Galatedjé 4:14 - Mbede Lə Luba Kone Gə Sigi

¹⁴ Rɔ-m gə jɔgə-m ya̰ ja le, təl to nena mə-si, ngaa ꞌdabə-mje ang nəm ngaɓa ꞌyiɛm-mje ang nəm tɔ; uwa-mje rɔ-si to gə anji lə Luba, to gə Kirisi Jeju be.

Testament ke Siki 1960 (Kabba Laka)

¹⁴ A né nèn ke to rom té ke naasè nya, aresè ta mbetem aséh ta tadjim ang, a sésè etaamdjé tokou ange lo Allah, tokou Christ Jésus.

Galatedjé 4:14 ပူးပေါင်းရင်းမြစ်များ

Matiye 10:40

Dəw gə uwa-si gə rɔ-ɛ gə nama ꞌma ja uwa-m gə rɔ-ɛ gə əng, a ɓo dəw gə uwa-m gə rɔ-ɛ gə nama uwa Luba gə njekula-m gə rɔ-ɛ gə tɔ.

Matiye 18:5

Cibi dəw gə uwa ngon gə njɛ̰ kara to gə ye gə ar nee gə rɔ-ɛ gə gə ri-m nama, ꞌma ja uwa-m gə rɔ-ɛ gə əng.

Matiye 25:40

Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən.

Lugu 10:16

Jeju təl pa na: Dəw gə o tar lə-si nama, ꞌma ja nj-ɛ o tar ta-m gə əng; dəw gə mbadə si nama, ꞌma ja nj-ɛ mbadə-m, ngaɓa dəw gə mbadə-m nama, nj-ɛ mbadə dəw gə ula-m tɔ.

Jean 13:20

Tar gə tɔgərɔ ja, m-pa m-ar-si, dəw gə uwa njeka̰ykula lə-m gə rɔ-ɛ gə nama to gə ꞌma ja ɓa nj-ɛ uwa-m gə rɔ-ɛ gə kən, ngaɓa dəw gə uwa-m gə rɔ-ɛ gə nama to gə njekula-m ɓa nj-ɛ uwa-a gə rɔ-ɛ gə əng tɔ.

1 Corinthiendjé 1:28

Luba mbərə neje gə to gə neje gə baa dɔ nangə nee, neje gə ꞌdabə dasəra, ne gə godo mba tɔji ne ye gə d-o gə ne gə tɔgərɔ,

1 Corinthiendjé 4:10

J-a to mbəje mba Kirisi, ngaa sisəy ɗaa ꞌtoje kəm karəje gə mə Kirisi gə, sijee j-a to nje tɔgə godoje ngaa sisəy ꞌtoje njesingaje. Sisəy ꞌɗɔy-si ngaa sijee ꞌdabə-si dasəra!

2 Corinthiendjé 5:20

Be ɓa, sijee le ja to dəwje gə nje pa tarje ta ne toro Kirisi, ɗəw lə-sijee ɓa Luba ɓar-si ne. Gə ri Kirisi, j-oso kul no-si gə: Umje naa gə gə Luba.

Galatedjé 3:26

ꞌToje nganje lə Luba ja tɔ̰y mba ꞌtaje kagə Kirisi Jeju,

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Galatedjé 4:13

ꞌGərəje gə maj-ɛ to gə mbɔr dɔ rɔ-m gə to-m ɓa m-ila mbərə Tar gə May m-ar-si dɔngɔr.

Galatedjé 4:15

Se rɔləl lə-si gə kede le aw ɗa ngaa wa? Mba rɔləl lə-si gə m-o dɔ ndɔ-ɛ əng le ɗəw to nama kandə kəm-si ja kara a tɔr-je kar-mje.

1 Thessaloniciendjé 2:13

Gəl-e gə nee ɓa j-a ɗa Luba oyo taar-taar mba tar lə Luba gə j-a pa gə oso mbi-si gə le, oje gə tar gə ta dəwje gə baa ang, ngaa oje gə tar gə tɔgərɔ ja, gə tar lə Luba gə ɗa kula mə-sisəy nje ta kag-eje gə.

1 Thessaloniciendjé 4:8

Be ɓa dəw gə mbadə nduje gə nee le, to gə dəw ɓa nj-ɛ mbadə tar t-ɛ gə ang ngaa Luba gə nje kar-si Njil Njerɔsangə ɓa nj-ɛ mbad-e.

Ebərəje 13:2

Ar-je mə-si uy dɔ kuwa mbaje ang, mba kuwa mbaje le ɓa nje gə kɛm d-ɔsə ne dɔ-je dɔ anjije gə lal gərə.