Galatedjé 4:12 - Mbede Lə Luba Kone Gə Sigi

¹² Ngan ko̰-mje, kɔgərɔ ja, undaje rɔ-si to gə ꞌma be, mba ꞌma m-təl m-to to gə sisəy be tɔ. M-gərə to gə ꞌtujije mə-m ang baa.

Testament ke Siki 1960 (Kabba Laka)

¹² Ngakömdjé, mam ndoudjousè nya, edéidjé tokou ma méh, mbata ma méh tokou sésè éhdjé to. Sésè edamdjé madjang ang.

Galatedjé 4:12 ပူးပေါင်းရင်းမြစ်များ

Koula 21:21

Be ɓa d-o tar-ɛ to gə ꞌi ꞌtɔji Jiibije gə d-isi horo dəwje gə ꞌgərə Luba ang mba kar d-uba torondu Moyiji d-ḭya̰, kar d-unja bərə nganje ang nəm ngaɓa kar nja go nejiɓeje gə ang.

2 Corinthiendjé 2:5

To gə ɓo dəw kara horo-si gə ɗa ne ar kəm dəw to ndoo nama, to gə ꞌma ɓa ꞌɗa-m n-ar kəm-m to ndoo ang, to gə sisəy ja tɔ̰y, ngaɓa tɔ̰y ang kara buduru, mba pa kuru ne muu ang

2 Corinthiendjé 6:11

Sisəy, nje gə Kɔrɛnt, sijee ja pa gə si tarje tɔ̰y, ngaɓa j-ḭya̰ mə-si yag j-ar-si,

2 Corinthiendjé 6:13

M-pa gə sisəy tar to gə ngan-m be, ɗaa may kar ḭya̰je mə-si yag ar-je sijee tɔ.

Galatedjé 2:14

Logə m-o to gə pa nja lə-je to gadə-gadə gə go tar gə tɔgərɔ lə Tar gə May ang ɗaa, m-pa m-ar Sepas kəm-je gə tɔ̰y na: ꞌI gə to Jiibi, ɓa ꞌɗa neɗa lə dəwje gə ꞌgərə Luba ang, ɓo gə pa ne nejiɓe lə Jiibije ang. Ngaa dəwje gə ꞌgərə Luba ang ɓa ꞌi ɔsə-je mba kar d-un kula ɗa nejiɓe lə Jiibije, mba ɗi wa?

Galatedjé 4:11

Njil-im ce mba kulaje tɔ̰y gə m-ɗa horo-si gə le təl to ne gə baa.

Galatedjé 4:13

ꞌGərəje gə maj-ɛ to gə mbɔr dɔ rɔ-m gə to-m ɓa m-ila mbərə Tar gə May m-ar-si dɔngɔr.

Galatedjé 6:14

Ye gə ɔji dɔ-m ꞌma le ɗaa, to gə be ang! Kuy lə Mbayɓe Jeju Kirisi kagə dəsə gə ja kara baa ɓa m-a kɔsə ne gaji rɔ-m. Ɗəw kuy gə lə-a nee le ɓa, m-o ne neje tɔ̰y gə dɔ nangə nee gə mal-ɛje to neje gə d-uy ta kəm-m gə, ngaɓa ꞌma kara m-to to gə dəw gə uy be kəm neje gə dɔ nangə nee gə malje tɔ.

Galatedjé 6:18

Ngan ko̰-mje, may kar mənuji lə Jeju Kirisi Mbayɓe lə-si nay gə sisəy. Oyo!