Galatedjé 5:16 - Mbede Lə Luba Kone Gə Sigi

¹⁶ Tar gə m-pa m-ar-si ɓa nee: Ḭya̰je Njil Njerɔsangə ar-je tɔji-si ɗəw, ɗaa a ɗaje mə njigi lə darɔ ndɔ kara ang.

Testament ke Siki 1960 (Kabba Laka)

¹⁶ A ma mpana, ndjaidjé deo té lo Ndil, a ndikidjé gè ke boo lo da rò ang.

Galatedjé 5:16 ပူးပေါင်းရင်းမြစ်များ

Romaindjé 6:12

Ar-je neɗa gə kṵra̰y o̰ ɓe dɔ darɔ-si gə a kuy le ang ngaa mba a ɗa kar ilaje ne kɔji dɔ kəm kə̰y gə lə-a ang.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

1 Corinthiendjé 7:29

Ngan ko̰-mje, oje tar gə m-pa ɓa nee: Dɔ kar guji baa, un kud-e ɓisine ja, nje gə ꞌta jene kara may kar ꞌnja to to gə ꞌta ang be,

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 3:17

Tar gə m-njigi pa ɓa to nee: Luba uwa dɔ gɔl ndu kun ar Abəraham gə maj-ɛ nəm ngaɓa gə dɔ gɔl-ɛ nəm tɔ, asə ɓal tɔl-tɔl sɔɔ gə dɔg munda nam ɓa torondu ɗe ɓi le ja, torondu nee le a tɔji ndu kun gə Luba uwa dɔ gɔl-ɛ wa?

Galatedjé 6:8

Dəw gə dubu ne gə kəji lə darɔ ḭ m-e gə ɗaa, a kunja ne gə ndum mbudugu ɗəw darɔ gə. Ngaa ɓo, dəw gə dubu ne gə gə kar Njil nama, a kunja kisi kəm baa gə ndɔ gə ndɔ ɗəw Njil ja tɔ.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

Colossiendjé 2:11

Mba um-je sə-a naa gə le ɓa d-uja si bərə gə ji dəwje ɓa unja ang, gə to gə d-unja ndaar rɔ-si d-ɔr gə ɗangə le ang; ngaa to kunja bərə gə ḭ rɔ Kirisi gə.

1 Piyɛr 1:14

ꞌƊaje to gə nganje gə d-ila kuji, ɗaa ꞌnjaje gə go ɓo neje gə d-o̰ dɔ-si to gə kede ləw d-o̰ ne dɔ-si dɔ mbə gə le ang;

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 2:11

Ngan ko̰-m gə m-njigi-si ya̰, may kar-si ꞌgərəje to gə ꞌtoje nje kaw taarje ngaɓa gə mbaje dɔ nangə nee, ɗaa aje rɔ-si dɔ ɓo neje gə darɔ gə, gə d-aw ɗɔ gə si le.

1 Piyɛr 4:6

Gəl-e gə nee le ɓa, nje gə jabaw kara d-ila mbərə d-ar-je tɔ, ꞌgangə tar dɔ-je gə ɗəw darɔ gə nam ja ngaa, mba kar njilje inga ne lokisi rɔ Luba gə.