Galatedjé 6:10 - Mbede Lə Luba Kone Gə Sigi

¹⁰ Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Testament ke Siki 1960 (Kabba Laka)

¹⁰ Tokou ban, tokou djèdjè djase, ase kare dja da madji ke dooudjé toï, ke wota toï, ta da ke ngaködjèdjè ke wo mèdè té.

Galatedjé 6:10 ပူးပေါင်းရင်းမြစ်များ

Matiye 10:25

Ne gə kəm kar ngon njenendo ɗa, ɗaa ndəji kəm njenetɔji, ngaɓa ngon njekula ɗaa ndəji kəm ɓəə-eje tɔ. D-unda ri njekəy na to Bɛləjebul, gə to mbay lə njilje gə kṵra̰y ngaa kandə ɓa nje gə kəy lə-a d-a kunda ri-je to gə be ang wa?

Matiye 12:50

Mba, dəw gə ɗa-ɗa gə ɗa mə njigi lə Bɔ-mje gə isi mə dara gə nama, nj-ɛ nee ɓa to ngon ko̰-m, ko̰ nan-m gə ko̰-mje.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Matiye 5:43

Sisəy oje tar-ɛ to gə ꞌpa kede na: ꞋI a njigi njemar-i a ɓo njeba̰a̰ lə-i nama a njigi-e ang gə kɔrɔ ja.

Marəke 3:4

Cibi n-pa n-ar-je na: Ndɔ kuwa kɔr le ɗəw to kəm kar dəw ɗa ne gə may ose ɗa ne gə kṵra̰y, gə kaji dəw ose tɔl-ɛ gə tɔl wa? Ngaa d-isi ta-je munduru.

Lugu 6:35

Ngaa sisəy le, ꞌnjigije njeba̰a̰je lə-si, ꞌɗaje may ngaɓa ar-je ꞌtuna si ne lal kunda mə-si kəne. Nekuga dɔ ji lə-si a bo ya̰ ngaɓa a toje nganje lə Nje kisi sam dara gə, mba ꞌNe le n-ɗa məmay gə nje ɗa gasəraje nəm gə njeməndulje nəm tɔ.

Jean 12:35

Be ɓa, Jeju pa ar-je na: Lokarə ga̰ horo-sisəy gə nee dɔ kar njɛ̰ be ɓi. Lokarə ga̰ gə sisəy nee ɓi ɗaa ꞌnja-je dan-ɛ gə mba kar cil ciməri uba-si nangə bus ang: Mba dəw gə nja dan cil ciməri gə le gərə lo gə aw gə kəne ang.

Jean 9:4

Logə kar to baa ɓi le, may kar j-a ɗa kula lə nje kula-m le ɓa; londul nama dəw a kasə ɗa kula ang.

Koula 6:7

Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.

2 Corinthiendjé 2:8

Be ɓa, m-ndəji-si mba kar ꞌtɔj-ɛje njigi gə ꞌnjig-eje le gə ɗaga.

Galatedjé 1:23

ꞌPa tar lə-m gə pa baa d-ar-je na: ꞌNe gə nje kula kəm-si ndoo dɔ ndɔ gə kede le, ɓisine n-ila mbərə tar gə takagə gə n-njigi tuji kede le.

Ephésiendjé 2:19

To gə be ɓa, sisəy ꞌtoje gə mbaje ang nəm, gə dəwje gə d-ḭ dɔ ɓe gə ɗangə ang ngaa; ngaa ꞌtoje gə njebaɓeje lə njerɔsangəje, gə njeməkəyje lə Luba.

Ephésiendjé 3:15

gə ye ɓa gəl kuji dəwje tɔ̰y gə mə dara gə gə dɔ nangə gə nee d-ḭ gəl-e gə;

Ephésiendjé 4:28

Dəw gə kede to gə nje ɓogo nama, may kar ḭya̰ ɓogo lə-a gə no-ɛ ngaa; ɗaa may kar ula rɔ-ɛ ndubu ɗa kula gə ji-a ye ja, gə kəji gə dana gadə mba kinga ne ne, la ne gə dəw gə ndoo ne to-e.

Ephésiendjé 5:16

Ḭya̰je dɔ kar ar-ɛje nday baa ang, mba j-isi dɔ ndoje gə kṵra̰y gə.

Philippiendjé 4:10

M-ɗa rɔləl gə boy dɔ Mbayɓe gə mba sisəy əjije dɔ-m gə to gə ɗangə ja cibi. Kəji gə nee le to mə-si gə gə maj-ɛ ja ngaa ɗəw ɓa ingaje ang.

Colossiendjé 4:5

ꞌNjaje horo nje gə ꞌgərə Kirisi ang ɓi le, gə kəm karə, ḭya̰je dɔ kar ar-ɛje nday baa ang.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

1 Thessaloniciendjé 5:21

ngaa ꞌtənje neje tɔ̰y so-so ɗaa ɔrəje kəm ꞌye gə may;

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 3:8

Tar gə m-pa nee le to tar gə tɔgərɔ, ɗaa may kar ore kəm-i kəne ndəng mba ndəji ne nje gə d-unda mə-je dɔ Luba gə mba kar ꞌɗa ne kulaje gə may gə kede-kede. Ye ɓa to ne gə may gə to kəm kar njetakagə ꞌɗa!

Ebərəje 13:16

Be ɓa ar-je mə-si uy dɔ ɗa may gə gə la gə dəwje ang, mba nepoloje gə to gə be le ɓa ləl Luba.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 4:17

Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa?

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

3 Jean 1:10

Gəl-e gə nee ɓa, to gə ɓo, m-ce horo-si gə nama, m-a təl pa tar kula ɗ-ɛje, gə tarje gə kṵra̰y gə n-pa n-tuji ne ri-si gə lo-lo, ye gə kən ja kara as-ɛ ang ja dɔro ɓi ɗaa, n-mbadə mba kuwa ngan ko̰ naaje mba, ngaɓa nje gə ꞌnjigi mba ɗa kul-ɛ kara n-ɔgə je nəm, n-tɔɓə-je lo Mbo̰ naa lə njetakagəje gə nəm tɔ.

3 Jean 1:11

Ngon ko̰-m gə m-njigi-i ya̰, may kar ꞌndaji ne gə kṵra̰y ang, ne ꞌndaji ne gə may. Nje ɗa may le to nje kar Luba, ngaa nje ɗa ne gə kṵra̰y le o Luba ang.

3 Jean 1:3

Rɔ-m ləl-m ya̰ mba logə ngan ko̰-mje d-ḭ rɔ-i ꞌɗe ɗaa ꞌpa tar naji tar gə tɔgərɔ gə to mə-i gə, gə ɗəw pa nja lə-i mə tar gə tɔgərɔ gə.