Galatedjé 4:5 - Mbede Lə Luba Kone Gə Sigi

⁵ N-ɗe n-ɔr dəwje gə d-isi gəl torondu mba kar d-a to ngan kodoje.

Testament ke Siki 1960 (Kabba Laka)

⁵ Tokou ban ta karedjè djase ndé to ngandjé.

Galatedjé 4:5 ပူးပေါင်းရင်းမြစ်များ

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Lugu 1:68

Kɔsə gaji to kar Mbayɓe, Luba lə Ijirayɛl Mba ɗe gə ɗe o dəwje lə-a ngaɓa uga dɔ-je,

Jean 1:12

Ngaa dəwje tɔ̰y gə d-uwa-a gə rɔ-je gə ngaɓa nje gə ꞌta kagə gə ri-a ɗaa, n-ar-je singamongə ar ꞌtəl ꞌto ne gə nganje lə Luba.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Romaindjé 10:4

mba Kirisi ja tɔl ta torondu mba kar dəw gə ɗa-ɗa gə takagə to ne dəw gə gadə-gadə.

Romaindjé 8:14

mba dəwje tɔ̰y gə Njil lə Luba ɔr no-je le ꞌto ngan lə Luba.

Romaindjé 8:15

Ngaɓa sisəy le ingaje njil gə uwa-si gə ɓərə ɓa a ɓəəlje gə ɓəəl ja jaga-jaga ang, ngaa ingaje Njil gə təl-si gə ngan lə Luba, gə ɗəw gə lə-a ɓa j-uru ne ꞌkuwi na: Aba! Bɔy!

Romaindjé 8:19

Mba nekundaje ꞌngina kəgəgə kar Luba kila ngan-ɛ gə ɗaga.

Romaindjé 8:23

To gə dɔ nangə nee gə kar-ɛ baa ang, ngaa sijee gə j-inga Njil gə dɔngɔr nekarə baa le, sijee ja kara j-a suum mə-si gə kəy, j-a ngina ne dɔ ndɔ gə Luba a kila ne si gə ɗaga gə ngan-ɛ ngaɓa kar darɔ-sijee inga ne dɔ to doy.

Romaindjé 9:4

gə to Ijirayɛlje, gə Luba ja turu-je gə ngan-ɛ, gə rɔnduba lə-a, gə koneje, gə torondu, nepolo ngaɓa kuwa dɔ gɔl neje to kar-je,

Galatedjé 3:13

Kirisi uga dɔ-si gəl ndɔɔl gə lə torondu, təl to ne ndɔɔl mba tar lə-si. To gə Mbede pa na: Ndɔɔl uwa dɔ dəw gə ꞌɓər-e kagə.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Galatedjé 4:21

ꞌPaje ar-mje m-o: Sisəy gə ꞌnjigi-je mba kisi gəl torondu gə le, tar gə torondu pa le se mbi-si o ang wa?

Galatedjé 4:7

Be ɓa, ꞌi to ɓərə ang ngaa, ngaa ꞌi to ngon gə kuji kəy ngaa ɓo; to gə ɓo ꞌi to ngon gə kuji kəy nama, ꞌi to nje kuwa nenduba ɗəw gə lə Luba.

Ephésiendjé 1:5

ɓa n-ɔr sijee n-unda si gə kəm-e ɓədə kede ləw baa nam, n-təl ne si gə ngan m-eje gəl Jeju Kirisi gə gə go mə njigi lə-a gə may pɛdə,

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 9:12

ngaɓa n-andə no ngɔ losangə gə gɔl kara ja gə dɔbo̰, n-andə gə məsə bɔ badəm ang nəm gə məsə ngon mangə ang nəm ngaa gə məs-e ja. Be ɓa n-inga ne ɗəw kuga dɔ dəwje gə dɔbo̰ ja.

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

Apocalypse 14:3

D-ɔsə pa gə sigi, no ngəndəng mbay gə, no nekundaje gə sɔɔ gə d-aw kəm baa, gə no buba ɓeje gə. Ɗaa dəw kara be kara asə mba ndo pa ne le ang, ɗaa ɓɛl nje gə tɔl dɔg lo dɔg gə dɔ-je gə tɔl dɔg lo dɔg gə sɔɔ gə gir-je gə tɔl dɔg lo sɔɔ ne ja baa, ꞌjejee gə d-uga dɔ-je dɔ nangə gə nee.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.