Galatedjé 5:10 - Mbede Lə Luba Kone Gə Sigi

¹⁰ ꞌMa ɗaa, m-unda mə-m dɔ-si gə go ɗəw lə Mbayɓe, to gə kəji lə-si to dang gə kar ꞌma ang. Ngaa ye gə nje tuji kəji lə-si le, to gə na-na ja kara, tar-ɛ a kuwa dɔ-ɛ.

Testament ke Siki 1960 (Kabba Laka)

¹⁰ Mem oso pon ke Mbaibé Seigneur ke sésè a kedjidjé mare tar ke dang ke to tokou tar lom ang, ke nè ke neresè nè na koto saria la, nè nto na wa tar goto.

Galatedjé 5:10 ပူးပေါင်းရင်းမြစ်များ

Koula 15:24

J-o tar-ɛ to gə dəwje gə kɛm d-ḭ ɓe lə-sijee nee d-aw ꞌpa tar ꞌjɔgə-si ne gə ꞌtuji ne kəji lə-si. Ngaa to dəwje gə j-un ɗəw j-ar-je ang baa.

1 Corinthiendjé 5:5

dəw gə to gə be le, may kuba-a kḭya̰-a̰ ji ꞌSu gə kar tuji darɔ-ɛ, ɓo ar njil-e inga ne kaji dɔ ndɔ təl gə lə Mbayɓe!

2 Corinthiendjé 1:15

M-gərə tar-ɛ gə maj-ɛ ngaa nee ɗaa, m-njigi ce gə ɗəw dɔ-si gə kede, mba kar ingaje ne mənuji gə njekum gə joo.

2 Corinthiendjé 10:2

m-ɗa-si kɔgərɔ, mba kar logə m-ce ɓə lə-si nama, ar-mje m-pa tar gə si gə singa ang, mba m-njigi pa tar gə kədərə gə ɓəəl ang gə nje gə d-əji na tar ne gə darɔ gə ɓa j-aw nja ne.

2 Corinthiendjé 10:6

Be ɓa logə sisəy a kila-je kuji kɔr jorong ɗaa, kal tar gə ɗa-ɗa kara sijee j-ar pɛrɛrɛ mba dal ba̰a̰-ɛ tɔ.

2 Corinthiendjé 13:10

Gəl-e gə nee ɓa, m-godo ɓi ja m-ɗa mbede nee le mba kar logə m-a ce nama, m-ɗa m-ar kədərə ang, gə go singa gə Mbayɓe ar-m ɓa tɔji-si ne kar-si awje ne kəm-si gə kede ɓo mba tuji-si ne ang.

2 Corinthiendjé 2:3

M-ɗa mbede nee m-ar-si to gə m-ɗa ne kede le, mba kar lo gə m-ce rɔ-si gə nama, nje gə ꞌto gə ngira rɔləl lə-m ja cibi ɓa m-təl m-inga məko̰ rɔ-je gə ang.

2 Corinthiendjé 2:6

Dəw gə to gə be le, tar gə dəwje bula ꞌgangə dɔ-ɛ gə əng ja asə mbagə.

2 Corinthiendjé 5:16

Uma kud-e ɓogəne gə kede əng le, j-a gərə dəw gə ɗəw darɔ gə ang ngaa, to gə ɓo kede ja gərə Kirisi gə ɗəw gə darɔ nama, ɓisine j-a gərə to gə bənəng ang ngaa.

2 Corinthiendjé 7:16

Rɔ-m ləl-m ya̰ mba kar m-unda mə-m dɔ-si dan neje gə tɔ̰y.

2 Corinthiendjé 8:22

J-ula ngon ko̰-sijee gə ɗan kara ɓi gə je tɔ, ꞌne to dəw gə ja gər-e gə maj-ɛ ngaɓa tar ɗa kula o̰-ɛ ya̰, ɓisine gə nee ja kara, ɓo ɗa kula ɗ-ɛ ya̰ mba n-unda m-e dɔ sijee gə.

Galatedjé 1:7

M-pa ɔji ne dɔ Tar gə May gə ɗangə ang ngaa m-pa ɔji dɔ dəwje gə ꞌɗe ꞌjɔgə-si ngaɓa njigi turu dɔ Tar gə May lə Kirisi le gə nangə.

Galatedjé 2:4

Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Galatedjé 2:6

Nje gə d-o-je gə bubaje le, le ꞌtoje ne gə bubaje ja kara, ɔsə-m kəne ang! Mba Luba ɔr kəm dəw ang. Dəbeje nee le d-uwa-m gə singa d-ar-m ɗa ne gə ɗangə m-ila dɔ mar-ɛ gə ang.

Galatedjé 3:1

Əy! Sisəy dəwje gə dɔ nangə gə Galasi, ꞌtoje ɛbɛje! Ambala ɓa uwa-si wa? Sisəy gə d-ɔr gəl tar kuy lə Jeju Kirisi kagə dəsə arə ngadə d-ar-si.

Galatedjé 4:11

Njil-im ce mba kulaje tɔ̰y gə m-ɗa horo-si gə le təl to ne gə baa.

Galatedjé 4:17

Dəwje gə ꞌɗa rɔ-je to gə ta dɔ-si o̰je ya̰ əng le, ɗa gə ne gə tɔgərɔ, ngaa d-aw njigi mba kɔr-si mə ji-m gə, mba kar ꞌɗaje to gə bənəng ɔji dɔ-je tɔ.

Galatedjé 4:20

Ɓogəne gə m-ar nee ja, m-njigi ga̰ horo-si gə mba pa tar gə ndu gɔbə gə ɗangə, mba lo tar igi-m sɛl mba tar lə-si.

Galatedjé 5:12

Nje gə aw tuji kəji lə-si le, may kar ꞌtəl rɔ-je gə mbakuduje!

Galatedjé 5:7

Sisəy unje ɗəw gə maj-ɛ nam: Na ɓa ɔgə-si lo kila kuji dɔ tar gə tɔgərɔ gə wa?

Galatedjé 6:17

Un kud-e ɓogəne saar gə kede le, m-njigi kar dəw tɔsə ta-m ang, mba ndura̰ lə Jeju to rɔ-m gə.

Philippiendjé 3:15

Sijee tɔ̰y gə ja to dəwje gə may pɛdə le may kar kəji gə to gə be ɓa to mə-si gə, ngaa ɓo kəji lə-sisəy to dangə dɔ neje gə kɛm gə kara Luba a kila gəl-e gə ɗaga kar-si ɓi.

2 Thessaloniciendjé 3:4

Ɔji dɔ sisəy ɗaa, ne gə sijee ja ꞌgərə gə maj-ɛ ɔji dɔ-si ɗəw gə lə Mbayɓe le ɓa nee: nduje gə j-un j-ar-si le ꞌɗaje ne kula ngaɓa a ɗaje ne kula dɔ-si gə kede ja ɓi.

1 Timoce 1:20

Horo dəwje gə nee le, Imene je gə Alɛgəjandərə kara ꞌga̰ kəne tɔ. M-iya̰-je mə ji ꞌSu gə mba kar ndoje ɗəw taji ne Luba ang.

Pilimo 1:21

M-ɗa mbede nee m-ar-i mba m-gərə som to gə a kila ngon kuji dɔ ne gə m-dəji gə, ngaɓa m-gərə to gə a ɗa kar al dɔ yə gə m-dəji.