to gə njetar mulaje be, mba ꞌjeje le ꞌnjigi kar taar mə kəy nendo gə lə Jiibije, gə kar taar mbɔr ɗəw boo ɓa dəji Luba mba tɔji ne rɔ-je kəm dəwje gə. M-pa tar gə tɔgərɔ ja m-ar-si to gə d-inga kuga lə-je nam ngaa.


Jeju pa ar-je na: Sisəy ꞌtɔjije neɗa gə gadə-gadə lə-si gə ɗaga kəm dəwje gə baa, ngaa Luba gərə tar gə mə-si gə tɔ̰y: mba ne gə dəwje d-o gə ne gə to ɓəəl ya̰ ta kəm-je gə le to ne gə mina ta kəm Luba gə.


D-o̰ mə kəy lə jene ndubaje ləm-ləm d-ore dɔ-ɛ nangə ndəng ꞌdəji Luba ngɔɔgɔ-ngɔɔgɔ d-ar koro-je əwu mba kar dəwje d-o-je ne. D-a gangə tar gə to ɓəəl ya̰ dɔ-je gə.


Dəw gə pa tar ɔji go mə njigi lə-a ye nama sangə riɓar lə-a ye ja; ngaa dəw sangə riɓar lə dəw gə nje kula-a le, nj-ɛ nee ja kara baa to dəw gə tɔgərɔ, ngaɓa neɗa gə dɔ buguru ɓar ri-a ang tɔ.


Dəwje gə kɛm d-ḭ Jude ꞌɗe ꞌtɔji ngan ko̰ naaje ne na: To gə ɓo unjaje bərə to gə torondu Moyiji pa le ang nama a kingaje kaji ang.


Be ɓa dəwje lə Parijiyɛ̰je gə njetakagəje, d-ḭ ꞌpa na may kun ndu kar dəwje gə ꞌgərə Luba ang d-ila kuji dɔ torondu gə lə Moyiji, gə d-unja bərə ɓa.


Tɔgərɔ ja, dəwje gə d-o rɔ-je to ɓəəl ta kəm darɔ-je gə le, sijee j-a kḭ mba kasə gə je naa ose gə mba kun rɔ-sijee kɔji ne mar-ɛ lə-je ang. Ngaa logə d-un darɔ-jeje ja gə ngo kɔji ne ɓa d-ɔji ne darɔ-je ngaɓa d-uwa darɔ-jeje ja gə ne kɔji mar-ɛ le ɗaa tɔji to gə dɔ-je godo.


Dəwje gə nee le, ꞌto njeka̰ykulaje gə gə mbɔr-ɛ baa, njekulaje gə gə nje kəsə tarje, ꞌlom rɔ-je gə njeka̰ykulaje lə Kirisi.


Logə m-o to gə pa nja lə-je to gadə-gadə gə go tar gə tɔgərɔ lə Tar gə May ang ɗaa, m-pa m-ar Sepas kəm-je gə tɔ̰y na: ꞌI gə to Jiibi, ɓa ꞌɗa neɗa lə dəwje gə ꞌgərə Luba ang, ɓo gə pa ne nejiɓe lə Jiibije ang. Ngaa dəwje gə ꞌgərə Luba ang ɓa ꞌi ɔsə-je mba kar d-un kula ɗa nejiɓe lə Jiibije, mba ɗi wa?


Ngaa Titə, dəw gə to Gərɛk gə aw sə-m le, kuwa ja kara d-uwa-a gə singa d-ar n-unja bər-e ang.


Ngan ko̰-mje, ye gə ɔji dɔ ꞌma le, to gə ɓo m-to gə njekila mbərə tar kunja bərə nama, mba ɗi cibi ɓa d-ula kəm ndoo wa? Bənəng ɗaa, tar kuy lə Kirisi kagə dəsə to jigi tuga lə dəw kara ang.


Be ɓa, ꞌjejee gə d-unja bərə-je nee ja kara d-ila kuji dɔ torondu gə ang; ngaa ꞌnjigi kar-sisəy unjaje bərə-si mba kar-je d-ɔsə ne gaji rɔ-je ɗəw darɔ gə.


Nje gə kɛm ɗaa, tɔgərɔ ja, d-ila mbərə lə Kirisi gə ne nər mə gə ne tɔsə tar, ngaa nje gə naaje d-ila mbərə nee le gə kəji gə arə ngadə.


May kar dəw gə ɗa-ɗa gə horo-si gə nama sangə ɗəw may lə-a ye ja gə kar-ɛ baa ang ngaa sangə may lə nje gə kɛm tɔ.


M-pa tar pa nja lə dəwje bula m-ar-si ngaɓa ɓisine kara m-pa gə man no to gə ꞌnja gə njeba̰a̰je lə kagə dəsə lə Kirisi


tɔgərɔ ja, to nduje gə ta naa gə kəm karə be, gə ɗəw polo ne gə ḭ mə dəw gə, gə may lə-a kara kara godo ngaa gə mba tɔl ne ta ɓo gə darɔ gə ja baa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ