Galatedjé 3:29 - Mbede Lə Luba Kone Gə Sigi

²⁹ Cibi, sisəy tɔ̰y ꞌtoje kar Kirisi, ɗaa ꞌtoje gəl kuji Abəraham, nendubaje gə ɗəw ndu kun gə Luba uwa dɔ gɔl-ɛ.

Testament ke Siki 1960 (Kabba Laka)

²⁹ Tokou sésè etoidjé ngä Christ, sésè etoidjé ngandjé lo Abraham, ndjè kwaa né ndouba deo né té ke Allah tò mbä.

Galatedjé 3:29 ပူးပေါင်းရင်းမြစ်များ

Matiye 3:9

Ɓo əw-je rɔ-si kunda-je mə-si na: Abəraham to ka-sijee! To gə be ɓa m-pa m-ar-si to gə ərje gə to nee ja kara Luba asə mba təl-je gə nganje kar Abəraham.

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 15:23

ngaa na-na kara gə lo kar-ɛ kar-ɛ: Kirisi ja to dɔngɔr-je tɔ̰y, ngaɓa nje kar Kirisije dɔ ndɔ gə təl gə lə-a.

2 Corinthiendjé 10:7

May kar-si ɔr-je kəm neje gə maj-ɛ! To gə ɓo dəw ja gərə gə darɔ-ɛ to gə ꞌne n-to kar Kirisi nama, may kar gərə ne gə to nee: To gə ɓo n-to nje kar Kirisi nama sijee kara ja to nje kar Kirisije ja tɔ.

Galatedjé 3:16

Abəraham ɓa Luba uwa dɔ gɔl ndu kunje ar-ɛ gə gəl kuji lə-a. Mbede pa ɔji dɔ gəl kuji dəwje gə bula ang, ngaa ɔji dɔ gəl kuji gə kara baa ɗəgədə gə to Kirisi.

Galatedjé 3:18

To gə ɓo, gə go torondu ɓa dəw inga ne nenduba nama, ne nee le a ɗe ɗəw ndu kun gə d-uwa dɔ gɔl-ɛ ang baa, ngaa mba ndu kun gə d-uwa dɔ gɔl-ɛ ɓa, Luba uwa ne nuji gə Abəraham.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Galatedjé 3:7

Oje gə maj-ɛ ɓa, dəwje gə njetakagəje ɓa ꞌto ngan lə Abəraham.

Galatedjé 4:1

Be ɓa, m-pa na: Dɔ kar tɔ̰y gə njekuwa nenduba nay ne ngon baa ɓi le, n-to gə ꞌɓəə neje tɔ̰y ja ngaa, ne kara gə n-unda ne rɔ-ɛ ɓəɗə gə ɓərə le godo.

Galatedjé 4:7

Be ɓa, ꞌi to ɓərə ang ngaa, ngaa ꞌi to ngon gə kuji kəy ngaa ɓo; to gə ɓo ꞌi to ngon gə kuji kəy nama, ꞌi to nje kuwa nenduba ɗəw gə lə Luba.

Galatedjé 5:24

Ɗaa nje kar Kirisi Jeju-je le ɓərə darɔ gə ɓo neje gə uwa-je ɓərə gə kagə dəsə gə.

Galatedjé 6:16

Dəwje tɔ̰y gə d-ila kuji gə go ɗəb-e nee le, ɗɛgɛgɛ gə ko kəmtondoo to dɔ-je naa gə kara baa gə ko dəwje lə Luba tɔ̰y.

Ephésiendjé 3:6

ɗəw gə lə Kirisi Jeju ɗaa, nje gə ꞌto gə Jiibije ang le, ꞌtəl ꞌto gə nje kuwa nendubaje gə ꞌtəl ꞌto gə darɔ gə kara baa, ngaɓa ne gə Luba uwa dɔ gɔl-ɛ le kara to ɔji dɔ-je naa gə kara baa gə Jiibije ɗəw Tar gə May gə.

Tite 3:7

be ɓa, n-ɗa-si gə dəwje gə gadə-gadə gə go mənuji lə-a mba kar j-a təl to nje kuwa ndubaje ɗəw ne kunda mə dɔ gə lə-si ɔji dɔ təbə gə gə ndɔ gə ndɔ.

Ebərəje 1:14

Anjije nee tɔ̰y le, ꞌto njilje gə Luba aw ula-je ang baa wa? Luba aw ula-je mba kar ꞌla gə nje d-a kuwa kaji gə neduba.

Ebərəje 11:18

ꞌne ja cibi ꞌpa d-ar-ɛ na: Ɗəw gə lə Ijagə ja a kinga ne gəl kuji dəwje gə ri-i a to dɔ-ɛ gə.

Ebərəje 11:7

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

Ebərəje 6:17

To gə be ɓa Luba kara njigi tɔji nje gə uwa dɔ gɔl ne ar-je to gə ndu-e a turu ang ɗaa naji dɔ darɔ-ɛ ye gə,

Jacques 2:5

Ngan ko̰-mje gə m-njigi-si ya̰, ꞌtugaje mbi-si oje: Se Luba ja ɓa mbərə nje gə ꞌto gə njendooje kəm dəwje gə dɔ nangə nee ɓa mba kar ꞌtəl to gə bawje ɗəw takagə, ngaɓa gə nje kuwa nendubaje gə mə ɓeko̰ gə lə-a, gə n-uwa dɔ gɔl-ɛ n-ngəbə nje gə ꞌnjigi-e le ang wa?

Apocalypse 21:7

Dəw gə cɛdə ɗɔ nama a kinga nenduba gə nee le, ɗaa m-a to gə Luba lə-a, ɗaa ye a to gə ngon-m.