Galatedjé 4:26 - Mbede Lə Luba Kone Gə Sigi

²⁶ Ngaa Jerujalɛm gə taar dɔ-ɛ to doy, ɗaa ꞌne ja to ko̰-sijee.

Testament ke Siki 1960 (Kabba Laka)

²⁶ A Jérusalem ke to ke tarr to ndjè kei, ke nè nto ködjèdjè.

Galatedjé 4:26 ပူးပေါင်းရင်းမြစ်များ

Jean 8:36

Be ɓa, to gə ɓo ꞌma gə Ngon ja m-ɔr kula ɓərə gɔbə-si nama, dɔ-si a to doy to gə tɔgərɔ ja.

Romaindjé 6:14

Neɗa gə kṵra̰y a dum dɔ-si ang, mba isije gəl torondu gə ang, ngaa gəl mənuji gə.

Romaindjé 6:18

D-ɔr sisəy ji neɗa gə kṵra̰y gə le ɗaa, ꞌtəl ꞌtoje ɓərəje lə neɗa gə gadə-gadə ngaa.

Galatedjé 4:22

Be ɓa, ꞌɗa mə Mbede gə na: Abəraham uji nganje gə jingaw joo, ye gə kara n-uji-e gə jene gə to ɓərə, ɗaa ye gə kara gə jene gə dɔ-ɛ to doy.

Galatedjé 4:25

Agar le tɔji dɔ ər gə Sinayi le to dɔ nangə gə Arabi ɗaa, ꞌne n-asə naa gə ɓe gə Jerujalɛm gə ɓisine, mba n-to ɓərə gə ngan-ɛje naa gə kara baa.

Galatedjé 5:1

Kirisi ɔr kula ɓərə lə torondu gɔbə-si gə mba kar dɔ-si to doy. Be ɗaa, ar-je dɔ gɔl si gə jang, ɓo ꞌtəlje ulaje gɔbə-si jugu ɓərə gə gugu ang.

Philippiendjé 3:20

Kar-sijee ɗaa, ɓe lə-si to dara; lo gə j-a ngina Mbayɓe Jeju Kirisi ɓa gə Njekaji-si kəne,

Ebərəje 12:22

Ngaa sisəy le ɗaa ubaje dɔ ər gə Siyo̰ ar-je kəne ngaɓa andəje ɓebo gə lə Luba gə nje kisi kəm baa, Jerujalɛm gə dara, gə anjije bula-bula ꞌmbo̰ naa ꞌɗa nay kəne;

1 Piyɛr 2:16

may kar isije to gə dəwje gə dɔ-je to doy, ɗaa kar dɔ to doy lə-si to ɗəw ɗa ne gə kṵra̰y ang, ngaa ꞌnjaje gə njekulaje lə Luba.

Apocalypse 12:1

Netɔji gə boy kara ce mə dara gə: jene kara, kar dəb-e guburu, nay to gəl gɔl-ɛ gə nangə, ngaɓa jɔgə gə to gə ndɛ̰ndərɛ̰ndɛ̰je dɔg gə gir-e gə joo to dɔ-ɛ.

Apocalypse 17:5

ꞌƊa ri misi kara ɓida no-ɛ gə na: Babilon gə boy ko̰ jene kayaje gə nje ɗa nekɔbəje gə dɔ nangə gə.

Apocalypse 21:2

Ɗaa m-o ɓebo gə to gə losang-ɛ, Jerujalɛm gə sigi, ḭ rɔ Luba gə dara ɗisi uru nangə, ta naa gə jene nje ngaw gə ɗa mandə mba ngab-ɛje.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.