Galatedjé 5:1 - Mbede Lə Luba Kone Gə Sigi

¹ Kirisi ɔr kula ɓərə lə torondu gɔbə-si gə mba kar dɔ-si to doy. Be ɗaa, ar-je dɔ gɔl si gə jang, ɓo ꞌtəlje ulaje gɔbə-si jugu ɓərə gə gugu ang.

Testament ke Siki 1960 (Kabba Laka)

¹ Christ da aredjè ta karedjè djao dòdjè to lél pè, tokou ban arridjé ngeng, ndikidjé gè mare ang ta kare ntòsè tokou bere.

Galatedjé 5:1 ပူးပေါင်းရင်းမြစ်များ

Matiye 23:4

ꞌTɔ nekodoje gə ɔy d-unda dɔ dəwje gə, ngaa ngon ji-je gə njɛ̰ nja baa kara d-ula d-ɔr ne ang.

Lugu 5:38

Ngaa ɓo munduru kodo nama may kiya mə jo kodo gə sigi gə ja tɔ ɓa d-a kuwa naa gə maj-ɛ.

Koula 15:10

Mba ɗi ɓa ɓisine ɗaa, ꞌnaje Luba ngaɓa nekodo gə ka-sijee, gə sijee ja kara j-asə kodo ang ɓa unda-je ngina ngan njenendoje gə wa?

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Romaindjé 6:18

D-ɔr sisəy ji neɗa gə kṵra̰y gə le ɗaa, ꞌtəl ꞌtoje ɓərəje lə neɗa gə gadə-gadə ngaa.

Romaindjé 7:3

To gə ɓo ngab-ɛje aw kəm baa ɓi ɓa n-təl to jene lə dəw gə ɗangə nama, d-a ɓar-ɛ nje ɓogo lo to, ngaa to gə ɓo ngab-ɛje uy ɗɔdə nama dɔ-ɛ to dɔy no torondu gə, ngaɓa ɓo n-təl, n-to jene lə dəw gə ɗangə nama n-to nje ɓogo lo to ang.

Romaindjé 7:6

Ngaa, ɓisine ɗaa, dɔ sijee to doy no torondu gə, mba j-uy ɗəw gə lə ne gə uwa sijee ɓərə gə, mba kar j-a ɗa kula gə ji-a gə sigi gəl Njil gə ngaa ɓo gə ji-a gə ləw gəl torondu ang.

Romaindjé 8:15

Ngaɓa sisəy le ingaje njil gə uwa-si gə ɓərə ɓa a ɓəəlje gə ɓəəl ja jaga-jaga ang, ngaa ingaje Njil gə təl-si gə ngan lə Luba, gə ɗəw gə lə-a ɓa j-uru ne ꞌkuwi na: Aba! Bɔy!

Romaindjé 8:2

Mba torondu lə Njil gə ar təbə dəw andə ne naa gə gə Kirisi Jeju le ɔr-m ji torondu gə lə neɗa gə kṵra̰y gə ngaɓa kar yo gə.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

1 Corinthiendjé 16:13

ꞌCibije dɔ rɔ-si gə ang, ar-je njang dɔ takagə gə, uwaje rɔ-si gə jingawje, ar-je gədərə.

1 Corinthiendjé 7:22

Be ɓa ɓərə gə Mbayɓe ɓar-ɛ le, Mbayɓe ɔr kula ɓərə gɔs-ɛ gə, ɗəw kara baa gə dəw gə to ɓərə ang ɓa ɓo Luba ɓar-ɛ nama to ɓərə lə Kirisi.

2 Corinthiendjé 11:20

Mba ilaje gəl nje gə d-uwa si ɓərə gə, d-ula mbə dɔ-si gə, ꞌtuwa nemayje lə-si, d-o si gə ne ang, ꞌkunda kambɔr-si bangang-bangang!

2 Corinthiendjé 3:17

Mbayɓe to Njil, lo gə Njil lə Mbayɓe to kəne to lo gə dɔ to doy to kəne tɔ.

Galatedjé 2:4

Be ɓa, mba ngan ko̰-sijee gə mbɔr-ɛ baa lom rɔ-je d-andə horo-si gə go ngə̰y, ꞌnga̰ dɔ to doy lə-si gə gəl Jeju Kirisi mba təl ne si gə ɓərəje.

Galatedjé 3:25

Logə takagə ɗe nam ɗaa, torondu le ɔr no-si ang ngaa.

Galatedjé 4:26

Ngaa Jerujalɛm gə taar dɔ-ɛ to doy, ɗaa ꞌne ja to ko̰-sijee.

Galatedjé 4:31

Be ɓa, ngan ko̰-mje, j-a to nganje lə jene gə to ɓərə ang, ngaa j-a toje nganje lə jene gə dɔ-ɛ to doy.

Galatedjé 4:9

Ngaa ɓisine ɗaa, ꞌgərəje Luba ose, Luba gərə si, ngaa na ban cibi ɓa ꞌtəlje awje rɔ njilje gə tɔgə-je godo, ngaɓa to neje gə baa wa? Se ꞌnjigije mba təl to ɓərəje lə-je cibi wa?

Galatedjé 5:13

Sisəy ɗaa, ngan ko̰-mje, ꞌɓar-si kar dɔ-si to doy; ɗaa ne kara ɓa le, may kar unje dɔ to doy nee le ꞌnjaje ne ɗəw darɔ gə ang, ngaa go ɗəw njigi ɗaa, ꞌɗaje kula ar-je naa gə yo gə nee.

Ephésiendjé 6:14

Uwaje gədərə ja: tar gə tɔgərɔ ɓa uwaje ne mə-si gə gagəra ngaɓa ulaje neɗa gə gadə-gadə gə kubu ɗɔ gə ngira king-king;

Philippiendjé 1:27

Ne kara baa le ɗaa, ar-je pa nja-si uwa buwa Tar gə May lə Kirisi, gə mba kar le m-aw m-o-si ose m-godo kara kar m-o tar-ɛ to gə ar-je njang mə kəji gə kara baa, umje mə-si naa gə kara, ꞌɗɔje mba takagə gə ɔji dɔ Tar gə May,

1 Thessaloniciendjé 3:8

Ɓisine sijee j-isi kəm baa mba sisəy uwa-je gədərə ɗəw gə lə Mbayɓe.

2 Thessaloniciendjé 2:15

Be ɓa, ngan ko̰-sijee, ar-je dɔ gɔl si njang ngaɓa uwaje netɔji gə ꞌtɔji-si gədərə gə ye ja tɔji-si gə ta-si ose ye ja ɗa mə mbede gə.

Ebərəje 10:23

J-ar singa-si ɔr ang ɗaa j-a pa tar məkunda lə-si gə ɗaga, mba nje kuwa dɔ gɔl ne le to dəw gə gadə-gadə.

Ebərəje 3:14

Mba sijee le j-a to njeba-ɛje lə Kirisi, to gə ɓo j-ar njang dɔ məkunda gə lə-si gə dɔngɔr,

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 4:14

Mba Jeju gə to buba njekapolo lə-si gə dɔ dara gə taar, gə to ngon lə Luba le, ɓo j-a taje kag-e nam ɗaa may kar j-uwaje ngəng.

1 Piyɛr 2:16

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

2 Piyɛr 2:19

ꞌJejee nee ja kara kəji neɗa gə kṵra̰y uwa-je ɓərə gə, mba na-na ja kara to ɓərə lə ne gə o̰ ɓe dɔ-ɛ gə, ngaa ꞌpa d-ar nje gə əng, na d-a kar-je d-inga dɔ to dɔy.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.

Apocalypse 2:25

Ne kara baa le, ne gə sisəy ingaje le, uwaje ngangə saar mba kar-m m-ɗe.

Apocalypse 3:3

Ar mə-i ole dɔ ɗəw gə ꞌta ne tar ta-je gə ose dɔ ɗəw gə ꞌtuga mbi-i o ne. ꞌNgom tar gə nee ɓo ꞌturu tar kəji lə-i; to gə ɓo unda kəm karə dɔ rɔ-i gə ang nama, m-a ɗe to gə nje ɓogo be, lal kar ꞌgərə kar gə m-a ɗe kuba-i ne nangə bus.