Galatedjé 4:9 - Mbede Lə Luba Kone Gə Sigi

⁹ Ngaa ɓisine ɗaa, ꞌgərəje Luba ose, Luba gərə si, ngaa na ban cibi ɓa ꞌtəlje awje rɔ njilje gə tɔgə-je godo, ngaɓa to neje gə baa wa? Se ꞌnjigije mba təl to ɓərəje lə-je cibi wa?

Testament ke Siki 1960 (Kabba Laka)

⁹ A bashénè mbata sésè egeridjé Allah mbä, aséh wota yèn, Allah gerésè, deo di a sésè asidjé ta tél mare bai ke tar ke dongor, ke éh ke singa ang ke to né ke ba, ke ndikidjé ta da beredjé lodè mare bai wa?

Galatedjé 4:9 ပူးပေါင်းရင်းမြစ်များ

Matiye 11:27

Neje tɔ̰y ja Bɔy iya̰ mə ji-m gə, ngaɓa dəw gərə-m ꞌma gə Ngon ang, ɗaa Bɔy ja gə kar-ɛ baa, ngaɓa Bɔy ja kara dəw gər-e ang, ɗaa ꞌma gə Ngon ja ɓa m-a kila gəl-e gə ɗaga kar dəw gər-e.

Lugu 5:38

Ngaa ɓo munduru kodo nama may kiya mə jo kodo gə sigi gə ja tɔ ɓa d-a kuwa naa gə maj-ɛ.

Jean 10:14

ꞌMa m-to njekuul badəmje gə may, m-gərə badəmje lə-m, ngaɓa badəmje lə-m kara ꞌgərə-m tɔ,

Jean 10:27

Badəmje lə-m d-o ndu-m, ꞌma le, m-gərə-je, ɗaa ꞌjejee ꞌndole go-m tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

1 Corinthiendjé 13:12

Ɓogəne j-o lo gə tatara ɗaa j-o lo arə ngadə ang ngaa j-a ko gə kəm-si nda̰-nda̰ ja ɓi. Ɓogəne m-gərə tɔ̰y ang ngaa m-a gərə tɔ̰y to gə ꞌgərə-m ne be ja ɓi.

1 Corinthiendjé 15:34

ꞌNdolje dɔ rɔ-si gə to gə tɔgərɔ ngaɓa undaje ngangə ɗa neɗa gə kṵra̰y, mba nje gə kɛm ꞌgərə Luba ang, m-pa m-ila ne rɔ kul dɔ-si gə.

1 Corinthiendjé 8:3

Ngaa to gə ɓo dəw njigi Luba nama Luba gərə nj-ɛ nee le tɔ.

2 Corinthiendjé 11:20

Mba ilaje gəl nje gə d-uwa si ɓərə gə, d-ula mbə dɔ-si gə, ꞌtuwa nemayje lə-si, d-o si gə ne ang, ꞌkunda kambɔr-si bangang-bangang!

2 Corinthiendjé 4:6

Mba Luba gə nje pa na: May kar lokarə ndogo dan cil ciməri gə, ꞌne le ja ɓa ndogo mə-sijee gə mba kar j-inga ne negərə gə unja ngadə ɔji dɔ riɓar lə-a gə ndogo ta kəm Jeju Kirisi gə.

Galatedjé 3:3

ꞌToje ɛbɛje bənəng to gə ban ɓa nee wa? Umaje kudu nja gə maj-ɛ ɗəw Njil gə cibi ngaa, a kaw tɔlje t-ɛ ɗəw darɔ gə wa?

Galatedjé 4:3

Sijee kara, logə j-a nay nganje ɓi le, j-a to ɓərəje lə njilje gə o̰ dɔ nangə nee.

Ephésiendjé 1:17

mba kar Luba lə Mbayɓe lə-sijee Jeju Kirisi, Bɔ dəwje gə njeriɓar, ar-sisəy njil kəm karə gə njil kila dɔ ne mba kar-si ꞌgər-eje ne.

2 Timoce 2:19

Tar gə tɔgərɔ gə Luba ja ula ngira nangə: Mbayɓe gərə dəwje tɔ̰y gə to njeka-ɛje, ngaɓa ɓo na-na ja ɓa pa na n-to nje kar Luba nama a kɔsə neɗa gə dɔ buguru rəw ɓa.

Ebərəje 7:18

Be ɓa ndu gə kede le ꞌtuji ꞌye gə gugu mba tɔg-ɛ godo ngaɓa may lə-a godo tɔ.

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.